أحمد موسى عقب انفجار «القضاء العالي» يطالب برحيل وزير الداخلية

انتقد الإعلامي أحمد موسى المنظومة الأمنية فيما طالب برحيل وزير الداخلية بعد انفجار قنبلة أمام دار القضاء العالي، الاثنين، قائلًا: «سيادة الرئيس عايز كام واحد عشان وزير الداخلية يمشي؟».
وأضاف «موسى»، في برنامجه "على مسؤوليتي" على قناة "صدى البلد" مساء الاثنين: «اللي حصل النهاردة إن هناك خطأ في المنظومة الأمنية، رقم واحد، رقم اتنين، هناك تهديدات على مدى ال24 ساعة اللي فاتت هيستهدفوا القضاء، ومتعملش إجراءات أمنية في مجال حوالين دار القضاء العالي، كانت إجراءات ضعيفة جدًا، كان ممكن كان ياخد الراجل ده كيس الإرهابي ويحطها جوة مكتب النائب العام محدش هيقوله بتعمل ايه.. مفيش أمن موجود حوالين دار القضاء العالي، والأمن اللي موجود مش متابع حاجة".
وتابع: "أين اللواء محمد إبراهيم، وزير الداخلية، مع احترامي وزير داخلية شغال وكذا لكن الموضوع مش منظرة، الموضوع إجراءات.. سيادة الرئيس هل المنظر ده يليق بينا؟ سيادة الرئيس عايز كام واحد عشان وزير الداخلية يمشي؟ بغض النظر مين لكن اعطينا ناس يستحقوا يكونوا موجودين في البلد.. كام شهداء يسقطوا كل يوم كي نقول لوزير الداخلية متشكرين، ايه المشكلة يعني، مش هيزعل والله اللواء محمد إبراهيم إنه النهاردة يستريح، أنا بتكلم بشكل واضح أمن الدولة أهم من وزير الداخلية وأهم من أي حد في البلد».