حديث المدينة

السبت 12/6/2011
مفيد فوزى الدكتور سميررضوان وزيرالمالية ليس إنفراداعلى الإطلاق مع وزير فى الحوارفهوبسم الله ماشاء الله أحاديثه كثيرة وجرعات تفاؤله أكثر ولكن المحاولة الأن هى تصحيح مفاهيم ووضع النقط فوق الحروف وليس مطلوبا على الإطلاق ان يأتى لناالوزير بلبن العصفورللدقة أكثرليس مطلوبا منه التفاؤل الزائد ولاالتشاؤم أقول أيه ؟التشاؤم الكاذب فى نهاية الأمروبعدين بنسمع كتيرالترويع الإقتصادى بأن خزانة مصرقد أفلست مفيش بيت فى مصر هيشوف النهارده معالى الوزيرعلى الشاشة إلا وعنده سؤال عايز يسألهوله طفل أوراجل أو موظف أو مجرد بيشتغل و......
مفيد فوزى:مساء الخيرهذا البرنامج خد مؤهل كل الحاجات دى الأن أنا فى حوار ووزير مالية مصر الدكتور سمير رضوان .
فاصل
مفيد فوزى : معالى الوزيرأنا شفت صورك مع الرئيس أوباما حضرتك فى النص والرئيس الأمريكى كده والدكتورعصام شرف كده بفضول صحفى اسألك أيه كان موضوع الحديث اللى حضرتك حضرته الرئيس مبارك كان بيحملنا رسالة قال هقلها بالأنجليزى اللغة اللى هو نطق بيها you have no right to fail
ليس لكم الحق أن تفشلوا لأن هذه الثورة بالنسبة للرئيس أوباما هى مصدرإلهام للشباب الأمريكى وللعالم أنا بقولك على حد تعبيره الحاجة التانية الرسالة التانية اللى إتكلمنا فيها وبعد كده مشى مع رئيس الوزراء من قاعة الإجتمهاعات لى الشارع يعنى كان مجمل أحاديثه أحنا عايزين نساعد مصر لابد أن تعبر مصر من هذه المرحلة الإنتقالية لابد أنه أحنا ندعم التجربة الديمقراطية الفريدة فى مصر لكى تكون مثلا فى المنطقة وفى غيرالمنطقة
مفيد فوزى : هل قصد الرئيس أوباما من عملية المساعدة لمصرمساعدة مشروطة ؟ خلينى أكون معاك واضح
د/سمير رضوان : لأهو مفيش مشروطة بمعنى أنه مش هديك دى اللى لما هتعمل ده مسمعنهاش لكن أحنا فى مصروبتجربتنا الطويلة مفيش غدا مجانا هما بيقولوا كده معناها أيه معناها أنه دا راجل قوى عظمى لها مصالح هذه المنطقة منطقة حيوية جدا من الشرق فى أبار البترول من الجنوب القوى الصاعدة اللى أسمها أفريقياهى الأسواق المقبلة هى الأسواق المفتوحة هى مصدرالمواد الخام فالموقع العبقرى لهذا البلد مصر هو اللى بيدفع هؤلاء الناس لتأييدها ودعمها مش علشان سواد عيونا فى النهاية
مفيد فوزى: دا اللى أناعايز أقوله بوضوح عايزأقولك كلام ربما يكون صادم لحضرتك لكن أنا متعود على المصارحة اليس كان من الأفضل أن تكون حضرتك عضو فى مجموعة إقتصادية داخل وزارة تسيير الأعمال تدرس كل قرارحتى لا يكون هناك تضارب تصريحات أو أى عشوائية أو أى يعنى مجرد أحلام يقظة كنت أفضل أن يكون دا دال مجموعة إقتصادية هل أنا مخطىء فى تصورى ؟
د/سمير رضوان : لأ أنت مش مخطأ بس المجموعة الإقتصادية موجودة وبتعمل بالفعل
مفيد فوزى : حضرتك بتشتغل ضمن المجموعة الإقتصادية ؟
د/سمير رضوان:طبعا يعنى أحنا عندنا مجموعة إقتصادية مصغرة وهو السيد محافظ البنك المركزى دكتورفاروق العقدة ووزيرالتخطيط والتعاون الدولى الوزيرة فايزة أبو النجا وأنا وبنجتمع مع رئيس الوزراء ومع الوزيرالمعنى بمشكلة إقتصادية معينة قد تكون الكهربا بكرة تكون التأمينات بعده إلى أخره دى واحدة التانية السيد رئيس الوزراء شكل مجموعة أسمها المجموعة الإقتصادية للمتابعة بتجتمع برئاسة المالية وفيه حوالى 10 ، 12 وزير برضه لبحث يمكن تستعجب يا أستاذ مفيد أنه الناس بتقول دى حكومة تسييرأعمال ومؤقتة لأ دا أحنا مناخرنا فوق الميه علشان نبص شوية لقدام رغم كل المصاعب الحالية لازم نبص لقدام شوية ونشوف أيه الخطط المستقبلية اللى تعيد مصر إلى ما تستحقه
