مدحت محيي الدين: الإعلانات في رمضان مادة للتسول والسفه

قال مدحت محيي الدين، رئيس الاتصال السياسي لحملة "مين بيحب مصر"، اليوم: "لما تكون قاعد بتتفرج على التليفزيون على مسلسل إنتاجه ملايين وييجى الفاصل الإعلانى اللى بيتعرض فيه إعلانات كلفت ملايين وفجأة يتعرض لك إعلان من اللى يوجعوا القلب بيطالبوك فيها بالتبرع ويحسسوك إن فيه ناس حياتها متعلقة على تبرعك أنت.. ما تبقاش عارف تضحك ولا تبكى، تضحك على السفه والتبذير اللى بقينا فيه لما في شهر واحد فقط يتعرض لك أكثر من 30 مسلسلا وبرامج مقالب وإعلانات ميزانيتها مليارات الجنيهات، ولا تبكي على حال الناس".
وأضاف خلال صفحته الشخصية على موقع التواصل الاجتماعي "فيس بوك"، قائلا: "دائما نبكى على منظرنا لما التسول والشحاتة أصبحا عينى عينك كده في التليفزيون، ساعتها بس تقدر تقول لنفسك وللى حواليك مرحبًا بكم في بلاد السفه والتسول".