احمد عز : ابنة حسن رمزي تؤكد علاقة عز بزينة وأنه فقد احترام الكثيرين

احمد عز فاجأت "شهد" ابنة المنتج والموزع محمد حسن رمزي الجميع عندما قررت إرسال رسالة خاصة لأحمد عز عبر صفحتها على الفيس بوك والتي كان نصها: "أنا مصدومة في أحمد عز بزيادة .. انا كنت هاحترمه جدا اذا كان من البداية اخد الخطوات السليمة.. أولا ما يطلعش في برامج وثانيا يعترف بأولاده من غير شوشرة وثالثا ما يهينش ام عياله علشان هو أكتر واحد متأكد انها أم عياله وكان عمل ال DNA من بدري ..دي حاجة لربنا ولعياله مهما كان مش طايقها او مش طايق عياله..ده هايندم ندم السنين! أحمد عز فقد الاحترام من ناس كتير والمعجبين طبعا .. حسبها غلط خلاص.. احنا بشر ودايما بنتعاطف مع الضعيف مش الكذاب المستقوي وكمان مش علي حق .. وعلي الله كمان يخلي المحامي يشتم فيها ده كدا وبكده هيخسر اكتر مما هو خسران. أما الأغرب فكان من المنتج وائل عبد الله وهو أكثر المقربين لأحمد عز باعتباره منتج معظم أعماله فقد دخل هو أيضا رغم مشاغله الكثيرة ليرد علي شهد رمزي قائلا بكل ثقة: "ويعمل تحليل ليه يا شهد وهو ملمسهاش". وكان رد شهد أكثر جرأة عليه وقالت له: "يا اونكل الموضوع واضح اوي .. مفيش ست بترفع قضية وتقول على راجل انه أبو عيالها إلا لو هي متأكدة مية في المية من ده .. بالإضافة انها ليه هتبقي عاوزة تلبسه لما اسهل حاجة يعمل دي ان ايه لو هو عنده شك.. للاسف يا اونكل هو متأكد مية في المية انه لمسها وانهم عياله .. انا عارفه ان هو بيعتبر حضرتك اخوه الكبير بس حضرتك راجل محترم لان مستحيل يعترفلك بالحقيقة وتسيبه كده فلازم يكذب علي حضرتك.! وانهت شهد هذا الحوار بقولها:"في اولاد هايتظلموا في كل القرف ده، وانا معنديش حاجة ضد أحمد عز بس لو كان اخويا كنت قلت نفس الكلام عليه لو عمل نفس اللي عمله".