بالفيديو.. ممدوح حمزة ل"خالد": سمير فرج هيبقى الراجل بتاعنا في الحكومة

عرض الكاتب الصحفي عبد الرحيم علي، رئيس تحرير "البوابة نيوز"، مكالمة بين المهندس ممدوح حمزة أحد قيادات ثورة "25 يناير"، وأحد قيادات شباب الثورة يدعى "خالد" وكان نص المكالمة كالآتي:
ممدوح حمزة: أيوه يا خالد.
خالد: دكتور.
ممدوح حمزة: أيوه يا حبيبي.
خالد: إزيك مساء الفل.
ممدوح حمزة: إزاي الحال عملتوا حاجة في الموضوع اللي قولت لكم عليه بتاع سمير فرج.
خالد: أه بس احنا هنطرحه بكرة في الاجتماع.
ممدوح حمزة: طيب اطرحه لأن ده هيبقى انفراجة شديدة جدًا ليكو ولو طلعتوا بيان هيبقى الراجل بتاعكوا ودا صلة مع طنطاوي مباشرة، أنا شايف أنه راجل كويس على مسئوليتي.. هيدونا ساعة كل يوم صوت الثورة.
خالد: طيب لو قررنا بكره أن احنا نعمل بنرات ضد وزراء في الحكومة.. نلحق نعمل دا ولا منلحقش؟
ممدوح حمزة: ممكن عاوز تعمل ضد مين؟
خالد: يعني في كتير من أول سامح فهمي لعائشة عبد الهادي لأحمد أبو الغيط.
ممدوح حمزة: لا بلاش ناخد حد معين الحكومة كلها.
خالد: مهي الحكومة كلها مفيش مشكلة.
ممدوح حمزة: أه ما احنا عاملين حاجات ضد الحكومة كلها.. بلاش تحدد حد بالاسم.
خالد: طيب أوكي ماشي.
ممدوح حمزة: أنا بكلم بالنسبة لسمير فرج عشان ده هيبقى الراجل بتاعنا جوه وأقرب واحد لطنطاوي وفي نفس الوقت اتفقت معاه على ديل حلو جدا يعني هيبقى ليكم ساعة في كل القنوات المصرية بتتحدد وبتاخدوا صوت الثورة وانتوا اللي هتمسكوا الميكروفون مفيش مذيعين انتوا اللي هتقدموا.
خالد: ماشي يا دكتور ماشي يا دكتور.