اتجاهات

السبت*28/1/2012
محمد موافي : سلام من الله عليكم ورحمة منه وبركات .. أيام حاسمة تعيشها مصر خلال الأيام القليلة القادمة .. المصريون علي موعد بعد ساعات مع حدثين كبيرين لا يفصل عنهما أكثر من 48 ساعة بكره إن شاء الله الجلسة الإقتتاحية لبرلمان الثورة أول برلمان في مصر يأتي عن طريق إنتخابات حرة ونزيهة هي الأولي فعلاً من نوعها منذ أكثرمن 60 عاماً وربما أبعد وبمشاركة تعدت 30 مليون مصري سابقة لم تعفها مصر علي إمتداد تاريخها أيضاً يوم الأربع اللي جاي إن شاء الله الذكري الأولي لثورة ال 25 من يناير الثورة التي ظل وسيظل شعارها سلمية سلمية التي وقف العالم مبهوراً تعظيماً لها وحائراً في عبقريتها .. الذكري تأتينا وسط دعوات مختلفة بعضها للتظاهر وأخري لدعم المجلس العسكري والثالثة تدعي لمرور عام والرابعة تدعو لحماية المنشآت وأخري لإستكمال مطالب الثورة صحيح قد تكون هناك إنجازات لكن أيضا هي ليست كلها علي مستوي الطموحات يجب أن ندرك أن هناك إنجازات تحققت بالفعل لكن يبقي هنا: أهداف كثيرة في طريقها للتحقيق ومطالب كثيرة لم تتحقق بعد أياً كانت الرؤي الفكرية والسياسية التي تحتشد الآن في مصر كل ما نرجوه أن تكون تلك القوي وتلك الطوائف مصرية الهوي والهوية ومصرية الغاية .. يعني يجب أن ندرك أن هذا الوطن هو وطننا نحن لا وطن أحد آخر هذه الثورة هي ملك لكل المصريين وليست حكراً علي أحد ، ليس هناك من يقول أنا الثورة والثورة أنا يبقي ما إختلفناش يبقي شيلنا ديكتاتور كان بيقول أنا ما بأقلش رأيي أنا بأقول رأي 80 مليون مصري شيلنا فرعون كان بيقول ما أريكم إلا ما أري وجبنا بعض الناس الآخرين الذين يحاولون أن يتحدثوا بالنيابة عن الجميع – الجميع شارك الجميع مصري حتي اللي شارك بالسلبية في النهاية الثوار الحقيقيون هم السواعد الحقيقية لهذا الوطن بعد الفاصل ألقاكم بمشيئة الله .
فاصل " آراء الشارع "
يارب الأيام اللي جايه تبقي أحسن .. نتمني عيد الثورة يبقي بخير .. أتمني أشوف مصر كويسة وتبقي بلد أحسن من كده بكثير .
فاصل
محمد موافي : أهلاً بحضراتكم مرة ثانية في هذه الحلقة من إتجاهات .. الحلقة اللي جاية قبل يوم من الجلسة الأولي لمجلس الشعب وقبل يومين من ذكري الأولي للثورة بأرحب بحضراتكم مرة ثانية وبأرحب ومشاركتكم وبأرحب بضيف هذه الحلقة الأستاذ احمد محيي عضو مجلس أمناء الثورة .. أستاذ أحمد أهلا بك
أحمد محيي: أهلا بحضرتك
محمد موافي : بكره إن شاء الله الجلسة الأولي لبرلمان الثورة أو البرلمان ما بعد الثورة هل نقدر نقول إن غذاً تنتقل الشرعية من الميدان الي البرلمان ؟
أحمد محيي: أريد أوصل لحضرتك معلومة إجتماع بكره إنعقاد مجلس الشعب إن شاء الله أول ثمرة نجنيها من ثمار الثورة والمجلس العسكري السلطة التشريعية كانت موجودة معه وعشان نأخذ السلطة التشريعية وتنتقل للشعب عمرها ما تنتقل إلا عن طريق برلمان ونواب إنتخبهم الشعب النهارده الإيراده الشعبية جابت التيارات التي إختارتها وهذه إيرادة الشعب والثوار مرحبة بها جداً لإنها إيرادة شعبية – الثوار الحقيقيين الذين شاركوا معانا في ال 18 يوم الأولي الشباب التي ضحت عشان الثورة تنجح والشهداء وأهالي الشهداء اللي شاركوا معانا علي مدار الفترة اللي فاتت وقلوبهم كانت تتقطع علي أولادهم لإن ما كنش فيه حاجة بتتحقق الناس ديه المفروض النهارده يوم ليس سهل بالنسبة لهم لإن النهارده اللي إبنه ضحي عشانه بيبتدي يتحقق .. إحنا محتاجين برلمان ثوري وهو ده إن شاء الله أملنا الكبير فيهم إن هو النائب الثوري يختلف عن أي نائب ثاني النهارده حصل تغيرات كثيرة في الفترة اللي فاتت ما بين حكومة الدكتورعصام وبين حكومة الجنزوري بس اللي كنا بنأمله من كل وزير كان مشارك في حكومة الدكتورعصام وفيه منهم لسة مازال مشارك
محمد موافي : حضرتك بتكلمني عن مطالب لم تتحقق وحاجات لسة إحنا في طريقنا ليها أو إخفاقات أو فشل أو نجاحات إنما إحنا النقطة " الثوار خرجوا يوم 25 يناير الثوار إستمروا في الميدان 18 يوم – الثوار قدموا لمصر حاجات عظيمه جداً رحيل نظام وبداية بناء نظام آخر أول ثمراته هو مجلس الشعب بكره المجلس ده خلاص هو الشرعية الوحيده الموجودة أم أن الميدان سيظل هو الشرعية ؟
أحمد محيي: انا عايز اوصل لحضرتك إن الثمرة التي خرجت ما خرجتش بعيد عننا دا إحنا زرعنا وشوفنا الثمرة قدامنا هي بتمثلنا وإحنا كلنا واحد معاهم وإحنا فيه إتصال بيننا وبينهم
محمد موافي : أنا لم اقل إن فيه إنفصال أنا بأقول الشرعية لمن دلوقت للشارع والا للبرلمان
