مرض ومعاناه ورحلة علاج طويلة تخللها الشعور بالموت هو ما كشفت عنه الفنانة ياسمين عبد العزيزخلال ظهورها الخاص مع الإعلامية منى الشاذلي ببرنامج "معكم" على قناة "cbc بعد محنة مرضها وعلاجها في الخارج ، لتتصدرياسمين عبد العزيز التريند علي محرك البحث جوجل . الفنانة ياسمين عبد العزيز ياسمين عبد العزيز ومعاناتها مع المرض كشفت تصريحات الفنانة ياسمين عبد العزيز التي عكست بها ما عاشته من مرض والم متواصل حتي انها عاشت لحظات الموت لتؤكد ياسمين عبد العزيز انها عاشت فترة لا تتذكر فيها شيئا على الإطلاق، حيث كانت في شبه غيبوبة وفاقدة الوعى، متابعة: "كانوا بيقولولى فاكرة فأقول لهم لا مش فاكرة حاجة" وأضافت "كنت داخلة أعمل عملية عند دكتور النسا اللي ولدني في بنتي فأنا عندي أكياس من وأنا عندي 16 سنة وهي منتشرة عند بنات كتير، وانا عملت العملية دي حوالي 5 مرات وكنت بدخل أعمل العملية ومحدش يعرف حاجة عني وأعود لشغلي عادي فأنا تأقلمت على الأكياس والالام بتاعتها بقت صاحبتي وأعيش وأتعايش معها". ياسمين عبد العزيز واستطردت ياسمين عبد العزيز قائلة "رحت للدكتور قولتله عاوز أعمل العملية بعد مسلسل (اللي مالوش كبير) ومن وقتها مشفتش يوم انبساط وجالي مرتين كورونا ففي شهرين أجريت 4 عمليات منهم عمليتين في يوم واحد وبعدها دخلت في أزمتي الصحية وبعد خروجي من العملية شعرت بألم رهيب وكنت بقولهم (أنا بموت) وخرجت من العملية مش فاكرة حاجة بسبب المخدر والمسكنات التي حصلت عليها بسبب الآلام التي كنت أشعربها انا ست مش بدلع وحمولة لما بكون بتوجع بيكون إحساس حقيقي.
وتابعت ياسمين عبد العزيز قائلة "بعدها بكام يوم قالولي لو معملتش العملية كمان ساعة هتموتي والقولون اتخرم وجالي تسمم في الدم وعملولي العملية والدكتور أنقذ حياتي قالي انا داخل اعمل العملية والدنيا بايظة خالص وعارف أن الموضوع كان صعب جدا" واضافت" بعد ما القولون بتاعي اتخرم وقالولي لو معملتيش العملية كمان ساعة هموت كنت حاسة إني مش هطلع من العملية وقولت لاخويا الكبير (خلي بالك من ياسمين وسيف) لاني فعلا حسيت اني داخلة مش طالعة." بكاء ياسمين عبد العزيز بعد العملية دخلت العناية المركزة وكان راكب خراطيم في انفي وفمي وبطني وكالونات في رقبتي وجلست في العناية المركزة 5 أيام واللي بيدخولولي كانوا حاسين اني خلاص والدكاترة قالوا ادعولها دي بتعيش اليوم بيومه.
وقالت ياسمين عبد العزيز "أنا في العناية المركزة دخلت على جهاز اللي بيدخل عليه 100 حالة بيعيش 10 منهم فقط وقالوا هي اتحطت على جهاز اللي بيدخل فيه مبيطلعش فمنذ بداية العملية لاخرها أنا في غيبوبة". وأضافت وانا في العناية المركزة شعرت إني خلاص وقولتلهم مش قادرة أكمل بسبب الالام والتعب وقولتلهم شيلوا كل حاجة انا خلاص هبقى مرتاحة اني اروح لربنا. فالموضوع كان صعب وكنت حاسة إن بكرة مش هبقى موجودة وروحي بتتسحب، وأول مرة أحس بشعور إني خلاص هموت، كنت ببص لقيت معدتني والأمعاء برا وسألت إيه ده قالولي إن ده كان لازم يحصل بسبب التسمم ، وفي سويسرا عملت العملية الرابعة دخلوا الأمعاء جوا بطني، وبعد 3 شهور من مرضي مسكت التليفون وبدأت أبص على كلام الناس ياسمين عبد العزيز ويوم عرفة قالت ياسمين عبد العزيز انه بعد نشر زوجها أحمد العوضي بوست عن مرضها الناس دعيتلي ويوم عرفة كان فارقًا لي والناس كلها دعيتلي وكأن الدعاء كله كان من نصيبي، واتحسنت حالتي ونيفين صاحبتي قالتلي وأنا في العناية المركزة هدعيلك ، وبعد يوم عرفة طلعت من العناية المركزة في غرفة عادية وردت فيا الروح، من واحدة كنت بموت لواحدة سخر ربنا الناس كلها تدعيلي. اثر الازمة الصحية أكدت ياسمين عبد العزيز أن الأزمة الصحية التي تعرضت لها انقصت وزنها 15 كيلو وكان تحت عيني أسود كأني واحدة تانية في المستشفى، قائلة محبتش حد يشوفني وأنا تعبانة وشكلي تعبان ومشفتش نفسي وأنا تعبانة في المراية ورافضة أتصور معاهم، مرضيتش أنزل من سويسرا بعد ما خلصت إلا وأنا ياسمين وماشية ياسمين وقوية وقولت عندي أولاد ولازم أكمل. أحمد العوضي حضن العوضي جابلي الكافية حضن العوضي جابلي الكافية هكذا عبرت ياسمين عبد العزيز عن ان ما تعرضت له هو حسد قائلة اتعقدت من جملة "وحش الكون" مضيفه كنا بنصور مشهد حضن أحمد العوضي في مسلسل "اللي مالوش كبير" في مكان فيه ناس كتير وأنا مكسوفة والناس بعد كل الحضن كانت مبسوطة في الشارع. حضن العوضي
للاطلاع على أبرز وأهم الأخبار والأحداث يرجى الاشتراك بالصفحة الرسمية لموقع صوت الأمة.. أضغط هنا
