«أنا كنت مختفية ليه؟».. مي الغيطي تكشف حقيقة حالتها الصحية |صور

كشفت الفنانة مي الغيطي تفاصيل حالتها الصحية خلال الفترة الماضية عبر حسابها الرسمي بموقع الصور والفيديو "إنستجرام".
ونشرت مي الغيطي، مجموعة صور لها عبر حسابها الرسمي التي توضح اصابتها، وعلقت قائله :" "فى ناس كتيرة بتسألني أنا كنت مختفية ليه".
وتابعت مي الغيطي : "من 7 شهور كنت في حادثة حصلت في تايلاند، اتخبطت بعربية نقل في العربية اللي كنت فيها، واتصابت إصابات بالغة".
واستكلمت مي الغيطي :" حصلي كسر في حوضي، وإصابة في العمود الفقري، وكان عندي إصابات داخلية ونزيف داخلي وتلف في الأعصاب في رجلي".
وأوضحت مي الغيطي : "قعدت في المستشفى أسابيع في تايلاند ورجعت مصر علشان أكون مع أهلي وأتعالج وسط دعمه، مكنتش حابة أشارك اللي حصل وقتها، كنت محتاجة وقت أتعافى بعيد عن أي ضغط".
وأضافت مي الغيطي: "بعد علاج طبيعي فترة وكل شوية نكتشف حاجة جديدة أنا دلوقتي أحسن بكتير جدًا الحمد لله ودي حاجة محدش كان متخيلها بعد فترة نسبيًا قليلة".
واختتمت مي الغيطي حديثها: "حاسة إني كنت عايزة أشارك ده دلوقتى عشان أقول أن الجسم عنده قدرة رهيبة على الشفاء، وأقوى بكتير مما نتخيل وأن التعافي بياخد وقت، بس بييجي لو أنت بتمر بوقت صعب، أرجوك كون صبور مع نفسك عشان عدم فقدانك إيمانك أنك هتكون".
فيلم «كاملة»
يذكر أن شاركت مي الغيطي في فيلم «كاملة» بجانب كلا من إنجي المقدم، مي الغيطي، فراس سعيد، لطفي لبيب، سلوى عثمان، تأليف محمد عبد القادر، وإخراج جون إكرام ساويرس.
تدور أحداث الفيلم في إطار اجتماعي حول وضع المرأة والأزمات التي تتعرض لها داخل المجتمع من خلال بطلته الطبيبة النفسية "كاملة" التي تعاني من نظرة المجتمع لها بسبب تجاوزها سن الأربعين دون زواج، لتجد نفسها في مواجهة قاسية مع الأسرة والمجتمع، إلى جانب تعرضها لأزمة عاطفية تفقدها الثقة في كل شئ.