أحمد محيي: طبعا لمجلس الشعب ديه ما فيهاش سؤال ديه هو ده نائب الشعب اللي إختاره ال85 مليون مصري ما إختاروش الميدان اللي إختاره 30 مليون طلعوا شاركوا في الإنتخابات هوده اللي حيتكلم بإسمي وبإسم الشعب كله لإن أنا واحد من الشعب – أنا مهما كنت ثائر ما هو الشعب المصري ده مش أنا اللي ثورت لوحدي الشعب المصري ده عمل ثورة والثورة لما حصلت كل واحد كان موقعه فين هوعمل ثورته في مكانه فيه ناس نزلت حمت بيوتها وحمت شوارعها وعملت اللجان الشعبية ووقفت في الشوارع وقفِّلت الشوارع ضعيت مخطط كبير كان في الشوارع وكان فيه عربات في الشارع بتلف وتضرب نار علي الناس في الشوارع هذه العربيات ىمجهولة الهوية لولا أخواتنا اللي وقفوا وقفلوا الشوارع وعملوا الأكمنه وإبتدوا هذه العربات ما تعرفش تتحرك وتجري وتاخد راحتها في الشوارع كانت البلد راحت فين ما هو ده شارع في الثورة النهارده اللي ساب بيته ووقف أمام عمارته هذا شارك مصر كلها شاركت في الثورة مصر كلها بغض النظر عن تياراتها وعن إنتماءاتهم ناس مالهاش في السياسة خالص ما تعرفش مين الوزير لو سألته مين وزير الداخليه يقول لك ما أعرفش والنهارده اللي بيتكلم عن الناس ديه مين النواب اللي إنتخبناهم
محمد موافي : أستاذ احمد الذكري الأولي للثورة – لما فكرنا نستضيف حد من إئتلافات الثورة يتكلم عن الإحتفالية تبقي إزاي أظن إن مجلس أمناء الثورة هو أكثر جهة تجمع معظم هذه الإئتلافات كيف سيمر اليوم
أحمد محيي: ان شاء الله اليوم حيمر بخير
محمد موافي : تنظيمه إزاي الترتيبات إيه ؟
أحمد محيي: الثورة مستمرة دا مبدأ وإحنا متفقين عليه من البداية وكل الأطراف متفقة عليها ولها طرق وأدوات وكل وقت للثورة يحتاج آلية معينه نشتغل بها النهارد يوم عظيم جدا هو يوم الذكري الأولي لشهدائنا وأهاليهم لابد أن يحسوا أن هذه الشهداء موجودة في قلوبنا وقلوب كل المصريين ودمه لا يروح هدر وفيه حاجات إتحققت وفيه حاجات بتتحقق
محمد موافي : لو فلاضنا جدلاً إن الذكري الأولي للثورة مسؤولين من النظام هم اللي حينظموا الإحتفالية بتاعتها جدلاً يعني حيبقي الإحتفال العادي حيجيبوا مطرب مشهور حيعملوا كرنفال حيبقي فيه سهره ومسرحية دا كان زمان دلوقت شباب الثورة فعاليات الإحتفال إيه ؟
أحمد محيي: والله إحنا فيه عندنا جزء لأهالي الشهداء ومنظمين مسيرة لهم إن هم يدخلوا الميدان مجتمعين وحنقابلهم ونحاول نواسيهم ونقف بجانبهم اللي حو بالنسبة له سنوية إبنه الجزء الثاني إحتجاجيه عاملنها لإننا لم نحقق مصالب الثورة بالكامل حنرفع مطالبنا 1-2-3-4 كل اللي إحنا طالبينه حيترفع وحيتقدم وحيبقي موجود جوه الميدان نوع من الإحتجاج لعدم تحقيق المطالب حنكمل بقيت الفاعلايات أوالإجراءات بس معايا إتصال معايا الأستاذ سمير من القاهرة أهلاً بك
احمد سمير : السلام عليكم
محمد موافي : عليكم السلام
احمد سمير : ما علهش أنا كنت عايز أشارك بحاجة لإنه إحنا إن شاء الله بعد يومين حنحتفل بالثورة ودا إحتفال كلنا منظرينه
محمد موافي :كل سنة وإنت طيب
احمد سمير : وإنت بالصحة والسلامة وربنا يجعله بالنسبة لنا عيد نقول لبعض فيه كل سنة وإنت طيب ونرد علي بعض بالصحة والسلامة لإنه عيد كلنا كنا منتظرينه لكن بالنسبة للأحداث اللي إحنا فيها حالياً ومن يركب موجة الثورة ومن يلتف علي الثورة ومن يحاول الوصول علي أكتاف الثورة والثوار أصبح الحال أمامنا إن كل من له ومن ليس له في ثورة حقٍ ما يلتف عليها ويركب موجتها ويتفاعل معها وكأنه كان أحد الأعضاء الأصلاء فيها
محمد موافي :بس عضو أصيل في الثورة يقول لك الثورة مش بتاعتنا إحنا ديه بتاعة مصر كلها
احمد سمير : أنا معاك أستاذ احمد أنا بأسمعه علي العين والراس لكن عندي مثل فيه أحمد المذيعين عندكم شريف فؤال واحد من ضمن الناس اللي كان مدير راديو الحزب الوطني
محمد موافي : أستاذ سمير أرجوك بلاش ذكر أسامي
احمد سمير : بلا ش لكن لما يكون هذا الشخص مسؤولاً عن راديو للحزب الوطني ثم يصبح هذا الشخص هو من يقدم برامج خاصة بالمحاكمات وبرامج ىخاصة بغيره
محمد موافي : استاذ سمير ما أظنش إن ده وقت إحنا نقعد نزايد علي بعض
احمد سمير : هي مش مزايدات لكن أنا كل اللي أنا عايز أقوله إن في كل الأحوال الناس اللي كانت مشتركة والناس اللي واقفه في الميدان والناس اللي ضحت فعلاً والناس اللي الأستاذ بيقول عليها سنويتها هي الناس اللي تستحق الكريم والناس اللي تستحق تكون فوق كل كبيرة وليس يُركب موجتها مصحلة أحد آخر
أحمد محيي: يا أستاذ سمير عايز أقول لحضرتك الشباب اللي نزلت 18 يوم اللي هم الثوار الحقيقيين هم مستنيين تكريم من حد ولا دخلوا ميدان التحرير وكانت إيديهم فاضيه وخرجوا وهم إيديهم فاضيه مش مستنيين أي حاجة لإنهم ضحوا فعلاً بوقتهم وجهدهم وأرواحهم وعملوا كل اللي عملوه مش مستنيين احد ولا مقابل
احمد سمير : لا أتكلم عن إنتظارهم لمقابل ولا من عدمه لكن أنا أري أن كل من فعل شيئاً جيداً يستحق عليه التكريم إذا كان هذا التكريم سواء كان مادياً أو معنوياً أو بالإشارة أو بأي شيئ أو بتخليد الذكري لكن أي حد يعمل عملاً حسناً لابد أن يُشار إليه .
محمد موافي :شكراً جزيلاً يا أستاذ سمير ونعتذرعن ذكر أي أسماء المسألة مالهاش علاقة مطلقا ً شكراً جزيلاً أستاذ سميرمن القاهرة .
