شوفت الرجل "لا مؤاخذة" أبو خلخال!

«بعض الرجال كبار لكن مهابيل.. المرجلة ما هى بالكبر والمال.. وبعض الرجال أجسام لكن تماثيل». بهذه الكلمات يمكن وصف حال الشباب هذه الأيام، وبخاصة بعد انتشار موضة الخلخال، الأمر غير المألوف على الرجل الشرقى.
وتداول نشطاء التواصل الاجتماعى صورا لشباب يرتدون خلخالا، وقد لاقت تلك الموضة ردوداعنيفة وساخرة؛ حيث هاجم أحمد تلك الموضة قائلا: «موضة إيه دى، وازاى الراجل يلبس خلخال أومال هو ساب أيه للست، دا اسمه عك، يعنى راجل يمشى فى الشارع لابس بنطلون ضيق وقولنا ماشى، ويكملها بالخلخال، الشخصيات دى استحالة يكونوا رجالة».
واستشهد سعيد بقول رسول الله- صلى الله عليه وسلم: «لعن الله المتشبهين من الرجال بالنساء، والمتشبهات من النساء بالرجال»، متابعا «ناقص كمان أن الشباب يلبسوا بدل رقص.. ما احنا مسبناش حاجة للبنات وبقينا كمان بنلبس لبسهم غير البناطيل الضيقة وأهى كملت بالخلخال».
وتابعت بسنت: «ازاى راجل يقبل على نفسه يلبس كدا.. أومال سابولنا إيه.. شىء مقزز أن ولد يبقى ماشى فى الشارع بالمنظر دا.. اللى زى دا خسارة أنه يتوصف بأنه راجل».
وتساءل عبدالقادر: «عملوا خلخال للشباب.. طب يا ترى هيعملوا طرح أمتى؟!!»، متابعا: «دا المثل بيقول: كل اللى يعجبك والبس اللى يعجب الناس، إنما اللى بيحصل دا استفزاز لمشاعر أى راجل.. الله يرحمك يارجولة».