للمرأة الخليجيةفقط ... مستحضرات تجميل تناسب بشرتك

قبل ما نتكلم عن أنواع الفاونديشن لازم نتعرف على طريقة اختيار الدرجة المناسبة للبشرة..
كيف أطلع الدرجة المناسبة لبشرتي؟
MAC عندهم نظام درجات ألوان خاص فيهم، وهو شوي يلخبط للي ما تعرفه زين..
كل فاونديشن أو كونسيلر يبدأ بحرف أو حرفين بعدها أرقام من 15 إلى 55 من الأفتح للأغمق
قبل ما تطلعين درجة اللون لازم تختارين الأندرتون لبشرتك و إذا كنتي تنتمين لل NC أو NW أو N

إيش هو الأندرتون؟

Undertone هو طبقة البشرة الأساسية واللي تحدد إذا كانت باردة أو دافئة أو محايدة.
كيف أعرف الأندرتون لبشرتي؟
عندك اختبارين بيساعدونك على انك تعرفين أندرتون بشرتك..
* اختبار عروق اليد: شوفي عروق يدك إذا كانت خضراء فالأندرتون هو أصفر وبالتالي بشرتك دافئة.
وإذا كانت عروق يدك زرقاء فالأندرتون هو وردي وبالتالي بشرتك باردة.
أما إذا كانت بين الإنين معناها بشرتك محايدة.
* اختبار الذهب والفضة: هي إنك تشوفين إيش أحلى على درجة بشرتك الذهب أو الفضة, الذهب دافئة والفضة باردة, شخصياً احس هالاختبار مو مرة واضح لأنه يعتمد على الذوق الشخصي.
اللحين نرجع لتصنيفات MAC العجيبة:
NC (neutral cool) = فيها الدرجة الباردة واللي تناسب ذوات الأندرتون الدافئ عشان تسويلك زي التوازن في اللون، أغلب البشرات الحنطية في هذي الفئة.
NW (neutral worm) = فيها الدرجة الدافئة واللي تناسب ذوات الأندرتون البارد.
N (neutral) = وهي درجة محايدة تناسب ذوات الأندرتون المخلوط بين البارد والدافئ.
C (cool) = وهي درجة باردة جداً تناسب ذوات الأندرتون اللي يميل للأصفر زي البشرة الآسيوية.
W (worm) = هي درجة جداً دافئة وتناسب أكثر شيء ذوات البشرة البيضاء اللي تميل للوردي زي البشرة الإيرلندية.
** الأندرتون ماله علاقة بدرجة بشرتك، ممكن تلقين بشرة أوروبية بيضاء وبشرة أفريقية سمراء والأندرتون حقهم بارد
يعني يعتمد على أساس بشرتك..
طيب اللحين بعد ماعرفت الأندرتون كيف أعرف درجة اللون؟
هذي عاد كل اللي أقدر أساعدك فيه هي أن كريم الأساس المثالي هو اللي إذا حطيتيه بيختفي مع بشرتك، روحي لفرع من فروع MAC و اطلبي من الموظفة تساعدك بأنها تحطلك اللون على أسفل الخد (لا تجربين على يدك لأن اليد ماراح تعطيك الدرجة المثالية لك).
إذا كنتي تتغطين روحي بزاوية المحل وجربي الفاونديشن (محلات MAC موظفين بنات اللحين).
الحمدلله… خلصنا تصنيفاتهم… اللحين نجي لأنواع الأساس و وش تناسب من أنواع البشرة..
بالنسبة للأسعار أخذتها من الموقع الرسمي وحولتها للريال السعودي، الأسعار تقريبية..
***
نبدأ بأنواع الفاونديشن الكريمي:
FACE & BODY
التغطية = خفيفة إلى متوسطة
فاونديشن أساسه مائي وبالتالي فهو مقاوم للماء (ليس ضد الماء) ثباته ممتاز، مناسب لجميع أنواع البشرة، يعطيك اللوك الدووي (لوك البشرة ذو اللمعة الندية) و كمكياج للجسم خاصة إذا كان عندك مناسبة وتبغين توحدين لون بشرة جسمك (الفنانات العالميات كلهم يحطون ميكب للجسم).
يجي بثلاث أنواع للأندرتون:
N = محايد.
C = بارد ومساوي للNC
W = دافئ ومساوي للNW
لأنه ذو أساس مائي يفضل رجه قبل الاستخدام.

