وزير الرياضة ل"9090": لا أعلم شيئًا عن استضافة مصر لأوليمبياد 2032

قال المهندس خالد عبدالعزيز، وزير الشباب والرياضة، إنه لا يعلم شيئًا عن الكلام المثار من لجنة الشباب والرياضة بمجلس النواب عن استضافة مصر لدورة الألعاب الأوليمبية 2032.
وكشف وزير الرياضة، للإعلامي إبراهيم فايق، ببرنامجه "ملعب 9090"، على إذاعة الراديو 9090 قائلًا: "أنا دائمًا متعود على الشفافية، مكانش فيه تنسيق بين لجنة الشباب والرياضة في الكلام ده، ولو مصر قدمت ملفها لاستضافة هذه الدورة، يعنى مش هيكون قبل سنة 2024، يعنى أغلب المسئولين اللى موجودين دلوقتى مش هيكونوا موجودين".
وأضاف: "لكن برضو لازم نكون مستعدين لكل حاجة، يكون عندنا خطة واضحة، وتكون عند قواعد واضحة، يعنى وقت ما نبنى أي منشأة رياضية نراعى فيها استضافة بطولة عالمية، ونحاول بقدر الإمكان أننا نبنيها بالقرب من المطارات، يعنى اللى أقصده بالكلام ده أن يكون هناك تخطيط وتنسيق بين جميع الجهات، حتى تكون هذه المنشآت صالحة لاستقبال البطولات العالمية".
وتابع: "عملنا أكثر من 2600 ملعب على مستوى الجمهورية، وقبل نهاية السنة دى هيكون انتهينا من إنشاء 3000 ملعب، وفى نهاية شهر سبتمر المقبل في 2017 هيكون عندنا 4000 ملعب، وده من المشاريع العملاقة اللى طالب بها الرئيس عبدالفتاح السيسى".