محمد موافي :وقفنا عن نقطتين في كيفية الإحتفال الإجراء الأول هو إحتفالية تكريم أسر الشهداء والناس والثاني الإعلان عن المطالب التي لم تتحقق بصورة إحتجاجية
أحمد محيي: الثوره مستمرة ودا مبدأ إحنا متفقين عليه لتظاهر السلمي حق مكفول للشعب المصري بأكمله وهذا أحد إنجازات الثورة وقبل الثورة لا تستطيع أن تقول أنا مش عاجبني الوضع ده كان فيه قمع وقمع معروف وكان الرأي رأي واحد وإتجاه واحد اللي هو إتجاه الحزب الوطني ودا اللي خرجنا عشان إنت تقدر تقول رأيك بصراحة وأنا أقدر أقول رأيي بصراحة والتعددية شيئ جميل في جميع المجتمعات ودا من أسباب نجاح وتقدم مجتمعات كانت أقل مننا بكثيرإن هم بيسمعوا بعض فيه مشاركة في الرأي مش رأي واحد اللي إحنا عايزين نوصل له إن التظاهرالسلمي مكفول للجميع في حدود إحترام الإنسان الذي أمامي أنا ما أعطلش له مصالحة
محمد موافي : بس فيه ناس ما بتعترفش بهذه الحدود يا أستاذ أحمد
أحمد محيي: لأ لازم الحدود إحنا لما نزلنا في ال18 يوم الأولي كان لينا حدود عمرنا ما غلطنا في أحد ما قطعناش طرق وما وقفناش أحد ما إعتديناش علي أحد بل بالعكس أعتدي علينا في ال 18 يوم بكل قصوي وإستحملنا
محمد موافي : يعني إنت عايز تقول إن المظاهرات الفئوية أو المطالب الفئوية قطع الطرق أو الإعتصامات في طرق الثوار الذين أسميتهم حقيقيين بتوع ال 18 يوم مالهومش علاقة بيها ؟
أحمد محيي: آه طبعا ما لهمش علاقة المطالب الفئوية أنا إشتغلت في ملف المطالب الفئوية كثير جدا ونزلت في أكثر من وقفة للناس ومنهم عمال بتروجيت في مجال البترول ومنهم الجيولوجيين خريجي الجيلوجيا كانوا معتصمين أمام وزارة البترول
محمد موافي :طيب ما إنت وقفت في المظاهرات الفئوية التي قيل لم يكن هذا
أحمد محيي: المطالبات الفئوية كانت ضاغطة علي مجلس الوزراء وإحنا كنا بنحاول نخف الضغط عن الدكتور عصام هناك ونشارك معاهم في إن إحنا نخف عنه الضغط علشان يعرف يشتغل وكنا بننزل نتفاعل مع الناس ونتكلم معاهم وناخد طلباتهم ونقدمها في مذكرة لمجلس الوزراء ومجلس الوزراء كان بيحل كان فيه جزء بيتعل وجزء طبعاً ما كنش بيتحل لإن في حدود الإمكانيات المتاحة في الوقت ده .. مشاكل البترول أنا خرجت وتفاعلت مع الناس ونزلت بهم وقابلت وزير البترول وكان عندهم مشكلة عقودهم إنتهت فجدد لهم ورجع عدد كبير
محمد موافي :هل دوركم ده كمجلس أمناء ثورة تراجع في الفترة الأخيرة بسبب ذلك شوفنا الصدامات الكثيرة ديه .
أحمد محيي: هي فيه مواقف مفتعلة يعني فيه أحداث في الفترة اللي فاتت مان فيه مواقف حاسين إن الموقف ده مفتعل فإحنا بنتجنبه وفيه حد فعلاً بيبقي مظلوم واقف مظلوم أنا بأحس إن هو مظلوم فبأنزل له النهارده لما يبعت لي مدرس الرسالة يقول لي أنا بأقبض 85 جنيه طيب يعيش إزاي في وضع ما يقدرش يعيش داخل جمهورية مصر العربية وإلا ال 85 جنيه ياخدهم ومش عارف يعمل بيهم إيه فطبعا قدرنا نقف معاهم وقدرنا نوصل طلباتهم للمسؤولين . الناس اللي بتتظاهر في حدود حق التظاهر ده اللي أنا بأنزل أقف معاه اللي هو ما يقطعش شارع اللي هو
محمد موافي :يعني معني كده مجلس أمناء الثورة كان ضد الإعتصامات أو قطع الطرق زي اللي حصل في مجلس الوزراء
أحمد محيي: أنا عايزأوصل لحضرتك حاجة إحنا عايزين نفرق بين المطالب الفئوية وبين الثورة والثواروالمطالب العامة اللي هي تخص المجتمع كله اللي هي مبادئنا الحرية والتغيير والعدالة الإجتماعية ديه جزئية والنهارده واحد موظف نازل يتظاهر أمام الوزارة بتاعته عشان مرتبه كذا أو عايز يخليه كذا دا موضوع تاني ديه حاجات خرجت بعد الثورة النهارده إحما لما بننزل نساعده ونتفاعل معاه لإن إحنا حاسين إن هو مظلوم هو إتظلم 30 سنة كفايه عليه كده أنا لما النهارده أنزل وأقف بجانبه وأخد طلباته وأقدمها للمسؤولين ويقدروا يحلوا حاجة فيها بنعرض المواطن مشكلته إن إحنا لما ما حدش بيسأل عنه بيضطر يصعَّد – النهاده لما يلاقي نفسه مواطن عايزيغير أنبوبة بقاله أربع أيام ومافيش عنده غاز في البيت ومش عارف يتصرف إزّاي مش عارف مش عارف ياكل عايز يطبخ عشان ياكل مش عارف فبينزل يقف تحت ما فيش حد بيسأل عنه عايز يوصل صوته لو عنده وسيله ثانيه يوصل بيها صوته ده اهلاً وسهلاً
محمد موافي : والمفترض إن الوسيلة الثانية ديه هي مجلس الشعب
أحمد محيي: والله مجلس الشعب حيبقي عليه دوروالإعلام المصري عليه دورالإعلام لو نزل يتفاعل مع الجمهور نفسه حيوصل صوتهم هو المواطن محتاج إيه
محمد موافي : يعني كل ساعات الهواء اللي في كل التليفزيونات اللي بتحصل ديه ما بيوصلوش
أحمد محيي: والله الإعلام المصري
محمد موافي : أنهو إعلام مصري الإعلام المستقل ولا الإعلام الرسمي
أحمد محيي: الإعلام المصري " إتحاد الإذاعه والتليفزيون " هو إعلام الدولة المفروض يحس ألم المواطن فين وإنزل له في أماكن أنا لو نزل فيها بالكاميرا بتحل المشكلة المواطن بيقول آه هو عايز حد يسمعه بمجرد ما بتوصل صوته للمسؤول المسؤول بيبتدي يبص علي المشكلة ويحلها
محمد موافي : أنا أتفق معاك في كده مشاهدينا الحوار ممتد ومتواصل معكم كيف نستقبل ىمجلس الشعب بكره إن شاء الله وأيضاً كيف نحيي الذكري الأولي لثورة الخامس والعشرين من يناير أرجوكم إبقوا معنا .
