الإذاعي عمرو صلاح يعلن شفاءه من فيروس كورونا

أعلن المذيع عمرو صلاح عن تعافيه من فيروس "كورونا" المستجد، بعد ما يقرب 3 أسابيع من إصابته بالفيروس.
ونشر مذيع الردايو الشاب صورة تجمعه بطبيب على حسابه الشخصي على "فيسبوك" وعلق عليها قائلًا: "الحمد لله تم القضاء على فيروس كورونا..النهاردة بعد الأشعة والتحاليل الحمد لله أتأكدت أنى خلصت من الضيف الرخم.. اللى جه وخد راحته عندي شويه عندى.. عدت على خير الحمد لله يارب.. شكرا لكل واحد أهتم وسأل.. شكرا لكل واحد قدم لى دعم ولو بكلمه والكلمه أهم حاجه في الوقت ده..
شكرا لكل صديق حقيقي بان معدنه في الفترة دي".
وأضاف صلاح: "شكر كبير جدا لوزير الإعلام (أسامه هيكل) على اتصاله وإنه يطمن على كل الإعلاميين... وربنا إن شاء الله يقومه بالسلامه قريب...كل الشكر للدكتورة الشاطرة إللي بجد ربنا يكتبلها كل حاجه حلوة دكتور رحاب.. إللي كانت متابعه حالتى في المستشفى لغاية النهاردة من غير ملل ولا تعب... ربنا يحفظك يا دكتور.... وشكر خاص جدا لدكتور دياب صديقي إللي كان متابع معايا من التليفون حالتى من قبل المستشفى وكان دايما بيطمني".
وعن تفاصيل إصابته بكورونا كتب عمرو: "خلاصة شهر كورونا:
1- وأنت بتكتب بوست مليان طاقة سلبيه وندب.. خد بالك إن ناس كتير عندها كورونا بتقراه فالحاله النفسيه عندهم مش ناقصه (الحالة النفسية مهمه بنسبة 50 ٪ في العلاج).
2- أقسم بالله أكتر ناس تعبت وبتتعب وهتتعب دلوقتي
الدكاترة والتمريض وعمال النضاف في المستشفيات (على قد ما تقدروا أدعموهم ولو نفسيا)
3- صحاب المدرسة مهما عدى الوقت هيفضلوا صحاب معدنهم أصيل.
4- في الأزمه دى لو لا قدر الله دخلت مستشفى هتطلع بصحاب حقيقيين منها لأن حالتكم كانت وآحده وكنتم داعمين نفسيا جدا لبعض وعديتوا الأزمه مع بعض
5- متصدقش الأخبار المحبطه إللي ماليه فيس بوك.. صدق إللي تشوفه بعنيك... أقسم بالله فيس بوك وغيرة ما هو إلا خدعه.
6-لو حسيت بأى وجع بسيط أستشير دكتور حل الموضوع في أوله أسهل ما بتسيبه بيكبر.
7. متخفش كورونا مش بعبع أوى كده زى ما الناس خايفه والدليل حالات الشفاء العاليه.
8- إللي بيسأل الشباب بتموت منه.. فهقولك أنى سألت الدكتورة وقالتلي أن نسب التعرض لكمية الفيروس هى إللي بتفرق في الشفاء... علشان كده الكمامات حتى لو خالطت حد بتقل من الرزاز.. فالو لا قدر الله حتى خدت الفيرس فهيكون بنسبه قليلة.. ف هيجيلك بأعراض خفيفه ويعدى.
9- وأخيراااا.... من ساعة ما بنتولد ربنا كاتب لكل واحد هيعيش اد إيه في الدنيا بالثانيه... فا كورونا أو غيره ما هو إلا سبب لانتهاء وقتك في الأرض.. متخفووووش وهتعدي قريب إن شاء الله.
نفسي أشكركم واحد واحد والله بس مش عارف.. تجربة وعدت".