مفيد فوزى: طب ليه أنا عندى شعوروالناس عندها شعورأن المناخير اللى فوق المية دى تكاد تكون جرعات التفاؤل فيها أكبرمن حجمها الطبيعى حضرتك فى أول ما وصلت إلى الموقع قلت أنك لابد أن تثبت العمالة المؤقتة قد عاشت العمالة المؤقتة فى هذا الوهم ثم إكتشفت أنه لا يوجد تثبيت
د/سمير رضوان : غيرصحيح غير صحيح بالإجمال أحنا قلنا هنثبت العمالة المؤقتة فكان عندنا 3 أنهع من العمالة المؤقتة فيه أنهع على ما يسمى بالباب الأول فى الموازنة اللى له وظيفة علشان اللغة بتاعتنا
مفيد فوزى:أنا عايزالتبسيط علشان الناس تفهم
د/سميررضوان : أنا عارف ودا السبب أنا بحب فى برنامجك التبسيط والمباشرة فنوع اللى هو ليه وظيفة بس ما كملش المدة اللى بتطلبها وهى 3 سنين علشان يثبت دول إتثبتوا تانى يوم ودول 400 ألف إتثبتوا تانى يوم مع الجهازالمركزى للمحاسبات موجودين بالأسم ومدام لهم وظيفة ووصلوا لى 3 سنين ثبتناهم تانى يوم
مفيد فوزى : مين ما إتثبتش ؟
د/سمير رضوان : جاى لحضرتك ما هو فيه نوعين تانيين فيه نوع تانى مالهمش وظيفة لكن فيه إحتمال يبقى لهم وظيفة ودول على ما يستوفوا ال3 سنين هنثبتهم فيه نوع تانى ودى المشكلة اللىى حضرتك بتشوفها ويقولك إنه أحنا متثبتناش أه متثبتش هناك مدرس بحصة هناك جيش جرارفى وزارة الزراعة أسمه التشجيرعمال التشجيرفيه عمال باليومية حتى أطباء بالقطعة فيه مرشدين سياحيين فيه كل هذه الانهع من العمالة الهشة المؤقتة التى ليس لها عقود محترمة
مفيد فوزى: أضيف جملة
د/سمير رضوان : إتفضل
مفيد فوزى : وليس له كرامة إنسانية ؟
د/سمير رضوان:ولا مستقبل وبيوت مفتوحة لكن أنا معلش عبء بقى 30 ، 40 سنة مش هقدر أحله يا أستاذ مفيد بين يوم وليلة
مفيد فوزى : لكن من المهم المصارحة
د/سمير رضوان : صارحنا دا أحنا رحنا أبعد من المصارحة قلنا بقى المجموعة دى مش هنسيبها فى الشارع لأ هنعملها شركة كل فى جهة إختصاصه ما يتركش الوزارة بتاعته يعنى اللى فى الزراعة اللى فى الرى يبقى فيه شركة تجمع هؤلاء الناس تضمن لهم حد كريم من العيشة والناس دى تدخل فى هذه الشركة وبعدين دى نجحت فى البرازيل وفى دول أخرى كتيرة الشركات دى بقت تحقق أرباح والناس بقت تتكالب عليها
مفيد فوزى : أنت ليه واقف عند التجربة الماليزية ؟
د/سمير رضوان : أنا إتكلمت على البرازيل الماليزية إستاذ مفيد أتمنى لو كنت معايا أنا رحت ماليزيا أكتر من مرة وفى كل مرة السؤال اللى بيلح عليا أحنا كنا بندى معونة لماليزيا فى الستينات
مفيد فوزى : مصر ؟
د/سمير رضوان : أيوه يا فندم أقلام رصاص وحاجات كده والله فلما رحت وضفت هذا التقدم وكل مرة أروح الاقى تقدم
مفيد فوزى : أيه كلمة السر فى ماليزيا ؟
د/سمير رضوان : كلمة السربإختصارغنهم إكتشفوا أن العنصرالبشرى هوأهم عنصر وأغلى عنصر وأحسن عنصر دى حاجة الحاجة التانية هتزعل منى
مفيد فوزى : لا لا مش هزعل
د/سمير رضوان : مفهمش العيب القاتل اللى عندنا هنا وهو أنه أحنا نود إختراع العجلة بإستمرار يا عم رمسيس التانى هو عارف المدورة ولها كده وبتمشى لأ أحنا فى كل مرة نقدم على شيىء نود إختراع العجلة هما لأ معندهمش إختراع العجلة المهاتير محمد قاللى كده انا كنت بسافر بشوف التجربة الفلانية فى الحتة الفلانية الدولة دى كانت أيام الشيوعية شيوعية زى روسيا أو دولة رأسمالية زى أمريكا وطبعا الدولة اللى هو بيفهمها أكتر إنجلتر بجيب التجربة أعدلها وأطبقها عندى