فاصل
محمد موافي : أهلا بحضارتكم من جديد في هذه الحلقة من إتجاهات اللي بنناقش فيها كيف سنتابع أو نراقب آداء مجلس الشعب الذي سيبدأ جلساته الأولي غداً وأيضا كيف نحتفل بالذكري الأولي للثورة المصرية بأرحب بحضراتكم مرة ثانية وبأرحب بضيف الحلقة الأستاذ أحمد محيي عضو مجلس أمناء الثورة وأرحب بعضو مجلس الشعب عن حزب الحرية والعدالة الدكتور محمد البلتاجي الذي إنضم إلينا الآن أهلا يا دكتور
د/محمد البلتاجي : أهلا ً بك
محمد موافي : كنا نتكلم بكره إن شاء الله الجلسة الأولي للمجلس بعد يومين الذكري الأولي للثورة السؤال بدأت به الحلقة هل إنتقلت الشرعية من الميدان الي البرلمان
د/محمد البلتاجي : خليني في التقريب أعلق أنا نائب عن الشعب ليس حزب الحرية والعدالة صحيح حزب الحرية والعدالة هو من قدمني لكن بمجرد فوزنا ثقة الشعب بأصبحنا نوَّاب عن الشعب المصري بكل أطيافه وتياراته وإنتماءاته .. مؤكد أن البرلمان الذي يبدأ بكره جلساته الأولي اللي هي الجلسة الإجرائية ليبدأ من بعد بكره جلسات الموضوع ليعبرعن إحتياجات ومطالب الشارع المصري اللي قعد طوال سنة لا يوجد من يرفع مطالبه وحول مطالبه من مطالب تحتشد ورائها الملايين من الجماهيرالي إجراءات واقعية تطالب بها الحكومة سواء من خلال تشريعات أو من خلال رقابه علي الآداء ليس فيه تنازع مع الميدان ليست القضية من صاحب الشرعية مؤكد إن إحنا من بكره عندنا
محمد موافي : هذه أسئلة مثاره أو ناس أي ناس تريد عمل جدل في المسألة مش إحنا بنتكلم الشرعية ما بين الميدان والبرلمان
د/محمد البلتاجي : صحيح الميدان – ميادين الثورة ليس فقط ميدان التحرير لكن ميادين الثورة في كل أنحاء مصر التي إنطلقت تقدم الشهداء الإستعداد للتضحية في سبيل تغيير حال هذا الوطن أنجزت هذا البرلمان فالميدان هو صاحب الفضل علي هذا البرلمان – والبرلمان هو الثمرة الأولي لهذه الثورة المجيدة .. نجحت الثورة في إسقاط ؤوس نظام رئيس نائب رئيس حكومات برلمان سابق مزور حسب حاكم مجالس محلية إتحاد عمال – يعني تجاوزاً حنقول أسقطنا أو جمدنا امن دولة لكن عندنا منظومة لسة عايزين نشوف نطمئن إتغيرت ولا لسة لكن بداية البناء بعد أن أسقطنا هذا الذي تم بداية البناء أول تجربة لنا فيه إن الشعب المصري إستطاع بإيرادته الحرة وينجح في تحدي كان فيه 10 شهور كلام كتير عن إن لم نصل الي إنتخابات والأجواء لم تسمح
محمد موافي : فيه رأي يا دكتور بيقول إن البناء لم يحن بعد لسة ما أسقطناش الباقي يجب أن نسقط ثم بعد أن نسقط كل شيئ نبدأ نبني ده رأي موجود
د/محمد البلتاجي : ماذا يريد أن يسقط الآن الرأي اللي بيقول دا عايز يسقط إيه دلوقت
محمد موافي : عاي يسقط أحياناً بيقولوا الدولة نفسها ومؤسسات الدولة كلها
أحمد محيي: الدور اللي جاي أنا عايزأوصل لحضرتك معلومة بعد إذن حضرتك يا دكتور محمد هو فيه اللي هي نظهَّر عشان نبني والتطهير ده مش حيتم إلا من خلال مجلس الشعب من خلال الدستور من خلال الشرعية النهارده أنا محتاج قانون عشان أطهَّر الجزء اللي كان فاسد المتبقي من جسد النظام مين اللي حيديني القانون ده حأطلبه من المجلس العسكري والا أطلبه من وزارة الداخلية والا أطلبه من مجلس الشعب
محمد موافي : من ممثل مجلس الشعب
أحمد محيي: مجلس الشعب الناس اللي عاشت معانا واللي كانت حاسة معانا فيه أعضاء في مجلس الشعب كثير إن شاء الله في البرلمان ده وهذا برلمان ثورة عاشت في وسط الثوار وخارجه من الثوار
محمد موافي : كلامنا ده ما فيهوش تعارض أو أي تضاد في المسألة إنما أنا بسأل يادكتور دا رأي مطروح وموجود وشوفنا فيديوهات تدعو الي هدم ما تبقي من مؤسسات الدولة حتي يتم البناء من جديد
د/محمد البلتاجي : شوف لا نختلف علي أننا في حاجة الي إكمال مسيرة الثورة لإن الثورة التي إنطلقت في 25 يناير 2011 لم تتوقف ولم تعلن أنها قد إنتهت تحتاج إستكمال مسيرتها لكن من أعظم الإنجازات التي تعيننا الآن علي إستكمال مسيرتها إن لدينا برلمان الثورة زي ما بيقول أحمد يعني أن بأبص حواليا طول النهار أو اللي بأكلمهم طول النها ر من الزملاء اللي معانا بكره في الجلسة وإحنا بننسق بعض الأعمال لترتيب الجلسة هم دول اللي كانوا معانا في الثورة وبالتالي خليني أقول بشكل واضح المطالب الملحة الآن (1) حقوق الشهداء ومحاكمات من قتل الثوار – والحل الأمثل للتعامل مع هذا هو يكون لدينا برلمان في أقرب لحظة يعدل لنا قانون السلطة القضائية لنطمئن لإن إحنا لدينا قضاء مستقل كامل ونيابة مستقلة كاملة تبدأ وتمارس وتعيد وتراجع حقيقات حقيقية ومحاكمات حقيقية .
محمد موافي : هل تعتقد إن بعض ما تم في ساحات المحاكم حتي الآن من محاكمة رؤوس النظام أو من قتلة الثوار لم يكن قضاءاًَ مستقلاً ؟
د/محمد البلتاجي : بؤكد أنه لم يرسل برسالة طمأنة كافية للشعب المصري أنه قادر علي محاكمة المجرمين الذين نهبوا ثرواته والذين قتلوا ثواره .
