مصطفى كامل يطرح أحدث أغانيه «قولولي مبروك»|فيديو

طرح الفنان مصطفى كامل أحدث أغانيه «قولولي مبروك»،اليوم الأربعاء الموافق 14 من مايو الجاري، عبر قناته الرسمية على اليوتيوب، وجميع المنصات الموسيقية.
وتقول كلمات أغنية «قولولي مبروك»:
محدش يجى يعزينى
ولا حد يفكر يواسينى
ولا حد يقوللى متزعلش
خاين خرجته من حياتى
قفلت وصفيت حساباتى
عملت اللى انا من كام سنه كان لازم اعمله بس متعملش
قولولى مبروك .. عملت الصح انا وسيبته
قولولى مبروك .. ومش هاتهزنى غيبته
قولولى مبروك .. ح . أعالج قلبى من طيبته
عشان طيبة قلبى كتير كانت سبب خيبت
قولولى مبروك انى فوقت وروقت من خاين الامانه
اللى ياما ظلمنا و اللى ياما جرحنا واذانا
احنا كنا ملوك .. وكان مملوك
بيحلم يتصور معانا
والله ولا ندمان .. ولا زعلان
يلا خلصت وكفيانا
قولولى مبروك .. فارقته واشتريت نفسى
قولولى مبروك .. عرفت خلاص قيمة نفسى
قولولى مبروك .. انا اتحررت من يأسى
ح . أدوقه الجرح والقساوه مره من نفسى
فيلم "نور الريس"
في سياق أخر يخوض الفنان مصطفى كامل، تجربة سينمائية جديدة خلال الفترة المقبلة، فيلم "نور الريس"، بطولة كلاً من عمرو عبد الجليل، ولطفي لبيب، وأحمد صيام، رانيا التومي، ومحمد سليمان، ومحمد فاروق شيبة.
ويعد فيلم "نور الريس"، بمثابة عودة للنجم مصطفى كامل للسينما بعد غياب طويل منذ تقديم فيلم "قشطة يابا"، وتدور أحداث الفيلم في إطار اجتماعي حول العديد من المشاكل الاجتماعي التي أثيرت خلال الفترة الأخيرة ومنها أزمة الدولار وأغاني المهرجانات السلبية التي كان لها رد فعل سلبي على العديد من الشباب.