هدى المفتي: تعرضت لوعكة صحية شديدة عقب إصابتي بفيروس كورونا | فيديو

قالت الفنانة هدى المفتي، إنها تعرضها لوعكة صحية شديدة عقب إصابتها بفيروس كورونا خلال الفترة الماضية؛ مما اضطرها للخضوع لعملية جراحية في الأمعاء.
وأضافت المفتي، خلال لقائها في برنامج معكم، الذي تقدمه الإعلامية منى الشاذلي، والمذاع عبر شاشة قناة CBC، «كنت من أول الناس اللي يجيلها في مصر بعد رجوعي من الجونة، وما كنتش عارفه إيه اللي يحصل».
وتابعت: شعرت بألم غريب، وما أخدتش أدوية سيولة لما جاتلي الكورونا؛ فجالي جلطة في الوريد اللي بيوصل الدم للأمعاء، وكنت بحس بأعراض معينة، وبحرقان غريب، وكنت فاكره إن في حاجة في القلب عندي، وعملت رسم قلب، بس ما طلعش في حاجة، مضيفة «سافرت أنا وصديقتي لأسوان، وفجأة تعبت تعب مش طبيعي وجع مؤلم، ورجعت القاهرة بطيارة بسرعة، واتبهدلت، ولولا صاحبتي؛ كان حصلي حاجة».
واستطردت: دخلت المستشفى في القاهرة، والدكاترة مش عارفين أنا عندي إيه، وعملت أشعة، وكل حاجة، ومش عارفين، وبطني بتتنفخ، ووجع وألم غير طبيعي، وقرروا يفتحوا بطني ولما فتحوا؛ طلع عندي جلطة في الوريد اللي بيوصل الدم للأمعاء، وبسبب إنه ما اتعالجش؛ عمل غرغرينة في جزء من الأمعاء، متابعة أنهم قرروا يستأصلوا الجزء ده، وكانت عملية كبيرة، وفضلت فترة طويلة في العناية المركزة، أكتر من شهر .
اقرأ أيضا | حقيقة ارتباط مروان بابلو وهدى المفتي ورد فعل ويجز