محمد موافي : هل المطلوب من القضاء أن يرسل رسالة طمأنة – أن يقيم علاقات إجتماعية أن يحكم بما إستقر في ضميره من حقائق ؟
د/محمد البلتاجي : المواطن المصري البسيط بفترته حين يري أن هذه النيابة هي النيابة التي كانت قبل الثورة تنفذ ما يُطلب منها من نظام مبارك ومن أمن الدولة وكذا وكذا إن بعض هذه المحاكم هي إمتداد وبقاء للوضع الذي كان قبل الثورة والذي كان تصل إليه الأحكام جاهزة وسابقة التجهيز وبالتالي يصبح المواطن له الحق في حالة القلق علي إن آداء هذه المحاكم
أحمد محيي: القضاه اللي زوروا الإنتخابات اللي فاتت لسة موجودين والقضاه اللي حكموا علي الشباب بتوع المحلة في أحداث 2008 وعاملوهم علي إنهم إرهابيين وادخلوهم السجون مراضةً لحسني مبارك وطمعاً في عطاياه موجودين ولسة بيحكموا بين الناس بالعدل الناس ديه لسة موجودة
محمد موافي : طيب أحنا دلوقت بنتكلم علي النظر في قانون السلطة القضائية
د/محمد البلتاجي : لأ كمثال الشعارالرئيسي للثورة العدالة الإجتماعية كيف تتحقق العدالة الإجتماعية إلا بوجود برلمان بينظرفي الموازنة العامة للدولة ويقول أنا حأقدر هنا أزود معاش الضمان الإجتماعي – أنا حأقدر هنا أرفع الحد الأدني للأجور والا مش حأقدر دلوقت وحرفعه بعد قد إيه والأولويات هل هي دعم طاقة للمصانع لرجال أعمال كبار ودعم صادرات لرجال أعمال كبار
محمد موافي : هو من حقك كعضو مجلس الشعب تنظر في الموازنة
د/محمد البلتاجي : أيوه إذاً اللي حيحقق أصول العدالة الإجتماعية عندي برلمان ثورة بينظل في مطالب الثورة وبيبص في إجراءاته وإستحقاقاته علي سبيل المثال تعديل موازنة الدولة علشان يحقق من خلالها مطالب الثورة ليس مجرد أرفع شعارالعدالة الإجتماعية والحد الإدني للأجور وحياة كريمة لكل مواطن مصري لكن كيف تترجم هذه المطالب الي واقع هذا دور البرلمان
محمد موافي : حضرتك بتقول إنه حيبدأ من الأدوار الأولي للبرلمان لو أنا فهمتك مظبوط ليس النظر في إصلاح قانون السلطة القضائية بل النظرفي تطهيرالقضاه والنيابة هذا اللي أنا فهمته
محمد موافي : لأ أنا قلت بشكل واضح تعديل قانون السلطة القضائية ليصبح لدينا قضاء مستقل يؤدي أدواره هو ملك للجمعيات العمومية للقضاه مش لإن عيينه رئيس جمهورية سابق أو عينه وزير عدل سابق لكن وضعه في موقع المسؤولية الجمعية العمومية للقضاه اللي إختارت مي يصبح علي رأسها هنا أو هناك وبالتالي زي ما قلت يبقي عندنا سلطة قضائية مستقلة عندنا مطالب الجماهير في كل الأنحاء مرتبطة بآداء المحليات اللي أحنا بقالنا 10 سنين بنقول الفساد فيه كان للركب وأظن مؤكد إن بقالنا سنوات طويلة الفساد فيه للأعناق مش للركب كيف الحل – الحل أن يصدر لدينا قانون حكم محلي وإدارة محلية يحقق لنا حكم محلي وإدارة محلية صالحة رشيدة عندها إختصاصات عندها مسؤوليات عندها موازنة عندها رقابة شعبية تمكننا من إقالة رئيس حي ورئيس مدينة ومحافظ إذا ما كنش بيقول بواجبه .
د/محمد البلتاجي : عندكم شغل كثير قوي يا دكتور خليني أسمع من الميدان إيه أول حاجة المفروض تبقي أمام مجلس الشعب الذي سينعقد الصبح إن شاء الله
أحمد محيي: والله ربنا يكون في عونه إحنا عارفين إن المشوار طويل لإن الميراث كان صعب أنا النهارده بأحمله مسؤولية .. عضو مجلس الشعب بيوضع في مكان مطلوب منه يعالج مرض 30 سنة سابقة – 30 سنة كاملة يعالج مرضهم أهم حاجة عندنا الإستقرار أي نقف علي أرض صلبة عشان نعرف نتحرك عندنا نماذج كثير لدول تقدمت في فترة بسيطة جداً وهذا هو المطلوب منهم المفروض نضع أرجلنا علي أول سلم التقدم لإن مصرواقفة ثابتة مكانها بقالها فترة طويلة
محمد موافي : ما هي الإجراءات أو التشريعات أو الطلبات التي يجب أن يبدأ بها مجلس الشعب التي تحقق الإستقرارمن وجهة نظر الميدان ؟
أحمد محيي: مبدئيا حنقول أهالي الشهداء وأهالي المصابين هو بدأ بهم الدكتور محمد لإن الناس ديه لازم نفسيتها ترتاح اليوم أنا فقدت ابني أوأخويا أو فقدت أختي لازم أحس إن يوجد أحد إهتم بي لإن في من هذه الشباب كان لسة متزوج ولسة عنده طفل سنة شهور والتعويض المادي ليس كل حاجة الفلوس لابد التعويض المادي والتكريمي – شهداء 25 يناير لا يقول عن شهداء حرب 73 أنا بأطالب الجيش المصري البانوراما بتاعة حرب 73 اللي في طريق المطار يعمل فيها جزء لشهداء ومصابين 25 يناير
محمد موافي : التاريخ لسة حيقول كلام كثير والناس ديه سيكتب عنها كلام كثير وحيصعد ذكرهم في أكثر من محفل في الأيام اللي جايه وفي السنين المسألة ليس مسألة أيام لكن أنا بأتكلم علي إجراءات فعلية ليس حاجة فئوية مع إحترامي الشديد لدم الشهداء أو حاجة أمامكوا إيه يا دكتور ؟
أحمد محيي: حنعدي موضوع الشهداء والمصابين أول ملف عايزين نفتحه اللي هو شعار .. حناخد من ال 3 شعار بتوعنا الأولي اللي كانوا في الثورة اللي هي التغيير والحرية والعدالة الإجتماعية حناخد العدالة الإجتماعية لإن هي أقرب تماس مع
محمد موافي : ديه حاجة فضفاضة أنا عايزايه مشروع القانون اللي المفروض تبدؤا به يا دكتور ؟
