اخبار مصر : نشطاء الفيس بوك بعد زواج نجل ممدوح شاهين : خروج آمن وكله مترتب.. والإخوان والعسكر طلعوا نسايب.. ومصر دايمًا نسيج واحد

تباينت ردود أفعال النشطاء السياسيين على موقع التواصل الاجتماعي "الفيس بوك" حول عقد قران نجل اللواء ممدوح شاهين على نجلة ابن عم الكتاتني أمس ما بين مهنئين ومنتقدين.
حيث جاءت التعليقات كالآتي:
"دة إحنا كنا فهمين العسكر والإخوان غلط دول طلعوا ناسيب والشعب هو اللى دخل غلط فى موضوع نقل السلطة..باسم الشعب أنا آسف يا عسكر أنا آسف يا إخوان".
"أعداء سياسيًا أحباب اجتماعيًا، خروج آمن آمن"
"ربنا يؤلف بين قلوب المصريين جميعًا ويجمعهم على الخير وينجيهم من كيد الحاقدين والحاسدين".
"مبروك.. اتلم المتعوس على خايب الرجا".
"سمن على عسل أهم مع بعض!!! نفسي أعرف الكواليس".
"يا جدعان مفيش صفقات ولا بتاع الموضوع كله إن النظام القديم والجديد بقي نظام تديني مصلحة أديك مصلحة تديني قلادة أديك مروحة".
"فلول وشيوخ وعسكر وإخوان وجماعات إسلامية، دا إحنا بيتلعب علينا أحلى لعب يابلد بنهري في نفسنا وعمالين نحرق في بعضهم كلهم آخر حلاوة مع بعض والتورتة متقسمة".
"ده دليل على صفقة الخروج الآمن وإن كله مترتب".
"مفيش حد بيناسب حد خصم ليه ولا حد مقال أو مستبعد وفى مشاكل بيروح يحضر أفراح".
"هى كده مصر دائمًا نسيج واحد لأننا شعب واحد".