حاجات عمرى ماعشتها

في حياة كل إنسان حاجات كتير عمره ماعملها ممكن تكون تافهه وبسيطة لكن لو عملها هتسعده، يعنى مثلا كان نفسى اقعد في مطعم فخم واطلب سفرة زى بتاعة عادل امام في فيلم بخيت وعديلة وأكلها كلها لوحدى، نفسى مثلا انط من الطايرة بالبراشوت بس أهم شيء انزل سليمة، نفسى احضر مهرجان الثيران في إسبانيا واجرى وسطهم بس أهم شئ انى مااتعورش، نفسى اركب سفينة بس ما تغرقش ولا يجى لى دوار البحر،نفسى أنام لحد مااشبع وماحدش يصحينى ولما اقوم ألاقى جانبى فطار فاخر ويكون كله لحوم، نفسى اتكلم ست لغات إزاى مش عرفة!، نفسى اورث فلوس كتير رغم أن مافيش حد في عيلتى غنى!، نفسى اركب تاكسى وماكنش حاملة هم البونديرة !،