كيف تصبح ندلًا محترفًا ؟

الندالة ليست مجرد صفة لا أخلاقية أو "قصور تربوى" لكنها فن له أصوله وتاريخه وقواعده التي لا يستطيع أن ينكرها أحد، ولها أيضا العديد من المدارس فهناك الندل المتخفى والندل البين.
عزيزى القارئ سنقدم لك العديد من النصائح التي ستساعدك على أن تصبح ندلا بجدارة
* عليك اختيار الشخص المناسب للممارسة الندالة ضده، إيمانا بالمثل القائل "اختار الصديق قبل الطريق" فلابد أن يكون ذلك الشخص ذو أخلاق عالية ومحترم – لأن ممارسة الندالة على شخص ندل هتكون بلا طائل أو فائدة - يعنى مثلا حطه في مواقف حرجة في المواصلات فيدفع هو، في المطاعم قوله..أخ نسيت المحفظة....ويدفع هو..مع الحرص على ضرورة ابتكار الحجج علشان ماتبقاش مسف ومالهاش معنى
*البخل.. يعد البخل من أبرز سمات الندالة، فمهما كان صديقك بحاجة إلى المال أعمل نفسك مش عارف، ولو هو عرفك وطلب منك فلوس وكمان متأكد أن معاك..انفى تماما وقول له كان نفسى اساعدك اعذرنى مش قادر.
* علق مزة صاحبك.. خلى ديما عينك على حبيبة صاحبك حتى لو وحشة ولو حبيبتك أحلى منها، ولو مالهوش حبيبة علق أخته وكلمها طول الليل.. وآهو تبقى كاسر عينه.. علشان وقت الخلاف تقوله على فكرة....أنا كنت معلق أختك! علشان بس تحرق دمه.
*إفشاء السير.. أهم سمات الندالة هي إفشاء السر..اوعى تحافظ على سر صحبك وتشيل همه والكلام الفارغ دا.. بس لو انت من النوع الخبيث أحتفظ بالسر وذله بيه وقت الحاجة.
*الأمانة.. دى بقى الصفة اللى لازم تبعد عنها بجد.. اوعى تستلف من صاحبك فلوس وتردها له..واوعى تستلف عربيته وترجعها له سليمة.
* بيع صاحبك علشان مزتك.. يعنى حبيبتك مش عاجبها صاحبك..ماتقعدش بقى تناقشها وتقولها دا اخويا وحبيبى والكلام دا..بيعه فورا وأعمله بلوك فورا
*واستكمالا لمسيرة الندالة أوعى حبيبتك اللى خالتك تسيب صاحبك تتجوزها..استندل معاها هي كمان واتجوز صاحبتها.
وفى النهاية.. خليك ندل تعيش مبسوط.. عيش ندل تموت مرتاح.