بالفيديو.. البرادعي يستشير إبراهيم عيسى في تغريدة للضغط على "العسكري"

عرض الإعلامي عبد الرحيم على، رئيس مجلس إدارة "البوابة نيوز"، مكالمة بين إبراهيم عيسى ومحمد البرادعي، توضح الأسباب الحقيقية وراء ظهور الأخير في توقيتات محددة للإدلاء بتصريحات معينة ومن يملي عليه تلك التصريحات.
وجاء نص المكالمة كالآتي:
إبراهيم عيسى: ازيك يا دكتور؟
محمد البرادعي: ازيك يا إبراهيم.. ازاي صحتك؟
إبراهيم عيسى: أهلا يا دكتور أهلا بيك يا فندم
محمد البرادعي: الله يخليك.. طلعوا دلوقتي أنهم هيعملوا الاستفتاء على التعديل الخايب بتاع الدستور ده
إبراهيم عيسى: يوم 19 مارس
محمد البرادعي: يوم 19.. فأنا هحط دلوقتي تويته يا إبراهيم للأسف إني هقول نرجو الانتظار لأن ده هيدخلنا في متاهة قانونية وسياسية.. معرفش رأيك إيه؟
إبراهيم عيسى: آه لازم لازم يا دكتور وطبعا أنا رايي طبعا لهجتنا تبقى أرق في التعامل مع المجلس العسكري وأكثر حسما برضو
محمد البرادعي: آه هقول يا عايدة.. بس اكتبي يا عايدة "ندعو المجلس الأعلى للقوات المسلحة لمراجعة هذا الإجراء فورا
إبراهيم عيسى مكملا له "التويته": حيث أجمعت القوى الوطنية على دستور جديد وانتخابات رئاسية أولا ونقدر طبعا ال140 كلمة دول فهنبذل جهد شوية.
محمد البرادعي: اه يمكن أعملها اتنين.. كنت عايز آخد رأيك لأني عايز أحط اتنين تويت لإني متضايق قوي.. أنا كتبت اتنين وعايز رأيك.. واحدة بتقول "انتخابات برلمانية مبكرة قبل الرئاسية.. وفي غياب حرية تكوين الأحزاب سينتج عنه مجلس لا يمثل الشعب تمثيلا حقيقيا.. وبعدين التانية بقول فيها "حتى مع التعديلات الدستورية ستتم الانتخابات البرلمانية في ظل الدستور القديم بكل تشوهاته اللي هو 50% عمال وفلاحين وكل الزبالات دي"، كويسين ولا عايزين تعديلات.
إبراهيم عيسى: كويسين بس أنا عندي ملاحظة.. ليه ننزلهم بالليل ما ننزلهم الصبح.. من 9 ل10 الصبح كده.
محمد البرادعي: أحطهم قبل ما نروح الاجتماعات
إبراهيم عيسى: أيون بالظبط.