نجلة المنتج "محمد حسن رمزي" تُفجر مفاجأة كبيرة في قضية "عز وزينة"

فجرت "شهد محمد حسن"، نجلة المنتج الكبير "محمد حسن رمزي"، مفاجأة كبيرة في قضية الفنان " أحمد عز " والفنانة "زينة"، وذلك بعد الحرب الكلامية التي نشبت عبر صفحة زينة الشخصية على الفيس بوك بينها وبين منتج أفلام أحمد عز، وخطيبة شقيقه. بدأت "حرب الكبار" حين كتبت "شهد" عبر صفحتها على الفيس بوك رسالة ل"عز" فور إنتهاء حلقته مع الإعلامي عمرو الليثي في برنامج بوضوح، قالت فيها : "أنا مصدومة ف أحمد عز بزيادة .. انا كنت هاحترمه جداً اذا كان من البداية اخد الخطوات السليمة .. أولا مايطلعش في برامج .. وثانيا يعترف بأولاده من غير شوشرة .. وثالثا مايهينش أم عياله علشان هو أكتر واحد متأكد انها أم عياله وكان عمل ال dna من بدري ..دي حاجة لربنا ولعياله مهما كان مش طايقها او مش طايق عياله.. ده هايندم ندم السنين !".
وأضافت : "أحمد عز فقد الإحترام من ناس كتير والمعجبين طبعا .. حسبها غلط خالص .. إحنا بشر ودايما بنتعاطف مع الضعيف مش الكذاب المستقوي وكمان مش علي حق .. وعلي الله كمان يخلي المحامي يشتم فيها ده كدا وبكده هيخسر اكتر مما هو خسران. وقال " وائل عبدالله " منتج أفلام أحمد عز، وأكثر المقربين له: "ويعمل تحليل ليه يا شهد وهو ما لمسهاش".
وردت نجلة المنتج الكبير برد جريئ إلى حد كبير ، حيث قالت له : "يا اونكل الموضوع واضح اوي .. مفيش ست بترفع قضية وتقول علي راجل انه أبو عيالها إلا لو هي متأكدة ميه في المية من ده .. بالإضافة انها ليه هتبقي عاوزة تلبسه لما اسهل حاجة يعمل دي ان ايه لو هو عنده شك .. للاسف يا اونكل هو متأكد مية في المية أنه لمسها وانهم عياله .. انا عارفه ان هو بيعتبر حضرتك اخوه الكبير بس حضرتك راجل محترم لان مستحيل يعترفلك بالحقيقة وتسيبه كده فلازم يكذب علي حضرتك". في هذه اللحظة لم تستطع خطيبة مصطفى عز شقيق الفنان أحمد عز ، شذا عبد الرحيم والتي تعمل كموديل في المعارض والمؤتمرات الصمت أكثر من ذلك ، حيث علقت على كلام نجلة المنتج بعصبية شديدة قائلة: "في الاول هو معملش شوشرة وهيا اللي بدأت كل ده وكان من حقه يرد ولو لمرة علي كل ده .. وبعدين اللي عنده حق ومتأكد منه يروح للقضاء ولا يروح للإعلام وثالثا لو هيا متأكده ميه في الميه من موقفها"، وأنهت حديثها بأن أمير منصور نجل المحامي مرتضي منصور الذي يتولى الدفاع عن "عز" في هذه القضية ، يريد أن يتحدث معها عبر المحادثة الخاصة في أمر هام. وإنتهت "حرب الكبار" على الفيس بوك بكلمتين على لسان الجريئة شهد ، قائلة : في أولاد هايتظلموا في كل القرف ده .. وانا معنديش حاجة ضد أحمد عز .. بس لو كان أخويا كنت قلت نفس الكلام .