اخبار باسم يوسف : مفاجأة.. مرتضى منصور وراء منع حلقة باسم يوسف من العرض

باسم يوسف البرنامج مرتضى منصور أكد المحامي مرتضى منصور أنه كان وراء منع برنامج باسم يوسف "البرنامج" من العرض في قناة "سي بي سي"، على الرغم من تدخل رئيس الوزراء حازم الببلاوي لإعادة البرنامج.
وقال مرتضى: "باسم يوسف عيل مهرج، فاكرين لما تكلم عني واديتله مع موسى درس لمدة 3 ساعات ومفتحش بقه، انا عايز اعرف ام بي سي مصر دي تبع مين، هو كل واحد يفتح قناة لمصر مين ادى "روتانا" و"ام بي سي" انها تكون مصرية، واحد زي تامر امين بسكسوكته ده بيسكر كل يوم في بلو نايل والكلام ده على مسؤليتي".
وأضاف: "باسم بيقول كلام عبيط.. انت بتيجي من امريكا بريموت كنترول انت اراجوز امريكا، ازاي راجع تكمل تاني، وانا بقول ان باسم حيقفل "ام بي سي مصر"، انا لغيتله التعاقد مع "سي بي سي" مش الجيش بالعكس الببلاوي حاول يلغي قرار وزارة الاستثمار بمنعك".
وتابع: "شعب مصر مش حيسمح لك تاني بحلقة فيها قلة ادب، انت رجعت لما عرفت ان السيسي حيترشح للرئاسة، اقسم بالله مش حتنام في بيتك لو تطاولت عليه".
واكد مرتضى انه سيظهر مع الاعلامي عمرو الليثي في برنامج "بوضوح" على قناة "الحياة" ليرد على ما قاله باسم يوسف في مقالته الاخيرة على جريدة "الشروق" وعلى ما قاله في نفس البرنامج الاسبوع الماضي.