مفيد فوزى : حضرتك قلت أنه العدالة الناجزة مهمة جدا لأنها لما رجال الأعمال اللى بتتم محاكمتهم الأن إذا ثبت براءتهم تتمنى أن يبرأوإذا كانت البراءة موجودة قلت أنه ما معناه أنه بنوك الإستثماروبعض الشركات وبعض القطاعات أيضا فى مأزق حتى تتحقق العدالة المأزق دا حاد ؟
د/سمير رضوان : المأزق حاد أصلا حضرتك عارف أنه في مجال الأعمال والإستثمار العامل النفسى مهم جدا قد تكون بتربح جامد جدا بس العامل النفسى مهم جدا فلابد أنه هو يطمأن هو مخاطر بطبيعته لكن العامل النفسى مهم وبالتالى الوضوح هنا مهم فأحنا لما بنناقش هذه المسائل فى مجلس الوزراء أومع المجلس العسكرى بكل الوضوح والصراحة والشفافية في حاجة مهمة جدا العدالة الناجزة أه بس العدالة أيضا أه بمعنى أنه أنا مقدرش أسرع فى محاكمة وإلا هتبقى يعنى عدالة مجهضة مقدرش مثلا لو عايز أجيب أموال من اللى برا مقدرش أحاكم قدام محكمة عسكرية لازم أمام القاضى الطبيعى ولازم تاخد مجراها
مفيد فوزى:حضرتك قلت فى أحد اللقاءات فى السعودية قلت أنه الناس متخيلة أنه بكرة هتيجى الأموال وحاسبنهم وأنها هتيجى وهتوزع أرجوك أن تصارح الناس أنه هناك آليات كبيرة قد تمر بالسنين علشان توصل لهذه الأموال
د/سمير رضوان : اللى الناس لابد تعرفه وتقدره أن مصر مش ساكتة على طلب هذه الأموال والناس بتتعامل معانا بكل رغبة فى المساعدة يعنى أحنا لما رحنا مجموعة ال8 فى فرنسا وقابلنا رئيس الوزراء الفرنسى وسألناه بمنتهى الصراحة عندكم كام من الأرصدة المصرية ؟ قال معلش أنا أسف بالنسبة لكم مفيش حاجة تذكر لكن بقى لو عايزين تعرفوا المبالغ مسيو بن على ومسيو القذافى أنا أهوعلى الهوا بقلها دا رئيس الوزارء الفرنسى لكن أيه هى بتطلب أنه الملف بتاعنا يكون مظبوط وسليم ويقدم لهذه الدول نطلب مساعدتها فى الأوقات المحددة محتاجة إلى وقت مش السربعة الرسبعة مش هتنفع طب ما شاه إيران فلوسه فين؟ ما هوفلوسه إتخادت علشان طرد وكده
مفيد فوزى:هو المعاش عندك نية بدل 60 يبقى 65 ؟
د/سمير رضوان : بالنسبة للقانون الجديد فيه رفع لسن المعاش
مفيد فوزى : يعنى يبقى 65 ؟
د/سمير رضوان : يبقى 65
مفيد فوزى : الناس بتتهامز أنه مفيش فلوس الأيام دى
د/سمير رضوان : لأ
مفيد فوزى : الحقيقة أيه ؟ قولها للناس
د/سميررضوان : الحقيقة أنه فى عزالأزمة حد ما وصلهوش المعاش؟ أحنا جبنا اللوريات كتر خير الجيش إدنالنا اللوريات إيامها دى كانت أول أيام ليا فى الوزارة دى
مفيد فوزى: للتأمين
د/سمير رضوان : للتأمين ووصلت ووصلت بالطيارات الحربية إلى جميع أنحاء البلاد بيأمنها الدكتور فاروق العقدة مع الجيش شالت الفلوس وحطتها فى المكان لانه الناس برضه البنوك ما كنتش بتفتح
مفيد فوزى : لكن السن هو 65 ؟
د/سمير رضوان : 65 فى القانون الجديد ليه ؟ لأن توقع السن الحمد الله زاد
مفيد فوزى : أقصد توقع العمر زاد
د/سمير رضوان:فلما بيزيد فى جميع دول العالم فى بعض الدول تقولك أنا مش هحط سقف لسن تتطلع معاش وقت ما تحب خلوه
مفيد فوزى :فى يوم من الأيام 55
د/سمير رضوان : بس ما نجحتش وفى المانيا قالك طب نخفض ساعات العمل وما نجحتش التجربة اللى بينجح هو أنك تنموا بسرعة
