مرشح ل "الناخبين ": صوّتلي وخد شمه

وقف مسعد أبو السعد المرشح المحتمل للبرلمان الجاي ينفخ علي باب اللجنة العليا للانتخابات، ويكلم نفسه : مش طالبة جنان يا لجنة .. كده يا لجنة .. برضه .. وليه .. وازاي .. وأخرتك .. والله لو متعادلتي لا شوف شغلي .. هما برزتين تلاتة من الورقة أم ميه لعيلين من الاخوان الملاعين بتوع البومب وها فجّر المكان من فوقه لتحته .. هو احنا شوية عيال .. مرة تقول كشف طبي ومرة لأ وأخرتها تلحسي كلامك .. طب وتراب الغالية مصر لكاشف ميت كشف وكشف وبدل ما أوزع زيت وسكر ع الغلابة ف الدايرة هوزع علي كل واحد صورة مزيلة بالاتي : " صاحب هذا الكشف الطبي خالي من الفيرسات المعدية .. ضرّيب هيروين وسرنجاتي قديم .. انتخبني وخد حقنه .. صوتلي وخد شمه " .