شر البلية ما يضحك ولولا المضحكتيه وظرفاء مصر وقدرتنا على السخرية من أوضاع لا ينفع معها سوى البكاء لتحول الإكتئاب إلى يأس وزادت حالات الانتحار التي ترتفع يوميا في مصر البائسة . أنجبت مصر الكثير من الكتاب ملوك التنكيت والسخرية في أصعب الأزمات وبعد أن رحل الاستاذ جلال عامر كآخر عنقود الموهوبين الكبار اعتقد البعض أننا سنظل سنوات نبحث عمن يخلفه لكني يوميا أجد صحفيين وأشخاص عاديين موهوبين يملأون جزءا كبيرا من فراغ عم جلال عامر وهنا سأحاول ولو مرة كل شهر أن أجمع لكم بعض من أظرف الكتابات التي أقرأها على الفيس لموهوبين في النقد الساخر لأوضاع مقلوبة .. من أظرف أصدقاء الفيس الصحفي (ع ط )والذي اخترت له الآتي .. *( ع ط ) .. " موضوع قتل السياح المكسيكيين ده أكبر رد على الخونة والعملاء والطابور الخامس والسادس وأعداء الوطن اللي بيروجوا إن مصر مافيهاش سياحة.. أي حد كان بيقول السياحة مضروبة ييجي يشوف الجثث.."" *(ع ط )كتب ايضا يقول .. "" القبض على وزير الزراعة في ميدان التحرير.. ياريت نستفيد من مكان القبض عليه ويلبس قضية تظاهر، العقوبة هتكون اكبر من عقوبة أي قضية فساد.."" بينما كتب ( م ع ) ساخرا من حلقة لتامر أمين حول مجلس ادارة العالم والتحكم في الطقس والزلازل والبراكين يقول .. *(م ع ) كتب يقول .. ""دلوقت يا جماعة إحنا فعلا بقينا ف موقف صعب وقدام تحدي واضح لازم نفكر هنعمل فيه إيه , مهابيل شيتلند ابتدوا يعلوا علينا ، قلنالهم غواصة بدون غواص ودبابة بدون دباب ابتدوا يكلمونا عن مجلس إدارة العالم والجيل الخامس للحروب ويستعملوا صور من ستار وورز علي انها صور أقمار صناعية عسكرية ... لازم نغير الاستراتيجية ، محتاجين نعلي من جرعة الهس ، محتاجين ننظم نفسنا علشان نقدر نعلي علي اولاد ال***** دول ... ومن موقعي هذا بقول اننا نبتدي نكشفلهم ان الخطة اللي بنتبعها أعقد بكتير من إن هما يفهموها لأنهم موصلوش غير للجيل الخامس للحروب بينما احنا دلوقت بنتدرب علي الجيل التاسع للحروب وان فيه نشطاء سياسيين كتير بيتدربوا في جبال التبت علي إيدين تنظيم بوذي ماسوني شيعي صهيوأمريصينيباني سري علشان يعلمهم ازاي يحركوا الأشياء عن بعد ويطلعوا نار من بقهم وميموتوش بالرصاص وازاي يقروا أفكار المسؤولين ويتحكموا في دماغهم علشان يخلوهم يدمروا الدولة بإيديهم ... إلخ #يا_هساسين_العالم_اتحدوا هذه بعض طرائف بسيطة من سخرية عبقرية لكتاب موهوبين لكن للأسف هؤلاء لا يكتبون في صحف كبيرة أو حتى صغيرة بينما هناك كتاب يأخذون مواقع ومساحات لا يستحقون منها شيئا إلا انني هنا سأحاول جمعها شهريا ونشرها للقراء الأعزاء . المشهد .. لاسقف للحرية المشهد .. لاسقف للحرية