"هبقى مرتاحة وأنا رايحة لربنا.. وكابوس العناية".. أبرز تصريحات ياسمين عبدالعزيز

حلت الفنانة ياسمين عبدالعزيز، ضيفة على الإعلامية منى الشاذلي ببرنامج "معكم" مساء أمس الأربعاء على شاشة (سي بي سي).
وخلال الحلقة -التي حققت نسب مشاهدة عالية- صرحت ياسمين عبدالعزيز عددا من التصريحات أبرزها:
_ عانيت من أكياس على المبيض تسمى "الشوكليت سيست" وأجريت أول جراحة لاستئصالها في عمر ال 16
_ في المرة الأخيرة حدث خطأ طبي تعرضت لثقب في القولون ما أدى لتسمم في الدم
_ كنت بموت ومن كتر ما أنا واخدة مسكن ومخدر مكنتش حاسة بحاجة
_ الدكتور قالي: "أنا كنت داخل وبعمل العملية وعارف إنك هتموتي".
_ خسيت 15 كيلو الفترة دي وبصيت لقيت معدتي والأمعاء كلها برة بطني.
_ الناس دعت ليا يوم عرفة، وبعد اليوم ده حسيت إني بقيت حاجة تانية وردت فيا الروح
_ ماتعودتش أشتكي من الألم والعملية دي عملتها 5 مرات قبل كده
_ وصيت أخويا الكبير "شريف" على ولادي "ياسمين وسيف"
_ أنا ماكنتش خايفة من الموت أنا كنت خايفة على ولادي
_ كان بيجيلي كابوس غريب كل ما أنام في العناية المركزة، وقررت إني مانامش بعدها وأفضل صاحية
_ قبل العملية بأسبوع جاتلي رسالة من التربي بعتلي فيديو بيجهز فيه التربة.
_ التربي قالي حطيتلك كشاف في الترب يا أستاذة
_ جالي كورونا مرتين في تصوير "اللي مالوش كبير" ومن ساعة ما المسلسل اتعرض وأنا مشوفتش انبساط خالص
_ في وقت مرضي طلقوني وموتوني كتير، وقالوا إن ده بسبب عملية تجميل
_ وصلت لمرحلة قلت لأهلي انا هبقى مرتاحة وأنا رايحة لربنا.