مفيد فوزى : هل عندك أى نية لتخفيض ليفل المعاش ؟ اللى هو مثلا الناس اللى بتاخد 1500 جنيه معاش هل دول هيتعرضوا للتقليل ؟
د/سمير رضوان : يا فندم انهارده خدنا قرارمنتظرين يوافق عليه مجلس الوزرا والمجلس العسكرى أنت فاكر لما أصحاب المرتبات خدوا 30% ؟
مفيد فوزى : أه
د/سميررضوان :أصحاب المعاشات خدوا 20% ودى غيردستورية ليه ؟ لانه ما يجبش تعامل المصريين خيار وفاقوس كويس فأنا بصلح هذا الموقف بدى لإصحاب المعاشات اللى هما فى 2008 ما خدوش 30% هطلعهم ل 30% معناها أيه يا إستاذ مفيد ؟
مفيد فوزى : معناها زيادة طبعا
د/سمير رضوان :أنه 5,5مليون صاحب معاش ومستحق بيرحولهم 2,8 مليار جنيه تتحمل بها خزانة الدولة سنويا يعنى اللى معاشه 300 هيزيد 30 جنيه اللى معاشه 600 هيزيد 80 جنيه اللى معاشه 900 هيزيد 170 جنيه اللى معاشه 1200 هيزيد 260 جنيه
مفيد فوزى : والى 1500 هيقل لى 1200 ؟
د/سمير رضوان : لأ مفيش حد بينزل قانونا ما ينزلش مفيش حد ينزل
مفيد فوزى : مفيش حد ينزل أصل أنا حسيت أنه الناس دى غلبانة لا تعرف تتظاهر ولا تعتصم الكبار دول
د/سميررضوان : أحنا عاملين حاجة برضه فى المرتبات يعنى فى الموازنة بتاعة السنة اللى جاية لأول مرة بنلمس هيكل المرتبات اللى محدش عارفله راس من رجلين
مفيد فوزى : فى القطاع الخاص والعام ؟
د/سميررضوان : الحكومة هى القطاع العام بأمانة فى كل المرات اللى حصل فيها تغيير فى القطاع العام فى الحكومة والقطاع العام القطاع الخاص بيتفاعل أنا لقيت أنه لا يمكن إصلاح هذا الهيكل فى سنة واحدة أنا بصلحه على 5 سنين
مفيد فوزى : يعنى بتقصد أن تصل بيها إلى العدالة ؟
د/سميررضوان : أصل بيها إلى العدالة بحيث أنه فى 5 سنين الحد الأدنى للأجور فى مصر اللى ما ينزلش عنه أى شخص مصرى أمى جاهل لا يقرأ ولا يكتب ومعندوش أى مهارة فى 5 سنين يكون عنده 1200 انهارده هيكون عنده 700
مفيد فوزى : مش فيه إحتمال أنه ال700 دى القيمة الكيفية لها تتحول إلى 100 فى هذا التضخم ؟
د/سميررضوان:هو أنا ياأستاذ مفيد أنا بدبر ال700
مفيد فوزى:أنا بشوف أنه دا ليه ما يرتبطش بساعات العمل ؟ يعنى دى وجهة نظر انا مش متخصص طبعا فى المالية لكن لماذا لا يرتبط المبلغ دا اللى هو700 بساعات العمل ؟ وإن كنت أرى أنه الزيادة قد تضر بالعمل
د/سمير رضوان : حضرتك بتحط صوابعك على المشكلةالحقيقية لمصر وهى إنخفاض الإنتاجية إنخفاض الإنتاجية لأن هذا النوع من الإصلاح اللى تحت خط الفقربطلعهم لمستوى ال700 جنيه اللى هما حوالى 1،9 مليون مصرى فى الحكومة دى الهدف منها هدف بأمانة شديدة هدف إنسانى لكن بعد كده فى الإصلاحات لابد أنه أحنا ننشأ علاقة بين الأجر والإنتاجية دا اللى عايز أقوله لكن أنه أنا أخد أجر عمال على بطال
مفيد فوزى : خلينى أكون معاك أمين ربطت مره فى أحد المقالات المتواضعة اللى أنا بكتبها بين المليونات والمديونيات هل بالغت فى هذا ؟
د/سمير رضوان : لألم تبالغ حضرتك لم تبالغ أنا قريت المقال لأن توقف عجلة الإنتاج توقف السياحة وتوقف التصدير وتوقف الإستثمارالمحلى والأجنبى والعربى كل دا محصلته أيه ؟ محصلته أنه أنا لما بعمل موازنة السنة دى مضطر أنه أستبعد مستوى العجز لحوالى 11% من الناتج القومى اللى هو 170 مليار جنيه عجز موازنة الناس بتقولك دا سمير رضوان بيستخدم دى فزاعة أنا بستخدمها إحتراما للمصرى للمواطن المصرى حقهم عليا زى فى البيت يا ولاد دا اللى عندى ودا اللى مش عندى .
