ملك زاهر توجه رسالة مؤثرة لشقيقتها بعد زواجها: "وحشتيني أوي من دلوقتي" | فيديو

شاركت الفنانة ملك أحمد زاهر مع جمهورها ومتابعيها، بمنشور لأحدث ظهور لها بعد حفل زفاف اختها ليلى من المطرب هشام جمال، عبر صفحتها الرسمية على موقع التواصل الاجتماعي «إنستجرام».
ونشرت ملك أحمد زاهر فيديو يجمعها بشقيقتها ليلى أحمد زاهر مستعرضة فيه فيديوهات لهما منذ طفولتهما حتى حفل زفافها الأخير.
وعلقت ملك أحمد زاهر على الفيديو كاتبة: "ومحدش فيهم عاش اللي أنا وانتي عشناه، من أول ضحكة وإحنا أطفال لحد لحظة كتب كتابك.. كل لحظة في الفيديو ده هو عمر كامل بينا، هو حب، وآمان، وضحك، ومشاركة، علاقتي أنا وانتي مش شبه أي حد، مش مصدقة إن الوقت جري كده، كنّا لسه صغيرين، وبنتخانق على اللبس، وبنستخبى من ماما، وفجأة... لقيتك لابسة فستانك الأبيض، أحلى عروسة شافتها عيني".
وأضافت ملك أحمد زاهر: "أنا بحبك أوي، حب مفيهوش شروط ولا حسابات، مع إن الفرق بيننا مش كبير، أقل من سنة بس طول عمري حاسة إنك بنتي مش أختي".
وتابعت ملك أحمد زاهر: "امبارح... بنتي اللي كانت بتتجوز مش أختي، وأنا الفرحة مش سيعاني، بس في نفس الوقت، وحشتيني أوي من دلوقتي، إنتي مش بس أختي حبيبتي، إنتي أحلى حاجة حصلتلي في حياتي، وهفضل دايمًا أقرب واحدة ليكي، أحنّ حضن، وسند من غير كلام".
واستكملت ملك أحمد زاهر: ربنا يسعدك يا روحي... ويخليكي دايمًا قلبك مرتاح مع عريسك الي ربنا يحفظهولك و يفضل يسعدك العمر كله، وأنا دايمًا جنبك في كل خطوة، بحبك يا عروستي الحلوة ، اللهم احفظ أختي وزوجها من كل سوء، وبارك لهما في حياتهما، وأصرف عنهما الحسد والشر، وأدم عليهما السكينة والمودة".
View this post on Instagram
A post shared by Malak Zaher ملك زاهر (@malak.ahmed.zaherr)
وكان حفل زفاف ليلى أحمد زاهر وهشام جمال حضره عدد كبير من النجوم على رأسهم يسرا، ليلى علوى، مصطفى شعبان، أحمد السعدني، ريهام عبد الغفور، دياب، داليا البحيري، عبير صبري، كريم العدل، إيهاب فهمي، محمود عبد المغني، محمد ثروت، عصام السقا، سوزان نجم الدين، عمر السعيد، إدوارد، وعماد صفوت، أمير شاهين، تامر مرضى، عمرو الليثي، إيهاب توفيق.
كما حضر الحفل أيضاً محمد حماقي، محمد فؤاد، أحمد سعد، بوسى، يوسف الشريف، شيري عادل، درة، أشرف عبد الباقي، وفاء عامر، أحمد رزق، هاني رمزي، أحمد فهمي، شيكو، حسين فهمي، نبيلة عبيد، هالة سرحان، طارق الجناينبي، مها سليم، أحمد جمال، إنجى علاء، عمرو الليثي، لقاء سويدان، روجينا، دنيا عبد العزيز، محمد جمعة، رنا رئيس، مي عمر، وعدد كبير من الفنانين.