بالفيديو.. المعلم للبرادعي: "الشاطر كلمني وهقعد معاه بكرة.. وهنرتب للدستور"

عرض برنامج "الصندوق الأسود" الذي يقدمه الكاتب الصحفي عبدالرحيم علي رئيس تحرير موقع "البوابة نيوز" المذاع عبر فضائية "القاهرة والناس" تسريبًا جديدًا يجمع بين محمد البرادعي نائب رئيس الجمهورية المستقيل، والمهندس إبراهيم المعلم؛ رئيس مجلس إدارة الشروق، التي تنشر كل ما تريد نشره أيادي الطابور الخامس والإخوان عبر صفحاتها.. نص التسريب كالآتي:
المعلم: آلووووووووووو
البرادعي: آه يا إبراهيم
المعلم: إزيك
البرادعي: إزيك انت
المعلم: كنت باعت لك عايز تبقى رئيس مصر لازم تسهر
البرادعي: انت باعت لى ورقة بتاعة التعديلات هى ديه الورقة التعديل دستور 71، دحنا خدنا الحاجات من 71 اللي هى عصرية ومفيش خلافات عليها
المعلم: لييه؟
البرادعي: إن انت بتقول إنك بتعدل دستور 71.. دا لابد عشان تعمل دستور تعمل حاجة جديدة خالص متربطوش ب71
المعلم: طيب ماشى م انا هقولك ايه، أصل هى دي جاية من 3 م احنا عملنا ايه جبنا 23 و54 هى الحاجات ديه
البرادعي: آه كويس.. احنا حقنا، هى غلطانة السكرتيرة اللي حطط العنوان هى ديه جاية من الكل إنما هى ديه حاجة غير اللي احنا بنعملها احنا بنعمل حاجات...
المعلم: لا لا إنت بتعمل حاجة تانية خالص..
البرادعي: آه بعمل حاجة تانية خالص بس ما تجبش سيرة 71 خالص
المعلم: لا لا مش هنجيب معاك حق..
البرادعي: دي هتقتلها واخد بالك..
المعلم: طبعًااا
البرادعي: لا لا سيبها مش 71 بس هي دي "المبدأ" اللي الكل متفق عليها.. وبعدين في حاجات مثلاً ناقصة يعنى مثلاً السلطة القضائية أنا بصيت بسرعة كده..
المعلم: آه فيها 3 خلافات..
البرادعي: السلطة القضائية مثلاً رئيس الجمهورية هو رئيس السلطة القضائية دي طبعًا أهه نعم..
المعلم: آه طبعًا ماتنفعش..
البرادعي: متنفعش إن مثلاً في الدستور الفرنساوى إذا كنت بتاخد عليه له في تعيينات وتغطيات القضاة هو غير داخل فيها يعنى في حاجات زيادة ما تستعجلش يا إبراهيم أنا بقولك مش عشان حاجة..
المعلم: لا لا مش هستعجل..
البرادعي: بس أنا عايز إيه، عايز نعمل مبادئ أساسية متفق عليها ونؤثر المودة ونخفف الخناقة اللي ملهاش لازمة
المعلم: آه
البرادعي: لا.. دي هتهيج الإخوان والإخوان هتقولك إنت بتكتب لي دستور إنت فاهم؟
المعلم: آه بس هو خيرت الشاطر لمَّا جه، آه قعد معايا قولت له هناخد النقط الدستورية اللي غير متفق عليها ونقول ده إيه رأيك؟ قالى آه فهو حتى هيجيلى يا بكرة يا بعده ونشوفها مع بعض إيه رأيك؟
البرادعي: طيب وريهالو الأول لأن أنا معتقدش إنه هيوافق عليها لأنه أولاً يعنى أنا بقولك ملاحظاتى الأولانية
المعلم: لا طبعًا 71 لازم نشلها طبعًا نهائى
البرادعي: وبعدين "نمبر 2" السلطة القضائية إذا كنت انت واخد دستور رئاسى يعنى أو زى فرنساوى ماشى هو ده مش كده ده ده خليك من الرئاسة لابد إن في تعيين وترقيات القضاة هتلاقى في الدستور الفرنساوى إن رئيس الجمهورية ولو إنه رئيس المجلس القضائى إنما ملوش يعنى ب ب بيعزل نفسه ملوش سلطة خالص بتعيين وترقيات عشان يبقى السلطة القضائية مستقلة ثالثًا: آه إعرضها على الإخوان لأنه مش عايز اطلع دي والإخوان يقولك انت بتلف حولين الدستور تانى
المعلم: لا لا إحنا هنعرضها على الإخوان وهيجوا معانا الاجتماع
البرادعي: آه يعنى اعرضها عليه ويقولك لأن دي تقريبًا دي الدستور اللى احنا بنعمله احنا حاجة بسيطة خالص
المعلم: لا أنا عارف إنكم بتعملوا حاجة تانى حقوق أساسية خالص
البرادعي: مختلفة مختلفة
المعلم: طيب لو جبنا الإخوان وقالوا موافقين هنقعد مع بعض بقى
البرادعي: آه طبعًا
المعلم: أصل أنا عامل دي إيه "مسودة للمناقشة" بدل ما يبقى مفيش حاجة قدمنا آدي مسودة آهي بس أنا هعمل التعديلات اللي إنت قلتها دي بكرة.