فاصل
مفيد فوزى : عفوا لما البورصة تخسر 7,5 بسبب ما يسمى بفرض الضرائب على الأرباح الرأسمالية حضرتك مدرج والضرايب طبعا لازم نعترف أنها قرار سيادى وتعلم أنه دا لابد أن يكون عبر البرلمان أو زى ما حضرتك دايما تقول أنه دا يصح يصدر بمرسوم من المجلس العسكرى الموازنة اللى حضرتك عاملها بنسميها موازنة إدارة أزمة طيب هل فرض ضرائب على الأرباح الرأسمالية جزءا من الرشاد ؟
د/سمير رضوان : إطلاقا لأ
مفيد فوزى:إطلاقا لأ أنت ضد هذه الضرائب ؟
د/سميررضوان:لا أفرض ضرائب على الأرباح الرأسمالية أولا الموازنة ما إتربطتش أحنا عندنا حاجة يقولك ربط الموازنة ربط الموازنة لو كان فيه مجلس شعب لما تتطلع من مجلس الشعب أنا أللى عملته خدت الموازنة لى مجلس الوزراء 3 مرات على فكرة وبعدين قالولى طيب دلوقتى تقدر تجرب الموازنة على الناس فعملت 5 إجتماعات من قطاعات محتلفة من شباب الثورة إلى المفكرين إلى الإقتصاديين إلى النقابات العمالية كنت بتناقش بقوله إتفضل دى موازنتك ومحطوطة على الموقع بتاعنا كويس بعدين بقى أرجع تانى الناس تعجلت فى الفهم وقد نكون أحنا أخطأنا فى الطرح لكن هو اللى كان مقصود بالضريبة دى إن التوزيعات على الأرباح فى البورصة تخضع لضريبة 10 % وهذا معمول به فى كافة أنحاء الأرض الأرباح المحققة يعنى حضرتك شركات فى البورصة محترمة ما بمسهاش التداول بتاعها وهى دى الأرباح الرأسمالية لا أمس لكن اللى مقصود هنا هو أنه لما الشركة توزع أرباح على الأستاذ مفيد وياخد له 100 جنيه ناخد منه 10 جنيه مالوش دعوة بالشركات العاملة فى البورصة دا وعاء ضريبى ودا وعاء ضريبى أخر لكن نتيجة للحوار مع العاملين فى البورصة وهيئة الرقابة المالية وقطاعات أخرى فى ناس قالك أه خلاها 20 فى ناس قالك دا أنت هتخرب الدنيا لأنك هتخلى الإستثمار يكش
مفيد فوزى : أيه العدالة فى ده ؟
د/سمير رضوان : العدالة فى هذا الضريبة أنه هذا نوع من الأرباح بحد من المضاربة إلى حد ما يعنى كل العملية دى بالإستحواذ يعنى لما حد يستحوذ على شركة وا وا إلى أخره تجيبلى 3,2 مليار جنيه يعنى ما تستهلش الدوشة دى لكن هى اللى يستاهل بقى الأراضى لما بتجيب أراضى تشترى أرض ب50 جنيه الفدان وتبيعها ب5000 جنيه الفدان وللم يدخل خزانة الدولة مليم
مفيد فوزى : طيب الضرايب العقارية هل ما زالت كما هى ؟
د/سمير رضوان : لا لا لأ الضرايب العقارية للأسف الشديد مصر طول عمرها عندها ضرايب عقارية أسمها العوايد معروفة كلمة جميلة كده لأن أنا شخص تقليدى يعنى اللى حصل أيه ؟ عارف الضريبة على المسكن قد كده من إجمالى الضريبة العقارية الفوس بتيجى من الضرايب على المنشأت منشأت سياحية وا وا إلى أخره فاللى أحنا بنعمله دلوقتى اللى أحنا مقترحينه الموازنة اللى رايحة بكره لمجلس الوزرا أحنا لسه برضه مخلصنهاش لكن الموازنة اللى رايحة كالأتى فيه صعوبة كبيرة فيه أنه أحدد المسكن اللى هو ساكن فيه لأن طريقة التهرب منه سهلة وطريقة ضبطه معقدة ومكلفة ليه الدوشة أنه أنا أطلع حد الإعفاء من 500 ألف أللى كانت فى القانون القديم إلى مليون
مفيد فوزى : فى الضرايب العقارية ؟
د/سمير رضوان : أه حضرتك عندك شقة مليون خلاص ماليش دعوة بيك كويس طب إفرض بقى عندك كذا شقة عندك عمارة هديك 2 مليون إعفاء 2 مليون بس الباقى هفرض عليه ضريبة
