أحمد موسى: ترامب يُريد جعل غزة قاعدة أمريكية كُبرى في الشرق الأوسط

انفعل الإعلامي أحمد موسى، ردا على تصريحات الرئيس الأمريكي ترامب، حول تهجير الفلسطينيين والسيطرة على غزة، كاشفًا أنه يُريد جعل غزة قاعدة أمريكية كُبرى في الشرق الأوسط.
وقال خلال تقديم برنامجه 'على مسئوليتي' المذاع على قناة 'صدى البلد'، إن المساعدات العسكرية الأمريكية ليست ضمن اتفاقية السلام، إحنا فيه شراكة استراتيجية بين البلدين ولا أمريكا هتستغنى عن مصر ولا مصر هتستغنى عن أمريكا، باختلاف الرؤساء'.
اقرأ أيضا|أحمد موسى: اتمنى ألا يذهب الرئيس السيسي إلى أمريكا بعد تصريحات ترامب
وأضاف: 'إحنا متعودين على الضغوط الأمريكية، والإبتزاز، لكن مش قابلينهم، والمساعدات اللي بيعطوها إلينا غيروا اسمها وبعدين مبقتش تيجي، إحنا في سنة 7 مليار دولار خسارة قناة السويس ولا تراجعنا خطوة'.
وتابع: 'إحنا دولة كبيرة وشعب عظيم، ل أمريكا أولوية في عبور قناة السويس، إحنا نتعاون مع بعض من غير ضغوط، ليه تعمل مدة وتتغط علينا إحنا مش هنسيب أرضنا، ولا الرئيس ولا الشعب ولا الجيش يقدر يسيب 1 سنتيمتر، شهدائنا يقولوا ايه، مهما عمل ترامب مش هنسيب 1 سنتيمتر'.
وأوضح: 'مصر مش بتخاف غير من ربنا، ورئيس مصر مش بيخاف غير من ربنا، واللي أعرفه ومتأكد منه أن مفيش واحد هيسمح بكدة مهما حصل، كفاية إحنا عندنا ضغوط عظيمة، خلينا نحافظ على السلام كفاية ضغوط على شعبنا وجيشنا'.
وواصل: 'دي بلد لازم الكل يحترمها، اللي يتكلم عنها لازم يتكلم عنها بتقدير واحترام، مش رضى أمريكا هيودينا الجنة، حصل ايه قبل كدة وهتفضل مصر قوية وعظيمة'.
واستكمل: 'لن تتراجع عن الثوابت التاريخية، شوفتوا بيان الخارجية إمبارح بيتكلم عن القدس الشريف اللي بيتكلم عن عاصمة الدولة الفلسطينية، ولسة نتنياهو مجرم الحرب لسه بيقول إحنا مستعدين لكل السيناريوهات'.
وأضاف: 'وبالمناسبة مفيش سلام، هما مش عايزين سلام، خد غزة عشان يدورها ويحولها لقاعدة عسكرية وهما كده عايزين سلام، من سنة قولت الكلام ده بيتعمل النهارده، مكنوش رايحين يستكشفوا الأجواء، غزة هتتحول لأكبر قاعدة عسكرية أمريكية في الشرق الأوسط'.
واختتم: 'هذا هو المخطط الأمريكي، وكلنا على قلب رجل واحد، كبير وصغير وأخطر تحديات موجودة جاية، مش هنخلي المخطط ده يمشي وعلى جثثنا كلنا، ومصر تدينا حصة ده كلام، وده مش كلام سياسة ده كلام لن نسمح بيه على الإطلاق، ولن نقبل من ترامب ولا غيره يتكلم عننا كده، إحنا كنا فاكرين الراجل هيعمل سلام زي الفترة الأولية، لكن ظهر الوجه الحقيقي، يا عالم يا عرب خلوا بالكم الجميع إيد واحدة ولا يخاف أبدًا قوتنا أننا نكون مع بعض، مفيش حاجة أسمها العالم العربي هيقدم تنازلات إحنا أكبر دولة مش هنقدم تنازلات'.
اقرأ أيضا|أحمد موسى منفعلاً على الهواء: مصر لن تتنازل عن شبر واحد