باسم يوسف يعلق على شائعات تقاضي 22 مليون دولار

قال باسم يوسف، إنه بمجرد ظهوره في أي برنامج أو لقاء، تظهر الشائعات متعلقة بالقيمة المادية التي يحصل عليها مقابل الظهور.
وأضاف خلال لقائه مع الإعلامي أحمد سالم في أول ظهور له ببرنامج «كلمة أخيرة» الذي يذاع على قناة «ON»، ساخراً: «طبعا الشائعات دي بتهدد جوازي، لأن مراتي طبعا، تطلع أخبار عن مالغ عملاقة، إما باخدها عشان أقدم برنامج، أو باخدها تمن سكوتي، لأن أنت عارف أنا عميل وكدة، وجهات خارجية بتمولني وجهات داخلية بتدفعلي من جوة».
وأوضح: «طبعا مراتك لما تشوف الكلام ده، هتشك فيك، أنت طالع واكل ونازل واكل، وCIA على مخابرات على حكومات، انت بتودي الفلوس فين، انت متجوز عليا، انت فاتح بيت تاني».
اقرأ أيضا.. باسم يوسف: «إشاعات إني باخد فلوس كتير بتهدد زواجي»
وعلق باسم يوسف، على الشائعات التي تم تداولها بشأن المقابل المادي الذي يحصل عليه، مقابل الظهور بالبرامج، قال ساخرا: «أنا مش باخد 22 مليون جنيه، أنا باخد 22 مليون دولار، وبالنسبة للناس القائمة على الإعلامي في العالم الغربي، ده أجري، وده سعري، وعلى استعداد للظهور في أفلام، أعياد ميلاد، زفاف، طهور، واللي انتوا عاوزينه».
وأضاف: «أنا نفسي مش عارف التوقعات دي قائمة على إيه، الضجة وإثارة الجدل دي ليه، أنا شايف إني واحد مستحقش كل ده».