مفيد فوزى: من وجهة نظر العدالة ولا من وجهة نظرالمعقولية ؟
د/سمير رضوان : المعقولية والعدالة والكفاءة وكله يعنى إذا عندك أكثر من وحدتين الوحدة بمليون يبقى أنت عامل أرباح
مفيد فوزى : الحصيلة السنة دى من الضرايب قد أيه ؟
د/سميررضوان : لأ الحصيلة انهارده من الضرايب أقدر أقول لحضرتك هى طبعا انهارده كويسة ليه ؟ لأن انهارده ضريبة على حصيلة السنة اللى فاتت اللى هى كانت زى الفل خلى بالك السنة اللى جاية الله أعلم السنة اللى جاية أنا عندى جملة الإيرادات كلها 350 مليار جنيه المصروفات 515 مليار جنيه دا اللى نازل اللى رايح الموازنة دا الإيردات الضريبية 232 مليار جنيه
مفيد فوزى : نسبة التهرب قد أيه انهارده
د/سمير رضوان : نسبة التهرب أصل فيه تهرب وفيه تجنب
مفيد فوزى : تهرب وتجنب أيه الفرق بين الأتنين ؟
د/سمير رضوان : تهرب يعنى الضريبة ثابتة عليك وتهرب منها وتزوغ منها التجنب بتقولى الوحدة اللى تحت مليون جنيه هعفيها فيقوم يا أستاذ مفيد يقولك طيب أنا بقى كل الوحدات اللى عندى هقوم شاريها ب 100 ألف ب ب200 ألف ب300 ألف الوحدة فدى تجنب لأنها قانونى مقنن ولذلك لما بنيجى نضع ضريبة عقارية هى مش عافية وأنا مصلحتى أنه الممول يكون مرتاح لكن لما باجى أفرض ضريبة بشوف الحصيلة أه لكن أيضا هو قدرته أيه ؟ طب القطاع العقارى اللى هو قطاع مهم مقدرش أموته زى ما حصل فى الستينات والسبعينات مقدرش لازم أخليه يمشى
مفيد فوزى : البيوت القديمة الناس اللى عندها بيوت قديم وبتاخد من العمارى كلها 26 ، 30 جنيه؟
د/سمير رضوان : خلاص معفاه
مفيد فوزى : حضرتك ما فكرتش إنسانيا فى دول ؟ يعن دول مثلا بعض الناس عارفين إنى جاى أقابل حضرتك النهارده فقولولى يا أستاذ مفيد إلا يوجد شيىء فى الحياة يعنى دا البواب بتاع العمارة دى يعنى بيدفع 280 جنيه فى أوضه فى حتة
د/سمير رضوان : دى قانون الإيجارات القديمة ما هو دا اللى أقصده أنه أحنا موتنا القطاع العقارى وخلينا القطاع العقارى بين أشياء قديمة أو أشياء عشوائية وأشياء فخمة جدا أنت بدجرنى لقضية مهمة جدا لابد أن نستهدف غعادة الحياة للطبقة الوسطى فى مصريا أستاذ مفيد أحنا نشأنا فى طبقة وسطى وكنا مبسوطين 24 قيراط وعايشين وشرفاء الغالبية العظمى النهارده أنت بسياسات إقتصادية مش مظبوطة عطلتها تعبيردقيق جدا جدا خلى بال سيادتك داأنا هروح لأبعد كمان من الحالة اللى قالولك عليها كمان أنا جنبى جارة فى المعادى زوجها كان وزير تموين شهيرسابق وجبلها فيلا وإشتراها أيام ما كانت الفلل محدش بيروح المعادى لانه بعيدة
مفيد فوزى: وهو
د/ سميررضوان : وهوجبلها فيلا والست رحت بشوفها قالت طب أنا أعمل أيه دلوقتى أنا عندى فيلا أه هتفرضلى ضريبة مش عارف كام وأنا معاشى 900 جنيه 900 جنيه وزير شهير أظن كان وصل نائب رئيس وزراء كويس أنت عارفه طبعا فدى فى القانون اللى أنا بعده دلوقتى الست دى معفية من الضرايب بالكامل
مفيد فوزى : دكتور سمير رضوان هو حضرتك عندك مصباح علاء الدين ؟
د/سمير رضوان : لا والله
مفيد فوزى : آمال إزاى هضخ مليار ونص جنيه للبحث العلمى ؟
د/سمير رضوان : هقول لحضرتك دا هدف مهم جدا ودا أول مرة يخصص مبلغ بهذا الشكل
