تسجيل خطير.. سمير فرج ل ممدوح حمزة: لازم نستغل الفرصة هيدونا فلوس بالهبل من برا

تنشر "البوابة نيوز" مكالمة هاتفية جديدة بين كل من المهندس ممدوح حمزة وسمير فرج وكان نص المكالمة كالآتي:
سمير فرج: ممدوح باشا
ممدوح حمزة: إزاي الحال
سمير فرج: إزيك يا حبيبي وإزي حالك
ممدوح حمزة: قريت صفحة 7 ؟
سمير فرج: صفحة 7 فين؟
ممدوح حمزة: في المصري اليوم.
سمير فرج: لا لسه مجاتليش المصري اليوم.. الصحف احنا في الصعيد بتيجي متأخر شوية هههههه.. هقراه حاضر.
ممدوح حمزة: هقرأها لك "ائتلاف شباب الثورة يطالب بحكومة تكنوقراط .. كاتبين بقى جواه إيه .. ولفت البيان إلى أنهم ليس لديهم موقف من كل العناصر اللي عملت فى أركان النظام السابق، ورحبوا بتولي سمير فرج وزارة الإعلام وسمير رضوان وزارة المالية، وفايزة أبو النجا وزارة التعاون الدولي في الحكومة الانتقالية.
سمير فرج: متشكرين يا حبيبي .
ممدوح حمزة: صفحة 7 يافندم.. دلوقتي بقى هل فعلا ناويين يعملوا حكومة ولا إيه الحكاية ؟
سمير فرج: اه اه اه أيوه يا سيدي أيوه.
ممدوح حمزة: مين اللي هيشكلها، برضوا شفيق؟ أحمد شفيق؟
سمير فرج: لا لا لا غالبا لا .
ممدوح حمزة: لا طبعا مش ممكن مش ممكن.
سمير فرج: اضغط جامد في هذا الموضوع اضغط جامد.
ممدوح حمزة: أنا النهاردة طالع في الحياة اليوم ولن أتحدث بتكليف من الائتلاف خد بالك .. أنا خدامهم يعني.. يعملوا اللي هما عايزينه .. النهاردة طالبين مني 3 حاجات محددة .. الحكومة المؤقتة تكنوقراط .. وفرصة كافية قبل الانتخابات حتى لا تجهض ولا تعطى ثمارها لفئة معينة عايزين وقت.. عشرة على عشرة أه .. مع تحديد واضح وصريح أن هذا التعديل دستور مؤقت .. يعني عاوزين التعديلات اللي تتعمل دي .. آه طبعا مؤقت.. طالما مش هنعمل واحد جديد يبقى دا مؤقت يسمى الدستور لا يسمى الدستور المؤقت,, شوف العيال دي ناضجة إزاي؟
ممدوح حمزة: عارف عنده كام سنة اللي ملاني الكلام دا دلوقتي .. دا عنده 28 سنة.. اللي طلع البيان دا لكل الصحف اللي هو طالب فيه حضرتك وفايزة أبو النجا و و .. دا عنده 28 سنة، جه مكتبي هنا وقعد مع ال it امبارح وطلع البيان دا.
سمير فرج: برضوا قولوا البيان دا مش علشان سمير فرج.. ولكن علشان تثبتوا أنكم لستوا أعداء للنظام .
ممدوح حمزة: ما انا هقول الكلام دا.
سمير فرج: اه اه.. دي حلوة ليكم .
ممدوح حمزة: هقولها النهاردة هقولها النهاردة..
سمير فرج: واحد ذي سمير في الحكومة أنتوا بتأيدوه .
ممدوح حمزة: آه سمير فرج وفايزة أبو النجا وسمير رضوان وكل اللي عمله من ساعة لما جه الناس مبسوطة منه .. مبسوطين منه حقيقي.
سمير فرج: فايزة أبو النجا عليها دور كبير جدا، بتقولي يا سمير لازم نستغل الفرصة دي الناس هيدونا فلوس بالهبل من برا .. في أوربا، فدي أكتر واحدة وليها مصداقية.
ممدوح حمزة: أنا هقول الكلام دا النهاردة إن فايزة أبو النجا في أيديها خيوط التعاون الدولي، وأنها تقدر النهاردة أولا تلغي جميع ديون مصر على أساس الأنظمة دي بتقول مبروك يا مصر .. واحنا إلى حد ما غلطنا وقفنا مع أنظمة تانية، احنا فهمناكوا وبنتنازل عن القروض .. فايزة أبو النجا قادرة تعمل كدا صح لما لها من مصداقية واحترام .
سمير فرج: بيني وبينك بلدياتي خد بالك، برضه فايزة دمياطية يعني يعني بردو الواحد متفتكرش ..
سمير فرج: أنت عارف إنها كانت قاعدة جنبي في الفصل ولا لأ؟!
ممدوح حمزة: والله العظيم !!
سمير فرج: متعرفش طبعا!
سمير فرج: ماي كلاس مات، كانت قاعدة جنبي.
ممدوح حمزة: مدرسة إيه؟
سمير فرج: كنا في بورسعيد مش أنا من بورسعيد؟
ممدوح حمزة: والله لا ده هي بس دمياطية.
سمير فرج: يعني يعني ما هو بورسعيد ودمياط حاجة واحدة ..
ممدوح حمزة: طيب وسمير رضوان منين.
سمير فرج: معرفش دي لأ.
ممدوح حمزة: لا يطلع دمياطي دي هو كمان تبقى مصيبة.
سمير فرج: ههههههههههههههههه لا لا لا خلاص يا حبيبي ماشي .
ممدوح حمزة: ماشي يا حبيبي.
سمير فرج: متشكر أوي ..
ممدوح حمزة: متشكرين سلام.