حصاوي لا يصالح

المواطن الغلبان حسن حصاوي يغشى عليه من حين لآخر. وعندما يفيق لا يفهم ما حدث حوله من تغيرات، ولكن أحيانًا ما يجعل من يسمعه هو الذي يغشى عليه.
الجارعاجبك اللي بيحصل دا يا حصاوي؟
حصاويماله اللي بيحصل؟ ما هي الدنيا بقت حلوة.
الجارحلوة إزاي بقى؟
حصاويالكهربا ما بقتش تتقطع والبنزين بقى موجود والناس مزأططة وبتغني وفرحانة.
الجارأنت ما بتسمعش عن الحرب بين الإخوان والناس بسبب كده؟
حصاويهما الإخوان زعلانين عشان الكهربا رجعت والبنزين بقي موجود؟
الجارعشان حاجات كتير ودي منها.
حصاويغريبة، وهما يقطعوا الكهربا عننا ليه؟
الجارعشان يدوا منها شوية لإخواتنا في غزة. ثم إحنا كمان من ناحيتنا قفلنا الأنفاق اللي عملوها بينا وبينهم. ودا ما يصحش لأننا عرب.
حصاويوالأنفاق تهمهم في إيه؟
الجارما هما بيهربوا منها البنزين والكهربا وكل السلع اللي الحكومة بتدعمها، دا غير العربيات المسروقة. يعيشوا إزاي بعد كده؟ بالذمة دا مش حرام؟
حصاويآه حرام تقريبًا.
الجارفيه حاجة إسمها حرام تقريبا؟!
حصاويما إحنا كمان الناس عندنا غلابة وتعدادنا كتير ييجوا حوالي 90 مليون. يعني أكتر من كام دولة عربية مع بعض.
الجاربس دول في غزه محتلين من اليهود. دا بدل ما نساعدهم ونحارب معاهم؟
حصاويبس هما ما بيحاربوش.
الجارعشان إحنا مش بنحارب معاهم.
حصاويمش لما الفلسطينيين اللي في الضفة الغربية يحاربوا معاهم الأول؟
الجارعشان فيه خلاف بين فتح وحماس بقاله سنين.
حصاويطب وإحنا ذنبنا إيه؟ دا إحنا سبنا الإنجليز محتلين مصر ورحنا نحارب بدالهم في فلسطين سنة 48، وكانت النتيجة إننا اتحصارنا هناك وعبد الناصر نفسه اتحاصر في الفالوجا.
الجاربس كان جدع، اشترى سلاح عشان يحارب إسرائيل ويقضي عليهم.
حصاويبس هو اشترى السلاح، وهما خدوا كله من غير ما نحارب بيه
الجارعشان هو جر شكل إنجلترا وفرنسا، وهما انتهزوا الفرصة.
حصاويطب و67؟ مش برضه انهزمنا وخدوا كل السلاح من غير ما نحارب؟
الجارعشان خدونا على خمَّة.
حصاويأبدًا إحنا اللي قلنا مش هنخليهم يعَدوا في القناة، وعشان خاطر فلسطين.
الجارإحنا أحرار.
حصاويطب زعلان ليه بقى؟
الجارلأن القضية ما اتحركتش من ساعتها. والمعاهدة مع إسرائيل كانت طعنة في ضهر فلسطين.
حصاويوهو حد كان عمل حاجة غيرنا؟
الجارطبعًا، سيناء مليانة مجاهدين مستعدين يستشهدوا عشان فلسطين وكتير منهم مش فلسطينيين.
حصاويبس أنا سمعت إن الناس دول عملوا حاجات في سينا بس ضد الجيش المصري.
الجارمعاهم حق؛ لأننا مستسلمين.
حصاويمش لما نشوف مشاكلنا الأول. دا إحنا عمالين نقتل في بعض.
الجارلازم نعمل مصالحة بينا وبين الإخوان والسلفيين، ويا رب كمان نعمل مصالحة مع حماس وحزب الله وكتائب القسام وكل الجماعات الإسلامية الجهادية.
حصاويما هو بعض السياسيين من النخبة العواجيز الكبّارة، بيدعونا نفتح صفحة جديدة مع كل دول.
الجارعظيم.
حصاويبس بشرط واحد.
الجارإيه هو؟
حصاويالنخب العجوزة دي اللي زي البرادعي وحمدين صباحي وعمرو موسى والشلة دي كلها تعتزل العمل بالسياسة نهائيًّا ويريحونا منهم.
الجاريبقى أحسن، (ثم مستدركًا)، الله. أمال مين هيتصالح مع الإخوان وغيرهم؟
حصاويالشباب اللي عمل 30 يونيه. دول اللي يعرفوا يتعاملوا مع كل اللي بيخدعونا وعاملين فيها أنبيا، واللي بيدعوا للمصالحة زي حضرتك!
(الجار يغشى عليه في الحال).