ابنك ملاك يا طنط!

الحماة قبل ما تجوز ابنها ..
-انت مهمل
- انا تعبت منك
- اجيبلك صحة منين تكفى طلباتك؟
- هو انت على طول مستهتر كدة؟ هتفتح بيت إزاى أنا مش عارفة؟
- هو مفيش حاجة عجباك!
- انت فاكر نفسك عايش فى لوكاندة ؟ أكل ونوم وبس؟
- كل ده غسييييييل ؟
- روق أوضتك انا مش شغالة عندك .
- امها داعية عليها اللى هتجوزك.
(ولما تيجى بقى اللى أمها داعية عليها )
-ابنك يا طنط متعب وعنده كام طبع صعبين جدًّا.
- ترد تقولها : ابنييييييى ؟؟!! هو فى زى ابنى وهدوء ابنى ولا نضافة ونظام ابنى ؟ حرام عليكى ده ملاااااك.
العروسة : لا يا طنط، أنا بس اللى مضايقنى إن جناحاته بتخبط فى العفش وهو ماشى فى الصالة.