د .محمد البلتاجي : أنا متصوروفيه اقتراح الآن هو بكره جلسة إجراءات إنتخاب رئيس المجلس والوكيلين ورؤساء اللجان والوكالات والوكلاء في اللجان ال 19 بتوع المجلس كما إن بكره المجلس لمدة 3 ساعات ولا حاجة إن كل عضو يقسم القسم الدستوري ديه فيها 3 ساعات علي الأقل وبالتالي أصل البعض بيتصور إن بكره لازم نشوف المجلس – بكره جلسة يتشكل فيها المجلس عشان يبقي عندنا مجلس إحنا لغاية دلوقت عندنا أعضاء مجلس لكن لم يتشكل المجلس فيه مكتب مجلس فيه لجنة عامة للمجلس فيه لجان فرعية نوعية للمجلس كل ده سيتشلك بكره يوم الثلاثاء سنبدأ بشكل مباشر عقد أول جلسة إن شاء الله تعالي ودا تعتبر أول جلسة من جلسات البرلمان مقترح لسة طبعا دا حيعتمد بعد تشكيل مكتب المجلس واللجنة العامة للمجلس اللي هم حيحددوا جدول أعمال المجلس لكن فيه مقترح لدي عديد من الزملاء والقوي السياسية إن إحنا يوم الثلاثاء الجلسة الموضوعية للمجلس تناقش عنوان " حقوق الشهداء والمصابين والجرحي " ليس قضية كلام فضفاض لكن قضية أن يستدعي رئيس الوزراء أن يستدعي وزارة المالية أن يستعدي صندوق في دعم الشهداء اللي تشكَّل يناقش بموضوعية في وجود نواب الشعب لنناقش بموضوعيه إحنا فين ووصولنا الي فين إيه المستهدف وحنكمل المسيرة ديه إزَّاي ده في جانب له إستحقاقات علي الدولة أن يتم عقب ذلك إحنا عندنا طبعا الأربع العيد القومي لثورة 25 يناير
محمد موافي : عيد قومي رسمي
د/محمد البلتاجي : وأن أظن البعض بيستحي من كلمة عيد
محمد موافي : دلوقت توصيفه القانوني
د/محمد البلتاجي : صحيح البعض يريد المظهر اليوم هو مظهر البكاء علي أن الثورة لم تفعل شيئاً ولم تحقق
محمد موافي : أنا أستأذن الأستاذ محيي دكتور كنا بنتكلم لو فرضنا جدلاً أن النظام السابق هوالمسؤول عن إجراء هذه الإحتفالية أنا شايف حييجي مطرب حيييجي حفلة حييجي مسرح مش عارف إيه الكلام ده كله يوم 25 يناير إحنا ما بنتكلمش عن التأمين واللجان أن بأتكلم ما هي الإجراءات لإحياء هذه الذكري ؟
د/محمد البلتاجي : هو أنا من وجهة نظري فيه مسارين والإثنين في مسار خطأ واحد بيعتبر إن اليوم عايزين يبقي زي ما حضرتك بتقول كده إحتفالات ومهرجانات وبالونات وغني ورأس وبنحتفل بعيد الثورة وطرف ثاني عايز يقلب اليوم ميتم وجنازة ولطم خدود وأن الثورة لم تحقق شيئاً وإحنا لسة عايزين نبتدي الثورة من الأول ولا ده صح ولا ده صح إحنا لدينا يوم مجيد في حياتنا نعتبر إن ولد فيه الشعب المصري من جديد وهو 25 يناير 2011 وبالتالي من حقنا أن نعتز بهذه المناسبة – من حقنا نعتز ونحتفي بها ونحتفل بها
محمد موافي : وأول مرهم الإحتفال هو الإحتشاد
د/محمد البلتاجي : آه بالظبط ليس إحتفال المهرجانات والغني وإفراغ المسألة من مضمونها الثوري لإن مؤكد إن لدينا ثورة لم تكتمل ولا تزال لديها مطالب تحتاج الي أن تحققها ولما تحتشد الملايين في الميدان عشان تعلن علشان تعلن أنها ستكون أوفياء لدماء الشهداء اللي قدموا أرواحهم لتحقيق مطالب بعضها تحقق وبعضها لم يتحقق وكأنه عثد بنأخذه علي أنفسنا كملايين الشعب المصري
محمد موافي : تجديد عهد
د/محمد البلتاجي : تجديد عهد وعزم وإصرار إن إحنا سنستكمل مسيرة الثورة وفاءً لأرواح الشهداء اللي قدموا أرواحهم في سبيل مطالب لاتزال تحتاج إن إحنا نصر عليها ونستكملها ونستمسك بها نعلن في هذا اليوم إن هذه المطالب سنبقي ورائها حتي تتحقق ولن تستطيع قوي لا في الداخل ولا في الخارج إنها توقفنا في منتصف الطريق لكن أيضاً ليس معني هذا إن الثورة ما عملتش أي حاجة
محمد موافي : تجديد القسم إن صح التعبير
د/محمد البلتاجي : شحن الهمم - إعلان إصرارعلي التمسك بباقي مطالب الثورة التي لم تتحقق
محمد موافي : إحنا محتاجين الكلمتين دول في كل حاجة يا دكتور شحن الهمم وإعلان الإصرار محتاجينها في كل حاجة بنعملها اللي عنده مطعن بيعمل فيه أكل اللي عنده ورشة بيشتغل فيها يعني ديه قضية مصر دلوقت .
د/محمد البلتاجي : لكن البعض يحاول تحويل الموضوع الي جنازة ولطم خدود وإن الثورة لم تبدأ بعد لأ الثورة بدأت يوم 25 يناي 2011
محمد موافي : إيه بقي حكاية الدعوات اللي علي الفيس بوك للتحريض لإحراق أماكن لإقتحام أماكن للإعتداء علي منشآت حيوية إيه رأيك في الكلام ده وإزَّاي سيتم مواجهته
أحمد محيي: الثورة المصرية ثورة مختلفة إحنا فاجئنا العالم أزهلناه باللي عملناه والذي نجحنا سلميتا
محمد موافي : أزهلناه وبنخنق نفسنا بعد كده
أحمد محيي: الفترة الإنتقالية التي عشناها زي ما قلت ورثنا ميراث ثقيل زائد الأحداث نفسها التي حصلت كانت صعبه علي أي حكومة أن تديروتشتغل في جو فيه مساجين هربانين فيه سلاح في البلد فيه إنفلات أمني فيه حاجات كثيرة فيه مطالب فئوية – الشعب خرج في حالة فوران عشان يهدأ ونبتدي نركزوندورعلي عجلة الإنتاج ونقدر ننتج ونقدر نتحرك
محمد موافي : طيب خلينا نتكلم بشكل مباشروواضح فيه دعوات جايه من ما وراء الحدود علي الفيس بوك لتحويل المسألة لمواجهات لصدامات فيه قناع بانديتا اللي بقي نكت هنا وهنا المسألة فيه ناس كثيرة قلقانة إيه اللي ممكن يحصل
أحمد محيي: الشباب في ميدان التحريروالشباب الثوري الموجود الذي نعرفه كويس في عز الضرب وفي عزالأوقات اللي كانت صعبة كان بيحافظ وبيجري يتلاحم علي أنه يحافظ علي المنشآت – إحنا المتحف المصري اللي أمنه الثوار
د/محمد البلتاجي : أستاذ محمد أنا لا أتهم
أحمد محيي: القصرالعيني كانوا بيقوموني الساعه 6 الصبح إلحق دا البلطجية داخلين
محمد موافي : إنت مش كنت في الميدان كانوا بيصحوك منين
أحمد محيي: لأ بعد الثورة – بعد الثورة فيه أحداث كانت مفتعلة وفيه بلطجية موجودة وفيه إتجاه
رف ثالث .
