ضربة قلم ..(المرشد)

من غير ما نتكلم كتير ، والوقت منّا كمان يضيع ، جه الدور على محمد بديع ، مرشد أمير وبجد عادى ، واخد على بوس الأيادى ، يتباس كتير وهو راضى ..
علشان أمير ..!! آسفة أمير المسلمين مش هو ده ..!
مش أنت يا محمد بديع ، ياللّى جريت علطول تبيع ، حسبة بلد ، وساعدت وقت الشدة فيها يكون هدد ، علشان تكون انت الرئيس ...أيوه الرئيس ، أما العريس لبّسته توبك وانكشف ..
بالذمه مش صح الكلام ، حتى القصاص ، أنت ابتديت وقولتهولوا ، طب كنت سيبه واقف بطولوا ، أو حتى خلّيه لو يقولوا ، يفهم كلامك مش يحفظه ، مش لمّا ينسى تفكّره ..عيب الكلام ماهو كله شوفناه فى الخطاب ، وانت كمان حلو النقاب ، بس الحقيقة أنا لو مكانك ، أجيب تراب واردم على حروف التاريخ ، لمّا هيكتب ده يا شيخ ..
بس السؤال ده بجد ليك ؟ خاينين كتير كانوا ليه ف ايديك ؟ خاينين كده وبتوع يهود ، اللّى فتحتلهم حدود ، وباسوك وقالوا البركه فيك ، بصراحة أنت البركة فيك.
ضيعتنا وضاعوا الشباب ، شوف كام عقول صابها الغياب ، وانت السبب ..دى شباب غلابة.
لكن انت واخد ع الديابه ، ضحّوا عشان طمعك يعيش ..
حتى اللى منّك نور عنيك ، مات وبأيديك ، ذنبه انّك انت كنت ابوه ، ويارب أخته أو أخوه.
ميكونش روحه واهبها ليك .. علشان بجد خساره فيك.
خلاص بقه أهو كله كان ، عدينّا مرحلة الجنان ، دلوقتى مرحلة الحساب عملت إيه ؟
وليه ؟ وفين ؟ كدّاب كبير.. خدلك نفس واشرب عصير ، بكره كل شئ هيبان .
علشان كده بضربة قلم ، هنسيبك أنت للحكم ، وانا قولت رأيى وحرّه فيه ، علشان أنا صاحبة قلم.