انفجار بيروت.. نادين نسيب نجيم: "الخوف سرق النوم من عيوني"

تحدثت الفنانة اللبنانية نادين نسيب نجيم عن الآثار النفسية التي لحقت بها بعد أن خضعت لعملية عاجلة لمدة 6 ساعات بسبب تحطم بيتها بالكامل إثر الانفجار الضخم الذي حدث بالعاصمة اللبنانية بيروت أمس الأول الثلاثاء.
وقالت "نادين" عبر حسابها على موقع التغريدات "تويتر": "دموعي ما عم تنشف والخوف سرق النوم من عيوني بشكر الله كل ثانية ولادي بخير ويسوع عطاني عمر جديد وجهي بيترمم الجروحات بطيب بس النفسية ما بعمرها بطيب عم فكر كل الوقت بالشهداء بالأطفال بالجرحى بالأمهات عم صلي للكل أقسى تجربة وأصعب لحظة تشوف الموت بعيونك الله يكون بعون كل المصابين".
ووصفت نادين نسيب نجيم في وقت سابق الحادث عبر حسابها على موقع التغريدات "تويتر" وقالت:"بشكر ربي أولاً رجع خلقني وأعطاني عمر جديد. الانفجار كان قريب والمنظر مش متل الحكي فعلاً يلي بيفوت عالبيت وبيشوف الدم وين ما كان وكل شي مكسر ما بيقول انه بعدنا عايشين، الحمد الله الف مرة عطاني القوة انزل 22 طابق حافية مغطسة بالدم تأقدر خلص حالي".
وأضافت "الناس كلها مدممة، جرحى، قتلى، سيارات مكسرة، ناس عم تصرخ وتبكي، وقفت سيارة قلتله دخيلك ساعدني، كان ابن حلال وصلني على أول مشفى رفضوا يستقبلوني لأنه كانت مكدسة بالجرحى، رجع أخدني على مشفى المشرق أسعفوني وخضعت لعملية 6 ساعات لأنه نص وجهي وجسمي مدمم".
وأضافت "اللي شفته عالارض صعب كتير ينوصف فعلاً وكأنه قنبلة نووية. شكراً يا رب إنك حميتني، وحمدلله أولادي بخير وسلامة ما كانوا بالبيت. بشكر الله كل لحظة ويارب ترحم الموتى وتشفي الجرحى".