خاص | عباس يفتح النار على مرتضى منصور ويدعم سليمان ب 2 مليون جنيه

كشف ممدوح عباس رئيس نادي الزماكل الأسبق كواليس حضوره لمؤتمر أحمد سليمان لتقديم قائمته الانتخابية.
وقال عباس : أحمد سليمان كلمني مرتين وقالي انت سيبني لوحدي لكن أنا مش سايبه لوحده وكل يوم في ساحات المحاكم
ميرضيش حد أن الزمالك بقا مسخرة.
وأضاف: يتقال لمسئول كبير أنت عبيط ولا ايه..عيب الزمالك ينسحب 13 مرة ولم ينفذ أي قرار انسحاب.
وتسأل: هل يرضي أحد أن الزمالك يخسر كل العلاقات مع المؤيدين .. هل يرضي أحد أن مسئوليه يتهرب منه الناس..وكل الفخر 3 حمامات سباحة وسيراميك.
وتابع: الصالة المغطاة اللي عاملها بفلوسي يقال انهم هما اللي عاملينها..لازم الزمالك يخرج مما فيه.
وطالب عباس قائمة سليمان بالجدية قائلا: القائمة لازم تستدعي أكبر عدد من الجمعية العمومية..لازم الاعضاء ميخفوش من حاجة ويروحوا يدلوا بأصواتهم.
وأكد: لن يسمح لقائمة سليمان باقامة مؤتمر في الزمالك...مش من حقي اروح النادي لاني مشطوب وحتى إذا كنت غير مشطوب مش عاوز اروح عشان مشفش،180 صورة لنفس الشخص.
وأوضح: لا يليق برئيس الزمالك أن يشتم ليل نهار وبطريقة فجة وعداء لا أفهم سببه..لن أرفع حجز على الزمالك حاليا لكن بعد كده عندي إستعداد أتنازل
وأتم: بأكد أن الزمالك غني بثروة بشرية كبيرة..خايف الزمالك يروح في سكة الترسانة ويروح وميرجعهش .. وسأدعم الحملة الانتخابية لسليمان ب 2 مليون جنيه.