محمد موافي : إذن حنأمن الكلام ده
أحمد محيي: الكلام ده إن شاء الله الشباب بتاعنا واعي جداً والشباب بتاعتنا الحمد الله عندها ضمير وبتحب مصر بلدها وحنحافظ علي بلدنا ومافيش أي حد حيخرب أي حاجة
محمد موافي : دكتوريعني الدعوات موجودة دعوات أستمرارالثورة ولكن بشكل فيه تصادم وبشكل فيه عنف أكيد حضرتك عندك فكرخ بيها وأكيد فيه ترتيب مواجهة المسائل ديه إزاي هنواهدجه هذه المسائل
د/محمد البلتاجي : شوف يا أستاذ محمد جسم الثورة لا يعرف هذه المعاني لا الصدامات ولا أزمات ولا إشتباكات ولا قتل ولا عنف
محمد موافي : حتي إن لم تكن من الثورة
د/محمد البلتاجي : ديه أطراف بتخترق المشهد الثوري انا عايزأقول انا عندي مشهد ثوري أياً كان المختلفين في وجهات النظرداخله لكن بيعبروا عن إستكمال مسيرة هذه الثورة البعض بداخل هذا المشهد بيقولوا لأ إحنا عايزين نسلم السلطة دلوقت إحنا عايزين نسلم السلطة لمجلس الشعب لأعايزين نفتح إنتخابات رئاسة في أقرب لحظة إحنا بنختلف مع هذا ونقول فعلا عايزي إنتخابات رئاسة في أقرب لحظة لكن من خلال وضع دستوري صحيح فأنا عندي لازم تتم إنتخابات الشوري في شهر فبراير وعقبها مباشرةً عندي مسارين متوازيين الهيئة التأسيسية بتبدأ عملها لوضع الدستورالجديد ويفتح في نفس الوقت باب ترشيح إنتخابات رئاسة عشان إستكمل إنتقال السلطة الي رئيس منتخب وبالتالي بنستكمل نقل السلطة الي سلطة مدنية حقيقية إحنا مع هذا ومع الضغط السلمي الصحيح الرشيد العاقل هناك من يسعي لإختراق هذا المشهد وتحويله الي حالة من الفوضي الي حالة من العبث لحالة من تشويه الثورة والثوار
محمد موافي : أنا حأفكر حضرتك بالتعريف الذي إعترضت عليه أنا ما بقدمت حضرتك عضو عن حزب الحرية والعدالة ولا عن الإخوان المسلمين أنا بأقدم عضو مجلس شعب مشارك في الثورة – هذه الدعوات حضرك بتقول إنه مش من الثورة لكن أهل الثورة حيواجهوها إزاي ما هي دية حقيقة وواقع موجود إن حصل صدامات وحصل عنف وحصل وحصل اللي جاي حتواجهوه إزَّاي
د/محمد البلتاجي : شوف يا أستاذ محمد حضرتك فكرتني وأكيد أحمد فاكرالأيام ديه والله كنا حتي فيال 18 يوم الأولي للثورة كثير من الأوقات كانوا ييجوا الناس يقولوا في وسطنا بلطجية وفي وسطنا سنج وفي وسطنا سلاح دا بيحاول يعمل في وسط الناس حالة من الفزع وفقدان الثقة والشك والقلك أو بتخويف الناس عشان الناس تمشي وشيئ من هذا ثم حينما يزداد الحشد من الجماهير اللي جاية بتفع مطالبها السلمية بشكل حضاري محترم بتجد كل هذا يخش الجحور – كل ده ينزوي الي الجحور ويختفي مرة ثانية فوجود الناس وفهمها لطبيعة الثورة والثوار للمطالب المشروعة الحقيقية ولمحاولة التشويه اللي موجودة ده الضمانة الرئيسية الي إن إحنا قادرين مؤكد إن لازم يكون خلال هذه الساعات هناك تنسيق مع الأطراف المختلفة إزَّاي نرجع نعمل تأمين للميدان بحيث نؤدي هذا اليوم اللي بيقول إن فيه
د/محمد البلتاجي : ما هو قد تكون المشكلة في الميدان وقد تكون المشكلة في أماكن حيوية كثير
أحمد محيي: صحيح عايزأوصل لحضرتك إحنا عندنا الشباب فيه شباب واعي كثير جداً وفيه شباب مجلس الأمة وفيه شباب من تيارات كثيرة من الحركات الثورية اللي موجودة معانا في الميدان فيه منهم شباب عاقل جداً هذه الشباب أخذت دورة وطلعت راقبة الإنتخابات وشاركت في المراقبة علي الإنتخابات في جمهورية مصر العربية بالكامل هذا الشباب موجود في الميدان ثاني الشباب ده لما بيبقي موجود وقلبه علي الميدان ما فيش حد بيقدريندس في وسطنا لإننا لما بنحط إيدينا في إيدين بعض المدسوس بخش جحره مرة ثانية – فيه نوعيات لم تشتغل إلا في الحشد
محمد موافي : يعني إنتم لستم مع أي دعوي للتصادم لإقتحام منشأة للإعتداء علي .........
