بعد حفل زفافها.. رسالة أحمد زاهر لابنته ليلى

شارك الفنان أحمد زاهر مع جمهوره ومتابعيه، بمنشور لأحدث ظهور له بعد حفل زفاف ابنته ليلى من المطرب هشام جمال، عبر صفحته الرسمية على موقع التواصل الاجتماعي «إنستجرام».
ونشر أحمد زاهر فيديو رقصته مع ليلى في حفل زفافها، وعلق قائلاً: "وانا داخل ارقص معاكي شفت وشك اللي زي القمر .. اجمل عروسة في الدنيا كلها" مضيفًا: "بصيت في عنيكي وفجأة مر قدامي شريط ذكريات من اول لما جيتي على الدنيا وانا اول واحد شيلتك بين ايديا".
وتابع قائلاً: "شفت كل لحظة وانتي بتكبري قدام عنيا لحد اللحظة اللي احنا بنرقص فيها مع بعض وانتي عروسة زي القمر وخلاص هتسبيني وتمشي مع عريسك" مستكملاً ومعبرًا عن مشاعره قائلاً: "حسيت بمشاعر كتير متناقضة ومختلفة والدموع نزلت من عيني غصب عني وحسين اني عاوز اقولك لا متمشيش وتسبيني وارجع في كلامي".
وأضاف قائلاً: "بس في نفس الوقت أنا عارف ان دي اجمل لحظة في حياتك انك اختارتي اللي بتحبيه وبيحبك وبصراحة اختارتي صح".
واختتم حديثه قائلاً: "راجل ومحترم وبيحبك وبيقدرك وهايشيلك جوه عنيه زي ما وعدني.. مبروك يا بنت عمري يا بنت قلبي .. بحبك يا اجمل بنوتة واجمل عروسة في الدنيا كلها.. بحبك يا ليلى".
View this post on Instagram
A post shared by Ahmed Zaher (@ahmedzaherofficial1)
وكان حفل زفاف ليلى أحمد زاهر وهشام جمال حضره عدد كبير من النجوم على رأسهم يسرا، ليلى علوى، مصطفى شعبان، أحمد السعدني، ريهام عبد الغفور، دياب، داليا البحيري، عبير صبري، كريم العدل، إيهاب فهمي، محمود عبد المغني، محمد ثروت، عصام السقا، سوزان نجم الدين، عمر السعيد، إدوارد، وعماد صفوت، أمير شاهين، تامر مرضى، عمرو الليثي، إيهاب توفيق.
كما حضر الحفل أيضاً محمد حماقي، محمد فؤاد، أحمد سعد، بوسى، يوسف الشريف، شيري عادل، درة، أشرف عبد الباقي، وفاء عامر، أحمد رزق، هاني رمزي، أحمد فهمي، شيكو، حسين فهمي، نبيلة عبيد، هالة سرحان، طارق الجناينبي، مها سليم، أحمد جمال، إنجى علاء، عمرو الليثي، لقاء سويدان، روجينا، دنيا عبد العزيز، محمد جمعة، رنا رئيس، مي عمر، وعدد كبير من الفنانين.