"دلوقتى لما بقيت بعيش!.".. مسلم يطرح "صعبان عليك"

طرح المطرب مسلم، على اليوتيوب وجميع المنصات الرقمية ومحطات الراديو أغنيته "صعبان عليك" من ألبومه الجديد وهى أغنية درامية حزينة، يحكى فيها عن سيطرته على مشاعره، وشفائه من جرحه، الذى تسبب فيه حبيبه بعد غدره وخداعه، ويستنكر تصرف حبيبه الذى يتفاجأ بصموده وتخطيه أزمته.. أغنية "صعبان عليك" هى الجزء الثانى من فيلم قصير، بدأه بأغنيته الأولى التى صدرت منذ فترة وكانت بعنوان "قلب فى الدفاتر".. أغنية "صعبان عليك" من كلمات وألحان مسلم وتوزيع موسيقى على الدين عمر وإخراج إسلام هشام..
تقول كلماتها:..
صعبان عليكي دلوقتي لما بقيت بعيش
يعني اللي شوفته زمان معاكي مكفاكيش
حضنك مبيدفيش ولو ساع غيري مايساعنيش خسرتيني
ف متجاوبيش علشان اصلا معادش يفيد دموع عيني
دي اغلى كتير وانا غير قلبي ماحيلتيش و ضيعتيه
كدبت الف دليل وماقبلش ابقى بديل
ومن غيرك هبقى بخير
ورايح على فين ، اخر الطريق مسدود
وايه افتكرك بيه ، غير الندم واللوم
امشي ملهوش لزوم
ودلوقتي جايه تبكي عيني على اللي فات
ولما اتفارقنا قوليلي مين اللي استفاد
احنا اتقابلنا علشان نفارق بعض م الاول
لكن ماكانش ف بالي ان الحزن دا يطول
تسيبيلي قلب اخاف لو حد يوم جاله
ولما يشوف نفسه ف يوم يصعب على حاله
شوفي حد غيري يكون مناسب ليه
انه يعيش وياكي بين حالتين
يا في وهم بتحبيه
او انه كان جزء م الماضي
راجعالي دلوقتي
بعد لما لقيت غيرك يعوضني
ودا وعد مني ليك
هتعيش ما تنساني
ورايح على فين ، اخر الطريق مسدود
وايه افتكرك بيه ، غير الندم و اللوم
امشي ملهوش لزوم
https://youtu.be/yBw9Ylix4H8