بالفيديو.. «إيمى» : اتصدمت من كم الأطفال اللى اتشدوا لمسلسل «العملية ميسى»

قالت الفنانة ايمى: " دورى فى مسلسل مسى دور كارول عميلة فى المخابرات الامريكى ، دور بالنسبالى جديد عليا وده سبب ان انا عملته اول مرة ابعد عن الكوميدى بكل مقايسه ومعايير الكوميديا فبلنسبالى كان تغيير حلو، الحاجه التانية ان ميسي كاموضوع ككل مختلف عن بقيت الزمله ، لان انا اعرف مشروع ميسي من 3 سنين ، كان فكرة مجنونة وطقة اللى محدش يعملها بس الحمد لله شافت النور وشافت نجاح وبشياكة اوى وبصراحة الناس مبخلتش على المشروع ميسي خالص ."
واضافت إيمى فى حوار خاص لكاميرا فيديو7 قناة اليوم السابع المصورة :" انا مبسوطة جدا لان قبل ما يتم عرض المسلسل بأيام كانت الناس شايفة الاعلانات مجرد نجوم نجوم وفجأة ظهر قرد على اد ما كنت قلقانة جدا من كده لان وقتها الناس كانت بتقول هنتفرج ولا مش هنتفرج بس بصراحة الفكرة كانت كويسة جدا وشدت الناس اكتر."
وتابعت : "الحاجه التانية لما المسلسل العميلة ميسى اتعرض اتصدمت أن كم الاطفال اللى اتشدوا ليه واولهم ابنى مش طبيعى فدى حاجة انا شايفة ان احنا لازم نستغلها كويس اوى لان احنا من ساعت بوجى وطمطم وفطوطة معندناش حاجة صناعة مصرية تشد الاولاد فأحنا عندنا جيل بنربيه دلوقتى عشان تطلع بيه ، فأنا شايفة ان ده لازم يتم استغلاله والحمد لله يارب ان المسلسل لقى هذا النجاح وان شاء الله من احسن لاحسن يارب."
وأضافت انها الان ستشارك فى عمل تاريخى جديد.
وقالت ان احسن مسلسل فى رمضان هو سجن النسا وبدون مقارنة وبدون منافسة.