شكاوى على مكتب النائب.. إنشاء سلم صعود على المحور

يعاني أهالي أرض اللواء يوميا من أزمة تكاد تودي بحياتهم، وخاصة الأطفال.
سلم أرض اللواء على محور 26 يوليو يمثل رعبًا للأهالي، فالصعود من ناحية واحدة والناحية الأخرى عليك أن تمر بين السيارات، الأمر الذي أدى إلي وقوع الكثير من الحوادث.
مصطفى فرغلي يقول: «إحنا عشان نعدي بنحتاج تقريبًا نص ساعة على ما نلاقي فرصة نعدي من العربيات، والأطفال ممكن ينتظروا أكتر من كدا، والحوادث كتير، آخرها خطيبتي وهي بتمر عشان تعدي من الناحية التانية خبطتها عربية وكانت فى حالة خطرة والحمدلله ربنا ستر، مع أن الموضوع بسيط، سلم مشاة عشان الناس تعدي الناحية التانية ياريت الدكتور عبدالرحيم علي ييجي يشوف بنفسه أو يبعت حد وعارفين إنه مش هيقصر عشان ينقذ أرواحنا».
ويضيف علي جمال: «أنا عشان أروح بيتي فى أرض اللواء بضطر أنزل ميدان لبنان بسبب إني بخاف أعدي من المحور يحصلي حاجة، يا دكتور عبدالرحيم الموضوع مش مكلف ولا هياخد وقت بس هينقذ مئات من الأطفال وكبار السن اللي بيمروا يوميًا، وخاصة الأطفال اللي بيروحوا المدرسة، الحي عامل إشارة عمرها ما هتوقف العربيات».
نائب رئيس الجمعية العربية للدراسات الإقليمية والاستراتيجية: عبدالرحيم على يعد من أهم الشخصيات الوطنية التى لديها رغبة حقيقية لمكافحة الفكر الإرهابى المتطرف.