مفيد فوزى : عندك هذا الإعتماد ؟
د/سمير رضوان : عندى ما هوأنا قلت لحضرتك يعنى سؤالك أيه طيب ما أنت قلتلى الموارد بتاعتك 300 وكذا والمصروفات 500 وكذا ما أنا قلتلك الفرق 170 مليار زى ما قلنا أنه فيه موارد الفرق اللى هو 170 دا بعتمد على قروض محلية بس هنا ما الناس تقولك أيه ؟ ليه بتروح صندوق النقد الدولى ؟ ليه ما تعتمدش على الداخل ؟ حاضر هتعتمد على الداخل الداخل الدين المحلى إرتفع جدا دى حاجة الحاجة التانية أنه أنا مش عايز أسحب سيولة من الناتج المحلى علشان القطاع الخاص يقوم علشان أمول الموازنة العامة للدولة فأحنا فى الجولات بتاعتنا وفى التعبيرالعظيم عن تأييد مصر وا وا إلى أخره بنحاول نجيب بعض الموارد اللى هى فى شكل جيبات يعنى غير مربوطة دى دعم للموازنة فيه نوع من أنه الدعم هى قروض ميسرة جدا
مفيد فوزى : أقولك إحساس داخلى ؟ أنا خايف يا دكتورسميرأنك تكون بتريح الناس وتبسط الناس على أساس جيالك فلوس
د/سمير رضوان : لا والله مقدرش مقدرش هنا مقدرش هنا فى ربط الموازنة مقدرش حضرتك
مفيد فوزى : هو حضرتك صعيدى ؟
د/سمير رضوان : جى صعيدى أه
مفيد فوزى : متقدرش ؟
د/سمير رضوان : مجدرش ليه ؟ لأن 170 هى 170 يعنى عجز فلازم أعرف هموله منين وأعرف أموله منين ؟ بدون زى ما قلت لحضرتك ما شفتش السيولة من السوق المحلى
مفيد فوزى : متأذيش القطاع الخاص ؟
د/سمير رضوان : القطاع الخاص اللى أنا عاوزأنهض بيه ما نام 4 تشهر لازم أنهض بيه دلوقتى دى حاجة ومحملش الأجيال القادمة بعبء لا تحتمله ماهى دى برضه المسئولية فمن هنا أحنا بنغطى جزء من الدين الداخلى وبتغطى جزء من الجيبات والمنح والمساعدات الأجنبية وبعدين أتبقى جزء فأحنا خدنا قرض من البنك الدولى ب2,2 مليار 2 مليار لدعم الموازنة انهارده والسنة اللى جاية و200 مليون للإستثمار فى مشروعات سريعة فى الرى فى الصرف فى المسائل دى لتولد عمالة بسرعة
مفيد فوزى : ليها عائد ؟
د/سمير رضوان : ليها عائد مادى ممتاز
مفيد فوزى : من فضلك أنا عندى مداخلة ولكن ليس بالتليفونات لانه أحيانا المداخلة بالتليفونات مبتبقاش تدل الضحكة دى تدل على أنك فاهم اللعبة المداخلة واقعية يقف خلفى المصور مصور التليفزيون الأستاذ ماجد لديه ما يقوله من قلبه فهى مداخلة أنت ترى فيها الأنسان وجها لوجه إتفضل يا أستاذ ماجد
أ/ماجد : معالى الوزير أحنا هيتخصم مننا على أى حاجة بنقبضها 23% ضرايب ودا مبلغ كبيريعنى يعتبرربع الحاجات اللى بنقبضها بتبقى ضرايب وبنيجى أخرالسنة بناخد فروق ضرايب وبيتخصم نها ضرايب تانية وما بنعرفش فروق الضرايب دى أحنا مش فاهمين بيبقى كذا واحد دخلنا زى بعض وتلاقى فى الأخر فروق الضرايب كلها مش متساوية فروق جامدة يعنى
د/سمير رضوان : المشكلة اللى حضرتك بتقولها دى مشكلة عامة فى مصر نتيجة لفوضى الأجوراللى أحنا إتكلمنا عنها دا فيه الأساسى وفيه المضموم وفيه العلاوة والعلاوة اللى بتنضم بعد 5 سنين ودا اللى أحنا بدأنا فى إصلاحه لانه نظام غيرعادل وغيركفء نيجى بس بقى للضرايب أولا فى إصلاح الأجوراللى إتكلمنا عنه مش بس حد أدنى 700 وإنما أنا عفيت الناس زودت حد الإعفاء من 9000 جنيه إلى 12000 فأى واحد تحت 12 ألف ما يدفعش ضريبة خالص يعنى 1000 جنيه فى الشهر ما يدفعش ضريبة خالص اتنين أما ما أعرفش مين اللى بيدفعك 23 % إذا كانت الضريبة هى 20% ففى يعنى دا برضوا نوع من أنهع الخلط لا أفهمه الحقيقة وما يجبش
