ونرمي وراها قلة

المواطن الغلبان حسن حصاوي يغشي عليه من حين لأخر.وعندما يفيق لا يفهم ما حدث حوله من تغيرات ولكن أحيانا ما يجعل من يسمعه هو الذي يغشي عليه.
( كان النقاش محتدما في المقهى بين بعض المثقفين والموضوع هو اقتراح بعمل جهود للمصالحة بين الدولة وبين جماعة الإخوان لوقف العنف واعترض بشدة أحد معارف حصاوي فتركهم غاضبا وذهب يجلس بجانبه.
حصاويمالك مكشر ومحموق؟
مثقفتخيل أن لسه فيه ناس بيدعوا أننا نعمل مصالحة مع الإخوان؟
حصاوىطب وماله ؟ ما يعملوا.أنت إيه اللي مزعلك ؟
المثقفأنت بتقول إيه ؟ دي كانت البلد تروح في داهية.
حصاوىوالبلد تروح في داهية ليه؟ هي البلد اللي هتعمل المصالحة معاهم ولا اللي بيدعوا لكده؟
المثقفاللي بيدعوا للمصالحة.
حصاوىطيب والناس والبلد مالها بقي بالحكاية دي؟
المثقفجايز يشجعوا غيرهم أنهم ينضموا لهم.
حصاوىاللي يرضي ينضم لهم يبقي يتلقى وعده من الاتنين سوا. الإخوان والأهالي.
المثقفبس الحكومة مش مفروض تقعد ساكتة.
حصاوىلأنها حكومة مؤدبة جدا. ثم هي ساكتة فعلا علي كل حاجة تقريبا.حد قالها سلامات يا حكومة ..أنتي فين يا حكومة؟
المثقفمعاك حق وأنا مش فاهم مستنيه إيه ؟
حصاوىلازم مستنيه شكوى تطلع لها علي عرض حال دمغة. الأصول كده.
المثقفمفروض هما يتصرفوا لوحدهم.
حصاوىويجيبوا الكلام لنفسهم ؟ ثم أحنا دلوقتي عندنا حرية. يعني اللي محتاج حاجة أو له شوق في حاجة يعملها بنفسه.هي الحكومة هتعمل إيه ولا إيه ؟ مش كفاية النور ما بقاش ينقطع كتير؟.عايزين تنهبوا؟
المثقفبس الحكومة لازم يكون لها دور. ودور إيجابي.
حصاويالحكومة هي كمان حرة يا أخي, أشمعني هي؟
المثقفبس كان فيه حاجات عليها أتفاق من الأول أن الحكومة تعملها.زى الحد الأدنى والأعلى للأجور. لكن لحد دلوقت ما اتفقوش علي حاجة.
حصاوىأما غريبة وهو حد عمل مظاهرات ولا اعتصامات ,عشان يجيبوهم ويفاصلوهم ويتمنظروا عليهم شوية,وبعدين يوافقوا علي بعض مطالبهم مش كلها ويقولوا أدونا وقت لما ندرس الموضوع كويس.ولا أنت عايز الناس تاخد ع الحكومة ؟.
المثقفوأشمعني ساكتين علي الإخوان؟
حصاوىمعلوم لأن الإخوان حاجة تانية ما سكتوش وحدفوا كل مؤسسات الدولة بالطوب والخرطوش وولعوا فيها وشتموا وسبوا الكل ما خلوش وشوهوا كل حيطان مصر وعطلوا الطرق والسكة الحديد ولسه يا ما هيقولوا ويعملوا.
المثقفبس دا خطر علي البلد كلها وعلي الدولة؟
حصاوىلا مؤاخذة في دي الكلمة , هو أنت الدولة ؟
المثقفلا أنا بس أنا فرد في الدولة ضمن ملايين.
حصاوىطب يا أخي بتصدر نفسك أنت ليه. هو مين اللي هيعمل المصالحة مع الإخوان؟ القضاء؟
المثقفلا طبعا.
حصاوىالشرطة ؟ الجيش؟
المثقفلأ طبعا , إنما الحكومة ممكن ..
حصاوى( مقاطعا ) وأنت مالك ؟ هو أنت الحكومة.؟
المثقفالله طب وبعدين ؟
حصاوىولا قبلين. الإخوان نفسهم مش هيعملوا مصالحة مع الحكومة.
المثقفبس فرضا الحكومة قدروا يعملوا مصالحة معاهم.
حصاوىدا يبقي يوم الهنا ..يوم السعد لأن ساعتها الشعب مش هيسكت.هيمشي الحكومة في يوم وليلة ويرمي وراها قلة.
المثقفطب والإخوان؟.
حصاويكل سنة وأنت طيب.
( المثقف يغشي عليه )