عمرو أديب للسيسي: « المصريين مش هيسبوا دماء ولادهم تروح هدر»

علق الإعلامي عمرو أديب على كلمة الرئيس عبدالفتاح السيسي التي وجهها لعزاء المصريين على خلفية تفجير الشيخ زويد الإرهابي، الذي أسفر عن استشهاد 30 من أفراد القوات المسلحة: "بتقولنا ياريس إن في ناس من برة ممولة.. ياريس ده إحنا شايفينهم، والشماتة، والمحطات والفلوس والمظاهرات التي يتم فيها دس قنابل أمام جامعة القاهرة، إوعى تفتكر إن المصريين أغبياء أو هبل ياريس، إوعى تفتكر إن إحنا جايين نقولك النهارده إنت ليه عملت كده".
وقال "أديب" عبر برنامجه "القاهرة اليوم" السبت، الذي يذاع على قناة "اليوم" الفضائية: "إوعى يهزك أي عيل شاذ جنسيا من العيال اللي ما يعرفوش مصر اللي كانوا حايتعلقوا من رجليهم من الإخوان لولا اللي حصل في 30 يونيو، وكانوا بيعيطو زي العيال إلحقونا إلحقونا إحنا معاكم، إحنا مالناش دعوة، إحنا نشطاء.. إوعى تفتكر إن دول المصريين ياريس".
وأضاف "أديب": "المصريين هما اللي كانوا بيعزوا بعض النهارده ياريس، شوف جنازة أبوغزالة الشهيد حفيد البطل المشير أبوغزالة، قائد قوات المدفعية في حرب 73، أستاذ داخل الجيش، اللي كاتب جوابات إنه عارف إن البلد فيها مشاكل لكنه رايح الجيش، لما يموت شاب زي ده عمره 24 سنة إنت متوقع إن إحنا نسيب دمه يروح هدر أو ناخد فيه عزا؟".
وأكد "أديب" أننا كلنا ثقة فيك ياريس أنك لن تسكت، مشيرا إلى أن اللواء أحمد وصفي، رئيس الجيش الميداني الثاني، قال له إن بإمكانه أن ينهي كل الأحداث في سيناء خلال 30 دقيقة، لكن هناك سيدات وأطفال تمنعنا من فعل ذلك، متابعا أن أي عيل شاذ جنسيا من العيال دي ما يعرفش سينا دي فين، لكن كل واحد بقى محلل عسكري استراتيجي، وبيفهم وهو ما يعرفش الخريطة وعمره ما راح هناك».