مفيدفوزى : هل دامراعى ؟ يعنى هل وجهة النظراللى إتقالت دى محطوطة فى الحسبان ؟
د/سمير رضوان : طبعا طبعا أنت أول ما تقولوا أدى أجرك ولا مضمومة ولا علاوة ولا جاية ولا رايحة لانه هو عنده 12 إضافة على الأجر الأساسى و13 خصم هيعرف إزاى ؟ أنا أقوله دا أجرك إتفضل أنت فى الدرجة الفلانية أو ما يقابلها
مفيد فوزى:النموذج اللى قاله الأخ ماجد ملىء فى المجتمع وشائع فى المجتمع ولابد أن يكون طرق أذنك مرة
د/سمير رضوان : شائع كل يوم
مفيد فوزى : فى رجال أعمال شرفاء كان زمان المفكرالكبيرسلامة موسى يقول أنا لم أردد كلمة دائما كانت تخلق منهج للحياة كلمةالكسب الغير المشروع ليل نهارنسمعها وعمرنا يمكن ما سمعنا فكرة الكسب الغيرمشروع وأنا بعتقد أنه الناس أصحاب الأعمال الشرفاء لما بيلجأوا للدولة أو أجهزة الإستثمار أوأيا كان بيحثوا أنه أياديهم متيبثة خشية المساءلة طمن الناس يا فندم الشرفاء أصحاب الأعمال
د/سمير رضوان : أصحاب الأعمال الشرفاء لا يجب أن يكون لديهم أى خشية لأن أحنا ماشين على نهج أن الإقتصاد المصرى يعتمد على القطاع الخاص يعتمد على القطاع الخاص مع تحقيق العدالة الإجتماعية اللى هى الجزء اللى كان غايب واللى سبب أساسى من أسباب الثورة ومبدأ أساسى من مبادىء الثورة حرية ديمقراطية عدالة إجتماعية ؟ عدالة إجتماعية تنعكس فى سياسات ومبادىء وتنعكس فى النهاية فى حياة الناس فهو دا اللى مطلوب لكن رجال الأعمال لا قيام لهذا الإقتصاد إلا على أساس المبادرات الشخصية والقطاع الخاص سواء المحلى أوالعربى أوأجنبى لأن حضرتك أنا عندى النهارده فى جهاز الدولة 6,2 مليون صيانة لهذا الإقتصاد إلا على أساس المبادرات الشخصية والقطاع الخاص سواء محلى أوعربى أوأجنبى لأن حضرتك أنا عندى النهارده فى جهاز الدولة 6,2 مليون
مفيد فوزى:المواطن المصرى سمير رضوان المهنة وزيرالمالية فى حكومة تسيير الأعمال نفسى أعرف موازنة بيتك من الذى يضعها ؟
د/سميررضوان : أنا أخر واحد
مفيد فوزى : يعنى مين اللى بيضعها الست ؟
د/سميررضوان : أه ما هى معروفة كده لأنها طالما أنه فيه فلوس ماشية والأمور ماشية خلاص
مفيد فوزى : ما أكثربند فى هذه الميزانية ؟
د/سميررضوان : أكثر بند فى ميزانية البيت هو اللبس والعربية بس أحنا أسرة ذات مطالب محدودة جدا
مفيد فوزى : كام واحد فى الأسرة ؟
د/سمير رضوان : 4 أنا ونادية وكريم
مفيد فوزى : دى الأسرة بس
د/سمير رضوان : أه
مفيد فوزى : تعتقد أنه الأسرة المكونة من راجل وست ما بتشتغلش وله ولدين أو تلاتة فى المدرسة الحياة الأنسانية الكريمة محتاجين فيها لى قد أيه ؟
د/سمير رضوان : أنا هقول لحضرتك عليه بس مش عايز الناس تقع فى نفس الخلط أنه دا يجب يكون الحد الأدنى الحد الأدنى دا هو خط الفقر لكن حضرتك بتكلمنى عن حاجة تانية
مفيد فوزى : أنا بكلمك عن
د/سمير رضوان : شاب وشابة متجوزين وخلفوا ولدين مش كده ؟
مفيد فوزى : أه والست قالها أقعدى فى البيت كبعض الطبائع وهو اللى بيشتغل حياة إنسانية هيحتاجوا قد أيه ؟
د/سمير رضوان : دول ما فيش أقل من 1600 جنيه