جماهير الزمالك تهاجم اللاعبين بسبب صورة في المران

هاجمت بعض جماهير الزمالك عبر مواقع التواصل الاجتماعي لاعبي الفريق الأول لكرة القدم بسبب صورة في مران الفريق اليوم.
وخاض الزمالك تدريباته اليوم في غياب اللاعبين الدوليين وذلك استعدادا لمواجهة مولودية الجزائر في الجولة الخامسة من دور المجموعات من دوري أبطال إفريقيا هذا الموسم.
وحرص لاعبو الزمالك على رأسهم محمود عبد الرازق شيكابالا على التقاط صورة خاصة يستعرضون فيها عضلاتهم الأمر الذي اغضب جمهور الزمالك الذي يرى أن الصورة لا تناسب نتائج الفريق الحالية.
ويحتل الزمالك المركز الثالث في جدول ترتيب مجموعته في دوري أبطال إفريقيا هذا الموسم برصيد نقطتين فقط من 4 مباريات.
تعليقات الجماهير جاءت على النحو الآتي:
- صدق أو لا تصدق
دي صورة للعيبة مكسبوش ماتش من 4 ماتشات في دوري الابطال !
- ربنا يحرق دمهم زي ما هما حارقين دمنا كدة
- كرة القدم مش فنيات وإمكانيات بس ريال مدريد كان عنده أقوي جيل في تاريخه ومحققش بطولات اسي ميلان كان عندها جيل قوي بس برضو معملوش حاجه ونفس الحكايه مانشستر في وقت من الأوقات كان عندها جيل عظيم وقوي ولكن العبره بالنهايه ؛فا الكوره لو معاك امكانيات وانت مش حاسس بيها ومش بتجتهد وتقاتل في الملعب مش هتحقق أي حاجه قدام فريق ممكن يكون اقل إمكانيات منك لكن هو فريق مقاتل في الملعب مش اكتر .. الزمالك كان أقل إمكانيات في 2015 عن الأهلي بس الزمالك خد الدوري بسبب كان عنده لاعيبه مقاتله ورجاله وده مش تقليل من لاعبي الأهلي وقتها لكن وقتها الأهلي كان بطل الكونفدراليه والزمالك كان لسه بيكون فريق جديد وامثله كتير فا مش شرط أن الإمكانيات دائما تتفوق في كل الأحوال ؛ كرة القدم قوانينها مخادعه ومش دائما قوانينها ثابته وعندك الريال واسي ميلان ومانشستر كان عندهم أقوي جيل في تاريخهم ومحققوش حاجه وقتها ... زي دلوقتي يمكن الزمالك أقوي فنيآ وكامكانيات لاعيبه أفضل من الأهلي ولكن مش دايما الكواليتي الأفضل يتفوق لان الكره عايز تنزل تكسب في الملعب اكسب بره الملعب الأول بانتظامك وحفاظك علي نفسك وتحترم شغلك وجمهورك وتجتهد وتقرب من ربنا وتنزل الملعب تاكل النجيله وتقاتل عشان تكسب لان طبيعي اللي بيحترم شغله بره الملعب هيأدي شغله جوه الملعب علي أكمل وجه ومش هيكون عايز يخسر لانه بيتعب وبيجتهد وربنا هيكرمه رغم أن إمكانياته أقل من الخصم اللي قدامه لكن هو تعب واجتهد أكتر من أبو إمكانيات أقوي