ابنة الشهيد "الحديدي": الشرطة والجيش زي الحفرة لما يتاخد منها بيزيدوا

قالت الطفلة عاليا ياسر الحديدى، ابنة الشهيد العميد ياسر الحديدى، مفتش الأمن العام بجنوب وشمال سيناء، والذى استشهد فى مارس الماضي أثناء مأمورية بمدينة العريش: إن "الشرطة والجيش زى الحفرة كل لما بيتاخد منهم بيزيدوا".
وأضافت، فى كلمة خلال حفل تخريج دفعة جديدة من طلبة كلية الشرطة بحضور الرئيس عبدالفتاح السيسي: "كنت زعلانة يوم سفر بابا قبل استشهاده، وطلبت منه عدم السفر" متابعة: "قال لي أنا مسافر علشان أخلص بلدنا من الخوَنة والإرهابيين... بابا مات شهيد وعرفت معنى كلمة شهيد يعني حي يُرزق في الجنة، وأنا صممت أذاكر وأطلع الأولى علشان أفرّحه".
وقالت عاليا: "عايزة أقول للإرهابيين والخونة ضباط الجيش والشرطة دول أبطال عاملين زي الحفرة كل ما تاخد منها تلاقي كتير مش بيخلصوا".
وأبدت ابنة الشهيد رغبتها في الالتحاق بكلية الشرطة عندما يحين وقت ذلك؛ حتى يتسنى لها خدمة بلادها والقصاص من قتَلة أبيها الشهيد العميد ياسر الحديدي.