الشعب عاوز إيه أول شعار قولناه فى ثورة 25 يناير كان ( كرامه _ حريه _ عداله إجتماعيه ) وقبل كده كنا بنقول إن سبب ألانتكاسه اللى الشعب المصري بيعيشها هى النظام الفاسد والحمد لله أسقطنا النظام اللى كان سبب كل اللى كنا بنعانى منه ( قلة كرامه وإنعدام الحريه والعداله الإجتماعيه ) دلوقتى عاوزين إيه إيه هدفنا بعد ما قمنا بالثوره هل هدفنا إننا نقتل بعض هل هدفنا إننا نستغل بعض هل هدفنا إن كل واحد فينا يرفع صوته على التانى أو يرفع سلاحه ضد أخوه أخوه اللى عاش معاه طول عمره أخوه اللى كان بيعانى نفس معاناته فعلاً حاجه غريبه الفتنه الطائفيه نار هتحرقنا كلنا ومافيش حد هيطلع منها سليم يا ريت نركز شويه بلدنا محتاجه لكل صوت ولكل إيد ولكل نقطة دم مصريه ياريت نسمع بعض علشان نفهم بعض علشان نساعد بعض ونقدر نبنى مصر الحديثه اللى يهون علشانها كل عزيز وغالى فى سبيل حريتها تحيه لكل روح شهيد ضحى بدمه علشان البلد دى ( مصر ) تحيه لكل روح شهيد مسلم ومسيحى و مسيحى ومسلم تحيه لكل روح شهيد مصرى