**************************************

FULL COVERAGE FOUNDATION
التغطية = عالية
ممكن تعتبرونه أساس وكونسيلر اثنين في واحد، تركيبته ثقيلة وتغطي الندوب والأثار، ما أنصح فيه للتصوير الفوتوغرافي لأن ممكن يقلب أبيض في الصور

**************************************
MINERALIZE FOUNDATION
التغطية = خفيفة إلى متوسطة
فاونديشن ترطيبه شديد لكن مايمنع استخدامه للبشرة المختلطة إلى الدهنية طالما تثبتينه ببودرة، مناسب للاستخدام اليومي لأن تركيبته خفيفة وترطب البشرة وثباتها حلو، إذا كانت بشرتك مع الوقت تدهن في منطقة T-zone خذي منديل واضغطي عشان تمتص الدهون الزايدة، وخلي معك بودرة احتياط، بس اذا كانت بشرتك جافة استريحي واستمتعي بيومك
يحتوي على واقي شمس SPF15

**************************************
MINERALIZED SATINFINSH
التغطية = خفيفة إلى متوسطة
أساس يتميز بالترطيب العالي جداً كونه من المجموعة اللي تحتوي على المعادن المفيدة للبشرة، مناسب خاصةً للبنات ذوات البشرة الجافة واللي يحبون اللوك الدووي لأنه يخلي بشرتك مثل الساتان..
فاونديشن حلو خاصة للبشرة صغيرة السن لأنه احتمال يمسك بالتجاعيد إذا ما تثبت بالبودرة، مناسب للبشرة الجافة إلى العادية كونه يحتوي على مرطب للبشرة، أنا شخصياً عجبني لأن شكله على البشرة مرة طبيعي وناعم..
يحتوي على واقي شمس SPF15

**************************************
PRO LONGWEAR
التغطية = متوسطة إلى عالية
أساسه مائي (مضاد للماء نوعاً ما) ثباته قوي لدرجة أنه ما يلطخ ملابسك, ممكن يثبت عالبشرة إلى 15 ساعة..
مناسب للسهرات، تقدرين تنامين فيه وتقومين اليوم الثاني ومكياجك مرتب
ما يحتاج تثبيت بالبودرة لأنه بعد ما تنشرينه عالبشرة رح يعطي اللوك المطفي تقريباً, اذا تحبين الدووي لوك مارح يعجبك هالفاونديشن..
يحتوي على واقي شمس SPF10

