عمرو أديب شايفين المزة دي ورحمة أمي هرفع عليها قضية بتقول إني باخد رشوة وابنى خرج من الحجر الصحي

مهاب ممدوح واعداد احمد عادل الشريف

هاجم الإعلامي عمرو أديب مذيعة قناة الجزيرة بعدما اتهمته بالحصول على رشوة من وزارة الصحة المصرية.
وتوعد أديب المذيعة بأنه لن يتركها وسوف يرفع عليها قضية من أجل استرداد حقه.
وقال أديب في برنامجه المذاع على قناة إم بي سي مصر: "الأمورة والمرة بتاعة قناة الجزيرة بتقول إني باخد رشوة من وزارة الصحة المصرية.. هو مفيش غير وزارة الصحة المصرية عشان أحصل منها على رشوة".
وأضاف: "لو مكنتش أدافع عن وزارة الصحة المصرية أدافع عن مين وزارة الصحة القطرية أنا بطلب من الناس تبقى حنينة على بلدها مصر أنا راجل بحب بلدي".

عمرو اديب ابنى كان فى الحجر الصحي واتبرعت بربع مليون جنيه
كشف الإعلامى عمرو أديب، إنه تبرع بمبلغ 250 ألف جنيه لصندوق تحيا مصر، قائلاً: "ابنى كان من العالقين في لندن من أول وفدين جم، الوفد التانى اللى كان فيه ابنى في لندن، وعمرو أديب لم يقرر أن يخرج نجله من الحجر، وابنى دخل الأوتيل ودخل الحجر وقعد 14 يوم كاملين، وكان من العالقين اللى جم في الأول، ونزلوا في أوتيل المطار".
واختتم حديثه قائلا:" هاخد رشوة ايه من وزارة الصحة هيدوني أدوية مثلا بقولك ورحمة أمي هرفع عليكي قضية وخلي اللي مشغلك يسندك بقى ومش هقول أكتر من كدة.. عشان واضح ان انتوا خدتوا على قفا امكوا".