تلاجتى فيها إيه؟

حينما تنتاب المرأة نوبة من الرضا وتقرر مفاجئة الأسرة بطبخة أول شئ بتعمله تجرى طبعا على التلاجة تفتحها تشوف فيها إية ودا الطبيعى فى كل بيت لو لاقت حاجة مناسبة بتطبخها ولو مالقتش بتحمد ربنا وتدخل تنام وترتاح وتتحجج للعيلة بإن التلاجة فاضية! ، لكن المشكلة بقى ان كل واحد من أفراد الأسرة بيكون دائم التلصص على التلاجة حتى لو ماجبش حاجة حطها فيها، فبيروح يشوف غيره جاب إية حطه فيها يمكن يكون له نصيب فى حاجة حلوة!، ولو مافش بنزورها من بابا التغيير
أما الشخص اللى فعلا بقى حط حاجة فى التلاجة بيكون دائم القلق من وجود زائر للتلاجة ينقض ممتلكاته الخاصة ، علشان كدة كل شوية يروح يطمن عليها وأحيانا بيعلق عليها ورقة ممنوع الاقتراب واللمس لكن لو الافكار الشريرة اتمكنت منه بيبقى عنده استعداد يكرب التلاجة كلها علشان يضمن ان حاجته ماتتاكلش