اخبار قضية احمد عز و زينة:بالمستندات صفعة قاتلة من ابنة حسن رمزي لأحمد عز و تحرجه بشده بسبب زينة

اخبار قضية احمد عز و زينة لم يتوقع أحد شجاعة وثقة شهد ابنة المنتج والموزع محمد حسن رمزي عندما قررت إرسال رسالة خاصة منها لأحمد عز بعد الحلقة التي ظهر فيها مع الإعلامي عمرو الليثي .. وهذه الرسالة كانت عبر صفحتها علي الفيس بوك وبسببها دخل الكثيرون ليتجادلوا معها في رأيها الذي اعتبره البعض شجاعة منها بينما اعتبره آخرون رأي خاطئ لاعتباراتهم الخاصة وكان كلام شهد كالآتي: أنا مصدومة ف أحمد عز بزيادة .. انا كنت هاحترمه جدا اذا كان من البداية اخد الخطوات السليمة.. أولا مايطلعش في برامج وثانيا يعترف بأولاده من غير شوشرة وثالثا مايهينش ام عيالو علشان هو أكتر واحد متأكد انها أم عياله وكان عمل ال dna من بدري ..دي حاجة لربنا ولعياله مهما كان مش طايقها او مش طايق عياله..ده هايندم ندم السنين ! أحمد عز فقد الاحترام من ناس كتير والمعجبين طبعا .. حسبها غلط خلاص.. احنا بشر ودايما بنتعاطف مع الضعيف مش الكذاب المستقوي وكمان مش علي حق .. وعلي الله كمان يخلي المحامي يشتم فيها ده كدا وبكده هيخسر اكتر مما هو خسران. أما الأغرب فكان من المنتج وائل عبد الله وهو أكثر المقربين لأحمد عز باعتباره منتج معظم أعماله فقد دخل هو أيضا رغم مشاغله الكثيرة ليرد علي شهد رمزي قائلا بكل ثقة : ويعمل تحليل ليه يا شهد وهو ملمسهاش. وكان رد شهد أكثر جرأة عليه وقالت له : يا اونكل الموضوع واضح اوي .. مفيش ست بترفع قضية وتقول علي راجل انه أبو عيالها إلا لو هي متأكدة ميه في المية من ده .. بالإضافة انها ليه هتبقي عاوزة تلبسه لما اسهل حاجة يعمل دي ان ايه لو هو عنده شك.. للاسف يا اونكل هو متأكد ميه في الميه انه لمسها وانهم عياله .. انا عارفه ان هو بيعتبر حضرتك اخوه الكبير بس حضرتك راجل محترم لان مستحيل يعترفلك بالحقيقة وتسيبه كده فلازم يكذب علي حضرتك.! وهنا دخلت شذا عبد الرحيم وهي لمن لا يعرفها هي خطيبة مصطفي عز أخو أحمد عز وهي تعمل كموديل في المعارض والمؤتمرات .. دخلت بحرقة لتعلق علي كلام شهد رمزي قائلة: في الاول هو معملش شوشرة وهيا اللي بدأت كل ده وكان من حقه يرد ولو لمرة علي كل ده.. وبعدين اللي عنده حق ومتأكد منه يروح للقضاء ولا يروح للإعلام وثالثا لو هيا متأكده ميه في الميه من موقفها .. وانهت كلامها بان امير مرتضي منصور عاوزك في الانبوكس!! وانهت شهد هذا الحوار بكلمتين قالت فيهم : في اولاد هايتظلموا في كل القرف ده ،، وانا معنديش حاجة ضد أحمد عز بس لو كان اخويا كنت قلت نفس الكلام عليه لو عمل نفس اللي عمله . انتهت المناقشة لكن كل من شارك فيها قرأ مابين سطورها من حقيقة وشجاعة فمن من قال أن حسن رمزي عرف يربي ومنهم من استغرب من كلام فتاة لاعلاقة لها بالأمر سوى أن ضميرها لم يهدأ قبل أن تقول ما يريحه ومنهم كذلك من اعتبرها لاتكلك الحق في الحكم علي الأمور بهذا الشكل. في النهاية .. شهد أصبحت الشاهدة الأولي علي براءة زينة وتورط عز في الفيس بوك.