أحمد محيي: إحنا مع تجريم هذا المنشآت ديه منشآت مصر بلدنا أتصرف عليها فلوس عشان نعملها تاني صعب وأتكلفنا كثير
محمد موافي : معلهش لو حصل لاقدر الله مواجهة أو إعتداء علي أي منشأة ثم الأمن اللي في المنشأة ضرب حنرجع نقول شهداء الثورة ثاني ؟
أحمد محيي: لأ أنا عايزأوصل لحضرتك إحنا النهارده في مرحلة عايزين نحافظ علي اللي تبقي عندنا – أنا النهارده لو مختلف مع قسم الشرطه المطلوب منِّي أن أكسر قسم الشرطة عشان تغير المنهجية بتاعهم – المطلوب أن نغير المنهجية بتاعة هذه الناس وحنغيرها إزَّّاي مش بالتكسير ولا بالتخريب ليس مطلوب إن إحنا نغير أشخاص النا بالنسبة لي الثورة ما قمتش ضد أشخاص الثورة قامت ضد نظام فاسط وفساد النهارد لو الشخص اللي قدامي شايفه قاعد عشان يخدم المواطن ويخدم البلد طيب أنا النهارده إيه اللي حيخليني أتكلم معاه
محمد موافي : ماش أو حتحاول تصلح منه
أحمد محيي: مفيش إصلا ح فيه تغييرمنهجية النهارده كنت شغَّال ناحية اليمين وبتخدم طرف معين أنا عايزك تروح ناحية الشمال زي الدخلية كده بتلبس في الصيف أبيض وفي الشتاء إسود ما عندناش في النصف رمادي بني لأ النهارده إنت قاعد ياإما قاعد بتخدم نظام يا إما بتخدم شعب
محمد موافي : عشان نقفل النقطة ديه دكتورلاقدرالله حصل إعتداء أو حصل أي حاجة وحصلت مواجهة أو محاولة صد من جنود الجيش من جنود الشرطة هل اللي دخلوا وإقتحموا نرجع ثاني نضمهم لقائمة الشهداء طبعاً فيه فرق شاسع بين شهداء ال 18 يوم ودول
د/محمد البلتاجي : لازم يحصل فرز حقيقي خلال الممارسة للعمل الثوري السليم بمعني بكره بيفتتح المجلس أول جلساته لما تخرج بعض الدعوات بتقول إحنا حنروح لمسيرات علي المجلس لإن إحنا مع أو ضد من حق الناس أن تعبرعن أي مواقف لها بشكل طبيعي ومن أعظم انجازات هذه الثورة إنها فرضت حق التظاهر وحق الإعتصام وإعتبرت بإنه سلاح في يد الشعب يستخدمه حين يحسن إستخدامه يحقق له ما يريد من مطالب عادلة لكن حينما يُساء إستخدامه فيجب علي جماهيرالشعب المصري لا يسمح ولا يقبل بهذا بمعني إن مجلس الشعب اللي بيبدأ بكره جلساته ده شارك في تشكيك وصناعات ده مش بتاع حزب الحرية والعدالة والنوروالوفد ومصر الديمقراطي لا.. لا..لأ خالص هذا المجلس شارك في تشكيله وصناعته وبناءه أكثر من 30 مليون مصري وبالتالي اللي له موقف ضد هذا المجلس من حقه يروح يعبرلكن إذا حاول تعطيل أعمال هذا المجلس هذه جريمة يجب أن لا يسمح بها الشعب المصري ويجب أن يفرزأصحابها ويجب أن يصبحوا في موضع المساءلة والتجريم لما يفعلون القضية ديه ليس قضية تعبير ومش قضية آراء سياسية مختلفة لكن هذه تعطيل بالقوة .
محمد موافي : لكن في الواقع يا دكتوربنلاقي بعد أي حاجة أصوات عالية جداً أصوات إعلامية من بره ماسبيروا أو من جوه ماسبيروا والبعض يزايد وندخل في موال تاني ما هو ده حقيقة
د/محمد البلتاجي : إحنا بنقول التعبير في داخل ميدان التحرير يوم 25 يناير حق الناس في أن ترفع مطالبها التي لم تتحقق بشكل سلمي حضاري أن تصر علي إستكمال مسيرة الثورة زي ما قلنا بتشجذ همامها وبتعلن وفائها لدماء الشهدا كل هذا رائع جميل نختلف في المطالب إحنا مع إنتخابات رئاسية بشكل طبيعي عشان نضمن إن إنتخابات الرئيس شارك فيه إختيارالملايين من الشعب المصري وآخرين يروا لأ إحنا عايزين دلوقت من حقهم أن يعلنوا رأيهم لكن أن تتحول هذه المطالب أو هذا الحشد السلمي الي خروج في إتجاه مؤسسات وإشتباكات وإعتداءات ومحاصرات وتعطيل أعمال هذه جريمة يجب أن لا يسمح بها الشعب المصري مرة ثانية لإن ده بداية السيناريو بتاع إشتباكات وصدامات ثم ردود أفعال مبدولة ثم دماء جديدة ثم دعوي للدفاع عن الدماء التي سقطت ندخل في هذه الدائرة مرة ثانية
أحمد محيي: إحنا النهارده مطالبنا وطموحات الميدان ما هي حتتحقق من خلال مين من خلال الشرعية اللي موجودة إحنا النهارده قدرنا ناخد السلطة التشريعية وده مش قليل دا شيئ مش قليل إن إحنا ثورة حققت وأخذنا الشرعية اللي هي بتعطي لي الحق لما أقابل الدكتورمحمد قدم له طلبات من طلبات الشعب ويقدر يحققها هو ده اللي إحنا بنحلم به إن إحنا يبقي عندنا مجلس شعب قوي ثوري حيكمل مطالبنا
محمد موافي : المفروض إن هو ما يقدمش طلبات خالص يعني الطلبات حضرتك عارفها كانت بتبقي يا تعيين يا شقه
د/محمد البلتاجي : حينما يقوم البرلمان بدوره الرئيسي الصحيح من بكره نمرة واحد إستلام كامل السلطة التشريعية .. يعني من بكره خلاص إنتهي ليس من حق المجلس العسكري ولا مجلس الوزراء ولا المجلس الإستشاري ولا غيره التعامل مع القانون إلا بإرسال مقترتحات للبرلمان ثم مع هذا الدور الثاني السلطة الرقابية حينما يبدأ البرلمان الرقابة علي الأجهزة الأمنية ليحدد من يصنع الفوضي في مصرومن يصنع الأزمات الأمنية لماذا غياب الأمن طوال هذه المدة هيكلة الأجهزة الأمنية هل هي تعبر عن مصر بعد الثورة والا لا تزال علي سابقها .. هل الأمن الوطني إمتداد لأمن الدولة والا شيئ جديد يحقق منظومة جديدة وثقافة جديدة للعمل الشُرطي
أحمد محيي: يعني يجب بإختصار أن يعود مجلس الشعب الي وظيفته الحقيقية التشريع والرقابة لا ثالث لهم
د/محمد البلتاجي : صحيح إذا بدأنا في هذا ثم دخلنا الي المرحلة التالية في أقرب وقت اللي هي وضع الدستور الجديد وإنتخابات رئاسة فهذا هو الإستكمال مسيرة الثورة بشكل صحيح
أحمد محيي: ما هو دا اللي كنت عايز أقوله إحنا النهارده أخذنا أول ثمرة
محمد موافي : هو بيمثلك بقه ههه
أحمد محيي: اللي أخذنا أول ثمرة وهي البرلمان وفيه ثمرات ثانية جاية لازم نستني ونصبر لنأخذها عندنا فيه دستور وعندنا فيه رئيس للجمهورية منتخب
محمد موافي : عندنا فيه مصر عايزه تتبني
أحمد محيي: عندنا فيه مصر عايزه تتبني
محمد موافي : دكتورمحمد البلتاجي عضو مجلس الشعب عن المصريين عموماً شكراً جزيلاً وشكراً جزيلاً الأستاذ أحمد محيي عضو مجلس أمناء الثورة وشكراً لحضراتكم وكل سنة وحضراتكم طيبين يارب اليوم يمرمش بمجرد خيرلأ يمربخيروتجديد للعهد ودعوه للبناء وشحد الهمم زي ما الدكتورالبلتاجي بيقول شكراً لحضراتكم وغداً لقاء جديد أرجوكم لا تذهبوا بعيداً ودمتم في رعاية الله وأمنه .