شاهد.. بابتسامة محارب ووجه شاحب"شريف مدكور" يكشف تفاصيل إصابته بفيروس في الدم

أعلن شريف مدكور بعد فترة غياب عبر مواقع التواصل الاجتماعي، عن سبب غيابه من خلال حسابه عبر الفيسبوك قائلا: "أي حد بياخد كيماوي مناعته بتقل، دي حاجة معروفة، أنا كابرت شوية وبقيت أنزل الشغل واعافر واشتغل زي ما أنا، وأنزل وأخرج وأسوق العربية وأعمل كل حاجة، في بعض الإرشادات اللي كانت متقالالي وأنا معملتهاش، إن أنا الناس اللي كانت بتسلم عليا كنت بسلم عليهم وببوسهم، فأنا جالي فيروس بقالي خمس أسابيع الفيروس ده في الدم وموجود عند كل الناس بنسب قليلة".


وأضاف مدكور: "أنا مش عارف اسمه إيه هو موجود عند كل الناس بس بنسب قليلة من 100 ل 150، أنا طلع عندي 900، وده أدى إن درجة ‏حرارتي بقالي خمس أسابيع واصلة ل 39 ونص، هو مالوش علاج غير إن الجسم يحاول يتخلص منه، وده اللي بيحصل لكن أنا عندي أنيميا ‏بسبب الكيماوي والمناعة قلت عندي وده طبيعي جدا".‏

وأوضح شريف، أنه توجه إلى إحدى المستشفيات لنقل كيسين دم بالأمس، حتى يتمكن جسده من القضاء على الفيروس، وقال ‏مطمئنًا متابعيه: "مش عايز أي حد من مرضى السرطان يقلق الموضوع مالوش دعوة بالكيماوي أوي هو له دعوة شوية أنا اللي ‏أهملت نزلت وكنت بشتغل عادي وده مكانش ينفع، كان مفروض أريح شوية بس مقدرتش عافرت، الحمد لله اتحسنت شوية مش ‏هقدر أقول اتحسنت أوي".‏

وأشار الإعلامي شريف، إلى أنه عانى خلال الفترة الماضية بسبب ارتفاع درجة الحرارة لمدة خمسة أسابيع متواصلة مما أجهده واضطره للاعتذار عن ‏أيام عمل كثيرة، لأنه لا يتعاطى أي نوع من الدواء ليساعده في هذه المحنة سوى خافض للحرارة من نوع معين لا يسبب له حساسية.‏

وطمئن شريف مدكور متابعيه وطالب كل من يخضع للعلاج الكيماوي أن يتخذ احتياطات السلامة ويتوقف عن مصافحة ‏الناس باليد أو تقبيلهم، لأنه لم يستمع لهذه الإرشادات وهذا ما تسبب له بالإصابة. ‏