طفل "أنام ربع ساعة يا حاجة".. يعاني من إصابة مزمنة

تداول رواد مواقع التواصل الاجتماعي فيديو لطفل في الصف الأول الابتدائي، وهو يتوسل إلى مدرسته بالسماح له بالنوم، قائلا لها: "والنبي يا حاجة سبيني أنام ربع ساعة، ربع ساعة بس وهعملكم اللى عايزينه".
وتداول رواد التواصل الاجتماعي مقطع الفيديو بشكل ساخر.. "البوابة نيوز" انتقلت في منزل الطفل والتقت والده، الذي أغضبه الأمر، قائلا: "ابني محمد بيعاني من تعب في قدمه، وكان آخرها قبل المدرسة بكام يوم، وبياخد علاج بيخليه ينام، وبدأت المدرسة وقولنا له روح ووصلناه وأنه بقي كويس، لكن عشان أول أيام الدراسة والأسبوع الأول الطفل تعب عشان مش متعود، وطلب من مدرسته إنه ينام، للأسف صوره المدرس بتاعه، عشان يبقي مادة للسخرية، وحاولنا نخرج ابننا من تعبه في المدرسة، ابني جاتله أزمة نفسية لما عرف إن الناس بتتريق عليه ولما كل ما حد يقابله في الشارع يضحك ويقوله أنام ربع ساعة".
وتابع والد الطفل: "إحنا هنقدم محضر في المدرس والمدرسة وكل اللى ساهم في إن الطفل يتم تشويه معنويا، هل إحنا وصل بينا الحال للسخرية من طفل رايح المدرسة ونتسبب ليه في أزمة هتفضل ملازماه طول حياته، يا ريت وزير التعليم يرد عليّ، إخواته رافضين يروحوا المدرسة برده، حزنا على أخيهم، الولد رافض يروح المدرسة، بسبب اللي حصل".