حصاوي والغريب

(المواطن الغلبان حسن حصاوي يغشى عليه من حين لآخر. وعندما يفيق لا يفهم ما حدث حوله من تغيرات)
(حصاوي جالس على المقهى يتصفح جريدة وبجواره زبون جديد)
حصاويياه.. خبر غريب قوي في الجرنال.
الغريبخبر إيه؟
حصاويبيقول لك كل المتهمين في موقعة الجمل خدوا براءة؟ صحيح يا ما في الحبس مظاليم.
الغريبهاها. ما تصدقش. ما كلنا شفنا الشباب في التليفزيون وهو بيتقتل قدام عينينا.
حصاويأيوه، ولازم فيه حد قتلهم، بس مش هما اللي كانوا محبوسين.
الغريبما تصدقش، دول طلعوا براءة عشان لهم ضهر وعرفوا ينفدوا من العقاب.
حصاويوليه ما تكونش الشرطة قتلتهم؟
الغريبما تصدقش. الشرطة معقولة تقتل الناس؟ دا كان قبل الثورة.
حصاويطب واللي اتقتلوا بعد كده في محمد محمود وقدام ما سبيرو وقدام الاتحادية؟
الغريبما تصدقش، دول يمكن الجيش.
حصاويدا كل يوم والتاني ناس وشباب بتتقتل في المظاهرات.
الغريبما تصدقش، دول شوية بلطجية.
حصاويسمعت ناس بتقول إنهم من الإخوان.
الغريبما تصدقش، طب كانوا لابسين إخوان؟ لأ؛ يبقى مش همّا. الإخوان ما يقتلوش أبدًا. دول ناس بتوع ربنا.
حصاويلكن ساعات بيرفعوا العلم بتاعهم.
الغريبما تصدقش، دا في الاحتفالات بس. ثم دا مش علمهم، دا علم القاعدة.
حصاويكمان؟ دا معناها إنهم مع تنظيم القاعدة.
الغريبما تصدقش. دي مجرد مجاملة. طب ما هما احتسبوا بن لادن شهيد، ومع ذلك الأمريكان راضيين عنهم؛ لأنهم فهموا إنها مجاملة لا طلعت ولا نزلت.
حصاويوقدام الاتحادية ماكانوش إخوان؟
الغريبما تصدقش. ماحدش قدر يثبت إنهم كانوا إخوان. ولا عمر حد منهم اعترف إنهم إخوان، يبقى ما نصدقهمش همّا ليه؟
حصاويبس بيقولوا ناس كتير من الإخوان عليهم قضايا، وبيشتموا ناس، وبيعتدوا عليهم وبيعذبوهم، وحرقوا جرايد، واقتحموا قسم الدقي لكن محدش كلمهم.
الغريبما تصدقش. معقول الحكومة تسيبهم يعملوا كده وتسيبهم؟ كلها إشاعات وناس حاقدة، عايزين يوقعوا الحكومة عشان ياخدوا مكانها.
حصاويفيه ناس اتعذبت فعلاً ورافعين قضايا.
الغريبما تصدقش. دي ناس نفسها في الشهرة، وكلام جرايد بتحرض ضد الثورة.
حصاوييعني أطمّن؟
الغريبحط في بطنك بطيخة صيفي. طب إنت ما سمعتش عن إن فيه تزوير في قاعدة البيانات بتاعة الانتخابات؟
حصاويلأ أبدًا.
الغريبوأديني بقول لك. بس ما تصدقش. البلد مليانة شائعات. بلاش، سمعت إن الرئيس مرسي هرب من سجن وادي النطرون هو وشلة من زمايله ليلة 27 يناير؟
حصاوييا خبر.
الغريبهاها. خبر إيه؟ إنت كل كلمة تصدقها. بقول لك ما تصدقش.
حصاويفعلاً حاجة الواحد ما يصدقهاش. يهربوا من السجن ببساطة كده؟
الغريبقال إيه بيقولك جماعة من حماس راحت طلعتهم بالقوة المسلحة.
حصاويمعقولة؟ وكانت الدولة فين؟
الغريبمش بقول لك ما تصدقهمش؟ ولّا إشاعة إن الرئيس قدم أوراق ترشيحه للرئاسة من غير الفيش و لتشبيه؟ هاهاهاي.
حصاوييا ساتر.
الغريببس ما تصدقش. لأ وإيه عشان كده جاب بجاتو، اللي كان مشرف على الانتخابات، وزير في الحكومة الجديدة. إشاعات ناس بتحشش. اوعى تصدق.
حصاويوأنا معقول أصدق الكلام دا؟ قلّي، أنا أول مرة أشوفك في الحتة، انت ساكن هنا جديد؟
الغريبلأ، أنا جاي في زيارة.
حصاويهو حضرتك منين؟
الغريبمحسوبك من حماس، وجاي أسبوع كدا وراجع عن طريق النفق برضه.
( حصاوي يغشى عليه)