**************************************
MATCH MASTER
التغطية = متوسطة إلى عالية
مناسب لجميع أنواع البشرة تقريباً، يعطي لوك مطفي طبيعي، طريقة تصنيفه مختلفة عن الكريمات الثانية وهو يعتمد على درجة اللون فقط، الأندرتون غير مهم مع هذا الفاونديشن لأن يناسب كل الأندرتونز..
يحتوي على واقي شمس SPF15
127.50 ريال سعودي
**************************************
SELECT FOUNDATION
التغطية = خفيفة إلى متوسطة
فاونديشن مناسب للبشرة العادية إلى الدهنية، إذا بشرتك جافة و تحبين اللوك المطفي إلى العادي لازم ترطبينها زين قبل الاستخدام، حلو على البشرة كبيرة السن..
لك الحرية في استخدام بودرة التثبيت..
يحتوي على واقي شمس SPF15
**************************************
STUDIO FIX FLUID
التغطية = متوسطة إلى عالية
أساسه سيليكوني عشان كذا مريح توزيعه على البشرة, ما انصح فيه للاستخدام اليومي عشان السيليكون اللي فيه ممكن يسد المسامات، لكنه خراااااافي للسهرات وحلو في التصوير، ينفع لكل أنواع البشرة خاصة البشرة العادية إلى المختلطة والدهنية لكن مثل ما ذكرت أول إذا بشرتك جافة ضروري ترطبينها زين قبل الاستخدام، بالنسبة لتثبيت البودرة مو ضروري، تقدرين تحطين على منطقة T-zone بس إذا تبين لوك طبيعي أكثر، برضو ما يمنع تكملين على باقي الوجه..
يحتوي على واقي شمس SPF15
************************************
STUDIO SCULPT
التغطية = متوسطة إلى عالية
فاونديشن أساسه جل وحلو على البشرة الجافة إلى العادية, يحتاج تثبيت بالبودرة، الآراء متضاربة عليه لكن شخصياً من الفاونديشنز المفضلة عندي، يعطيك لوك بين الدووي والعادي، أنا أحياناً إذا بغيته يكون طبيعي أكثر للنهار أخلطه مع فاونديشن FACE & BODY… ولا أحلى..
أفضل توزيعه على البشرة بالأصابع أكثر من الفرشة أو الإسفنجة..
يحتوي على واقي شمس SPF15
116.25 ريال سعودي
**************************************
STUDIO TECH
التغطية = متوسطة
فاونديشن كريمي يعطي لوك مطفي، مناسب للبشرة العادية إلى المختلطة أو الدهنية..
ممكن تثبيته بالبودرة في منطقة T-zone فقط..
116.25 ريال سعودي
**************************************
STUDIO MOISTURE TINT
التغطية = خفيفة
مرطب + فاونديشن، مثالي للدوام اليومي لأن ما يحتاج ترطبين بشرتك قبل الاستخدام، خمس دقايق و إنتي طالعة من البيت، لوك طبيعي جداً وناعم..
إذا كنتي مراهقة وحابة تبدأين بالمكياج انصحك فيه لأنه خفيف مرة..
يحتوي على واقي شمس SPF15
120 ريال سعودي
**************************************
بعض كريمات الأساس عند MAC مالها ضغاط, وهذا يخلي استخدامها أصعب لأنك ما تقدرين تتحكمين في الكمية..
إذا اخترتي الفاونديشن في المحل ولقيتي ماله ضغاط اطلبي من الموظفة تعطيك واحد (ينباع لحاله 33 ريال تقريباً)..
*
*
*
خلصنا من الكريمات، نجي اللحين للنوع الثاني..
الفاونديشن المسحوق (البودرة):
MINERALIZED SKINFINISH NATURAL
التغطية = خفيفة جداً
بودرة معدنية تنفع إذا بغيتي تطفين من لمعة البشرة شوي، هي مثالية لتثبيت الفاونديشن الكريمي..
ما أستغني عنها لتثبيت الكونسيلر تحت العيون..
112.50 ريال سعودي
**************************************
MINERALIZED LOOSE
التغطية = خفيفة إلى متوسطة
متعددة الاستخدامات, ممكن تستخدميها لحالها أو كتثبيت للفاونديشن الكريمي أو ممكن تكون أساس بحد ذاتها مع اسفنجة رطبة..
**************************************
STUDIO FIX
التغطية = متوسطة إلى عالية
فاونديشن محبوب عند أغلب البنات خاصة ذوات البشرة العادية إلى الدهنية والمختلطة لأن تغطيته ممتازة وناعمة وحلوة وما أكذب عليك إذا قلت لك أن مدة حطك للمسكرا أطول من حطك لهذا الفاونديشن، من جد ثانيتين وأنتي مخلصة، أحبه بوقت الزنقات إذا مستعجلة مرة وأبي شكلي يكون مرتب، البودرة هذي ضروري تكون بدرج كل بنت..
معلومة جداً ضرورية: هذا الفاونديشن حلو عالطبيعة ومو بالتصوير الفوتوغرافي، لأن مع الفلاش يتغير لونه على أبيض..