سوق السيارات في مدينة نصر.. شلل مروري واختراق للقوانين

مع مجيء يوم الجمعة لراحة المواطنين يأتي من يفسد عليهم الراحة والخروج في هذا اليوم، يكون الزحام المروري شديد بمنطقة سوق السيارات بمدينة نصر، وينشط السوق من أمام مسجد السلام حتى منطقة المثلث حوالي ثلاث محطات تعكر على أي مواطن مروره في هذه المنطقة، ولكن المحير أن الحكومة تعلم بالمشكلة نعم !! وتعلم أيضا أن سماسرة السيارات يأتون يوم الأحد وهذا غير قانوني ؟!! فمن يعيش بجوار سوق السيارات يعرف جيدا أن الخروج من منزله يكون مستحيلا أو النوم والراحة حلم يعيش بداخله في هذه المناسبة المريرة .
في الصباح الباكر من يوم الجمعة رصدت البوابة نيوز، السماسرة يأتون من كل محافظات الجمهورية لاصطياد عربيات مستعملة بمبالغ بسيطة ثم يعاودون على بيعها في الأسبوع القادم، ولكن بثمن أغلى، المشكلة ليست في السماسرة ولكن في كل من يتواجد بسوق السيارات .
قال أحمد بيومي سمسار سيارات: أن يأتي للسوق يومي الجمعة والأحد بأستمرار مرة علشان اشتري عربية وأخرى علشان أبيع و أنا معرفش أن يوم الأحد غير قانوني ومحدش قالنا أول مرة أسمع المعلومة دي , احنا بنيجي السوق ابتداء من الساعة السادسة صباحا والمفترض أن السوق من الساعة العاشرة صباحا وحتى السابعة بس احنا بنيجي بدري علشان نحجز مكان، وممكن كمان نبيع بدري و إللي عاوز يخش جوه السوق بيدفع 10 جنيهات وطبعا اللي واقفين بره من غير فلوس وده السبب في الزحام و غير كدة في سماسرة واقفة بره ممكن توقف الشارع بالكامل علشان بتبص علي عربية وده انا رفضة .
بالنسبة للعربيات اللي مقلوبة أو عملة حدثة جامدة احنا بنعرفها بسهولة ، عن طريق مرشوشة من الداخل، السقف مرشوش، وحاجات تانية كتير .. في زبائن بتيجي السوق تشتري مستعمل بتتخم لو هما جايين لوحدهم من غير مكانيكي أو شخص بيفهم في العربيات , وفي ناس كتير أنا شوفتهم جايبين مكانيكي معاهم وصاحب العربية الي بيبيع بياخده علي جنب ويظبطة فلوس علشان يلبس الزبون العربية، سوق السيارات في الحلو والوحش .
محمد أسماعيل أحد الساكنين بجوار السوق يتحدث عن المعاناة التي يشاهدها بأستمرار يومي الجمعة والأحد قائلا إن المشكلة الكبري تأتي في مخالفة بعض معارض السيارات لعرضها السيارات الخاصة بها علي الرصيف يعني حتي ولا عارفين نمشي علي الرصيف ولا الشارع ومافيش غير حارة واحدة للعربيات تمشي فيها وكمان ممكن توقف بسبب سمسار بيشوف عربية و تعطل حركة المرور .
وأكد محمد أن السوق به ضوضاء كثيرية وأتحدي أي حد بيعيد عن المنطقة دية أنة يقدر يعيش فيها , وطبعا غير المشاجرات التي تحدث هناك وعمليات نشل المبالغ المالية .
وهناك قرار بنقل سوق السيارات حيث صرح الدكتور جلال السعيد محافظ القاهرة السابق والنقل الحالي في شهر فبراير عام 2013 عن قرار نقل سوق سيارات الحي العاشر بمدينة نصر إلى طريق السويس ، نظرا للاختناقات المرورية التي يسببها السوق وحتي الأن هذا القرار لم يفعل !
وأشارسمير صبحي أحد المشترين في السوق حيث قال: أكيد في سرقة في السوق بس انا شايف لو كل واحد مخلي باله من نفسة وفلوسة مش هيجري أي حاجة , علشان زي ماانتا شايف في ناس كتير وفي كل مكان صعب علي أي حرامي يسرق في المكان دة لو كل واحد محرص علي فلوسة , وبالنسبة للعربيات المشمومة، جايبة نص بمعني ادق المقلوبة أو ليس بها أوراق في كتير منها في السوق والقانون لا يحمي المغفلين !
ووجه صبحي يجب علي الحكومة نقل سوق السيارات الي مكان بعيد عن مدينة نصر بسبب الزحام الشديد وهذه منطقة سكنية , لو في أحد مريض من سكان المنطقة وطلبو عربية أسعاف هياخد وقت كبير جدا علشان يوصله وانا مش شايف فيها مشاكل للسماسرة أو المشتريين .
من ناحية أخري رفض صاحب محل عصير نقل سوق السيارات من مكانه الحالي موضحا أن لا توجد أي مشكلة من وجود العربيات داخل الموقف وأن المشكلة في العربيات الي واقفة خارج موقف السيارات كل دة علشان ميدفعوش 10 جنيهات مقابل وقوفهم داخل الموقف وأصلا الموقف بيبقى فيه أماكن كتير فاضية , والناس طبعا مضايقة من الزحمة بس انا شايف المشكلة بسيطة , شوية نظام بس وكل حاجة تبقى تمام .