مرتضى منصور يكشف مفاجأة سارة لجماهير الزمالك عن الصفقات وتفاصيل عقد زيزو ويؤكد زوجة الخطيب وراء التراجع عن تقديم الزمالك واجب العزاء

مرتضى منصور يكشف مفاجأة سارة لجماهير الزمالك عن الصفقات وتفاصيل عقد زيزو ويكشف زوجة الخطيب وراء التراجع عن تقديم الزمالك واجب العزاء

محمود هنداوي
وجه المستشار مرتضى منصور ، رئيس نادي الزمالك ، رسالة إطمئنان لجمهور الزمالك عن عدم رجوع عمر كمال قائلا.... مش عاوز اقول جيبنا لاعب أحسن من عمر كمال، لأنه لاعب كبير، لكن بالفعل أحنا جبنا لاعب احسن من عمر كمال، أنا
مضيفا مضحيش ب مروان حمدي اللى كان معروض علينا فيه 18 مليون أول كلمه ولا نيمار ولا محمود علاء.
وطلب مرتضى منصور ، من جماهير الزمالك متظلموش عمر كمال اللاعب سافر غصب عنه، والأخ وليد دعبس العضو المنتدب لنادي فيوتشر اللي شوبير كان شغال معه في مودرن سبورت وحاليا بيسمع كلام شوبير، كنا عاملين جلسة لحسم الصفقة علي ماهر قال عاوز عمر كمال ، أديني مروان حمدي ومحمود علاء ونيمار .
وأكد مرتضى منصور ، ان عمر كمال كان رافض السفر ومخطوف وعلي ماهر بيتنطط ويقولي اديني علاء ونيمار ومروان، ويسألوه عاوز مين تاني ، وبقول ل وليد دعبس هناخد عمر كمال.
بقول ل وليد عبس انت بتتمنظر على ايه ده لاعب بتاعنا، احنا معانا عقد مع عمر كمال، الجمهور فاهم غلط إن السنة الأولى عمر يفسخ العقد مع فيوتشر مقابل دفع 200 ألف جنية وهذا الكلام غير صحيح.
اللجنة السابقة في الزمالك كانت عاملة كلمة شرف كلمة شرف مع عيال، ده لاعب بتاعك واخد فلوسه واللجنة ضحكت على الجمهور وقالت فيه عقد مع اللاعب.
فيوتشر فعل عقد جنش وفي اتفاق معهم بعدم التفعيل إلا بعد التنسيق، وأحمد دياب قالي اتعرض على حسين لبيب ياخدوا 4 مليون ونص في جنش قالهم لا ادينا مليون دلوقتي ومتبقي 2 ونصف مليون جنيه كشرط جزائي
إحنا معانا عقد عمر كمال وتم توثيقه في اتحاد الكرة، واحنا والنادي السياسي – فيوتشر- هنروح الفيفا، عرضنا عليهم عدد من الناشئين يقولك لا عايزين سيد نيمار، وبقول ل على ماهر انت ولاحاجه انت خدام لنادي انت كنت شغال فيه.
بشكر أحمد دياب ومحمد حلاوة – أعضاء إدارة نادي فيوتشر- لأنهم مكنش عجبهم كلام وليد دعبس ويقولهم ده لاعبهم، وبقول للجمهور محدش يغلط في عمر، هو كان مصمم يجي وهيجي إن شاء الله.

مرتضى منصور في تصريحات جديدة عن الصفقات وعزاء شقيقة الخطيب و وتفاصيل عقد زيزو :

أستكمل رئيس الزمالك ، حديثه عن زيزو واوضح ان الشرط الجزائي له كان على الموسم الماضي فقط بمبلغ 2.5 مليون دولار، ولكن من أول الموسم القادم الشرط الجزائي 25 مليون جنيه فقطكان هناك عرضًا آخر من فريق نانت الفرنسي بمبلغ 150 مليون جنية وهذا أكبر من عرض الريان، ولكن زيزو اختار الزمالك..
وبالنسبة للصفقات الجديدة اكد ان المدير الفني طلب 9 لاعبين واقتربنا من أغلب الصفقات التي طلبها المدرب وسنعلن ذلك قريبًا، بطمن جمهور الزمالك وبقولهم سيبونا نشتغل، احسن الصفقات في تاريخ الزمالك سيتم التعاقد معها، المدير الفني طلب9 لاعبين وسنعلن قريبا عنهم
كما كشف الستار عن جلسة لأمير مرتضي وانه كان قاعد مع 4 لاعبين من احسن اللعيبه في مصر وبالمنتخب، وخلصنا 4 أو5 لاعبين اخرين، وسيتم التعاقد مع حراس مرمى احسن من جنش وابوجبل 100 مرة، ولاعب افضل من عمر كمال، الصفقات كلها لاعبين في المنتخب، وباختيار فيريرا هو اللي طلبها.
و بالحديث عن عزاء شقيقة محمود الخطيب.. قال مرتضى منصور : ارجو من جمهور الزمالك المحترم ، قصة عزاء شقيقة الاستاذ محمود الخطيب ، اقفلوا القصه اقفلوها، المجلس كله كان رايح العزا ، ولما السيده المحترمه زوجة الخطيب كتبت لانقبل الا من الاتقياء الانقياء العزاء فمروحناش ، وكان ممكن ارد، انا عاوز اعزي وحضرتك رافض ، متزعليش احنا حذفنا التعزية ومروحناش ، انت رافض الواجب خلاص.